Árbók Hins íslenzka fornleifafélags - 01.01.1959, Síða 132

134
ÁRBÓK FORNLEIFAFÉLAGSINS
málverkasýning (Páll Melsteð) 14.—26. marz. Magnús Jónsson, mál-
verkasýning, 29. marz-—10. apríl. Sænsk bókasýning (Norðri og ísa-
foldarprentsmiðja) 19.—29. apríl. Kristján Davíðsson, málverka-
sýning, 3.—14. maí. Ólafur Túbals, málverkasýning, 17.—29. maí.
Frímerkjasýningin Frimex, 27. sept.—12. okt. Handavinnusýning
Kleppssjúklinga, 18.—26. okt. Rússnesk svartlistarsýning, 6.—19.
nóvember.
Aðeins ein þessara sýninga var haldin af safninu sjálfu, minn-
ingarsýning Sigurðar málara Guðmundssonar, haldin í tilefni af
125 ára afmæli hans (f. 9. marz 1833). Sýningin var sett saman
af listaverkum Sigurðar, sem ýmist eru í eigu safnsins eða einstak-
linga, svo og öðrum minjum um hann, einkum handritum og bókum.
Forseti Islands, menntamálaráðherra og fleira stórmenni var við
opnun sýningarinnar, en taldir gestir á sýningunni alls 2769. Allar
hinar sýningarnar voru safninu óviðkomandi og var salurinn leigð-
ur. Leigan var kr. 150.00 fyrir hvei’n sýningardag. Aðsókn var
misjöfn, en að frímerkjasýningunni svo gífurleg, að annar eins
troðningur hefur hér aldrei verið.
Safrumki. Færðar voru 54 færslur nýrra safngripa, en stundum
voru margir gripir færðir saman, svo að þessi tala gefur ekki rétta
hugmynd um safnaukann. Allir þessir hlutir voru safninu gefnir,
en yfirleitt eru þeir ekki mjög merkilegir. Einna merkastir eru:
Forn öxi og skjaldurbóla frá Hábæ, Þykkvabæ, gefandi Ólafur Guð-
jónsson, stúlkumynd eftir Sigurð málara, gefandi Ólafur Sig-
urðsson, Hellulandi, sílþvaga, gefandi Soffía Gísladóttir, handlína,
gefandi Kristín Guðmundsdóttir, skautslæða vönduð, gefandi Björg
Sigurðardóttir, trafaöskjur (með mörgu fleiru), gefandi Veronika
Einarsdóttir, Ijósahjálmur frá 17. öld, gefandi sóknarnefnd Síðu-
múlakirkju, rykkilín úr Urðakirkju, gefandi Þorbjörg Sigurhjart-
ardóttir.
Vaxmyndasafnið. Gestir í vaxmyndasafninu voru 3428.
Örnefnasöfnun. Ari Gíslason örnefnasafnari skilaði fullfrá-
gengnu handriti að örnefnalýsingum Gullbringu- og Kjósarsýslu,
alls 448 síðum vélrituðum, enn fremur uppkasti að skrá um mestan
hluta Suður-Þingeyjarsýslu. Hélt hann áfram ferðum sínum um
Þingeyj arsýslur báðar, og eru þær langt á veg komnar. örnefna-
söfnunin gengur að óskum, og dregur að lokum þessa mikla söfn-
unarstarfs á næstu árum.
Viðhald gamalla húsa. Gengið var frá loftræstingarkerfinu í