Árbók Hins íslenzka fornleifafélags - 01.01.1959, Qupperneq 136

138
ÁRBÓK FORNLEIFAFÉLAGSINS
Magnús Antonsson, Ólafsvík.
Nanna Ólafsdóttir, mag. art., Rvík.
Sigurpáll Jónsson, fulltrúi, Rvík.
Steingrímur Hinriksson, Rvík.
Universitát Miinchen, Seminar fiir nord. Philologie, Miinchen.
Þórarinn Sveinsson, læknir, Rvík.
Þórir Stephensen, sóknarprestur, Hvoli, Saurbæ.
Þorkell Grímsson, safnvörður, Rvík.
í fornleifafélaginu eru nú 355 félagar, og væri rétt að allir legðust á eitt
um að auka þá tölu með tryggum og góðum félagsmönnum.
Árbóhin.
Það er einlægur ásetningur stjórnar félagsins að láta Árbók koma út reglu-
lega einu sinni á ári, þó að undanfarið hafi af ýmsum ástæðum orðið að gefa
út eitt hefti fyrir hver tvö ár. Árbókin gegnir mikilvægu hlutverki bæði innan-
lands og erlendis sem eina málgagn íslenzkrar fornleifafræði. Hún þyrfti því
fremur að færa út kvíarnar en draga saman seglin.
Því er ekki að leyna að útgáfa Árbókar er félaginu erfið f járhagslega, enda
þótt öll vinna við hana sé gefin, bæði ritstjórans og annarra, sem að útgáfunni
vinna, og mun slíkt vera fátítt eða einsdæmi um sambærileg félög. Árgjöldin
hafa verið of lág, hvort sem miðað er við lesmálsmagnið sem fyrir það fæst
eða samanburður gerður við ársrit annarra félaga. Til þess að firra félagið
fjárhagslegu öngþveiti hefur því stjórnin ákveðið að gjald fyrir hverja árbók,
þ. e. árgjald félagsins, skuli hér eftir vera kr. 40.00. Það er að vísu allmikil
hundraðshlutahækkun frá því sem verið hefur, en að krónutölu er hún ekki
mikil, og stjórnin treystir því að félagarnir telji þetta ekki eftir. Þetta er
áreiðanlega ekki meira en sannvirði þess sem þeir fá, en auk þess væntir stjórnin
að félagarnir vilji koma til móts við hana um að gera Árbók myndaiiega úr
garði og muna framlag þeirra sem frá upphafi hafa gefið þetta rit út án þess
nokkurn tíma að taka eyris virði fyrir ómak sitt. Það er mikið ómak að gefa
út meðalstóra bók á hverju einasta ári.
Sem sagt, góðir félagar, takið þessari nauðsynlegu hækkun vel.
Fylgirit Árbókar 1958.
Með Árbók 1958 var gefið út fylgirit, sem í eru ræður þær, er fluttar voru
á Víkingafundinum í Reykjavik 1956. Fylgiritið er ekki sent félagsmönnum nema
þeir æski þess sérstaklega. Verðið er kr. 50.00 til félágsmanna. Sá sem eiga
vill Árbók heila verður að hafa þetta rit með, og stjórn félagsins leyfir sér því
að vekja athygli á ritinu, meðan það er enn til. Sendið stjórninni pantanir
yðar og biðjið um ritið sent með póstkröfu.
Fundargeröir og reikningar.
Fundargerðir og reikningar fornleifafélagsins fyrir árin 1957, 1958 og 1959
verða birtir í Árbók 1960.