Eimreiðin - 01.05.1902, Blaðsíða 10
9o
Beecher hélt lengi áfram að styðja samveldismenn í stjórnmálum.
Auk þess fór hann fram og aftur um landið og flutti tölur um ýms
málefni. f*að er talið, að hann hafi flutt í 15 ár um 150—200 tölur
á ári hverju. — Enn fremur prédikaði hann á sunnudögum og helgi-
dögum.
Árið 1872 vóru liðin 25 ár, síðan Beecher varð prestur í Brook-
lyn. Hann og söfnuðurinn hélt »silfurbrúðkaup« sitt í okt. 1872. Þar
var mikið um dýrðir, enda var fagurt að líta yfir liðnu árin. Söfnuð-
urinn hafði haft meiri áhrif á þjóðmál Bandaríkjanna, en nokkur annar
söfnuður hefir nokkru sinni haft. En Beecher var þá talinn frægasti
prestur í heimi.
Árið 1884 fór forsetakosning fram í Bandaríkjunum. Þá var
Cleveland forsetaefni sérveldismanna, en Blaine forsetaefni samveldis-
manna. Beecher vildi sitja hjá og skifta sér eigi af kosningum þess-
um. Hann bar eigi fult traust til Blaine’s. En samveldismenn vildu
neyða hann til að styðja Blaine og höfðu jafnvel hótanir í frammi.
Pá skifti Beecher um skildi, sagði skilið við samveldismenn og gekk í
lið með sérveldismönnum. Þessu vék þannig við. Beecher hafði fylgt
samveldismönnum, sakii* þess að þeir vóru andvígir þrælahaldi. En
hann snerist í lið með sérveldismönnum, sakir þess að hann var hlyntur
»frjálsri verzlan« (free trade). Við forsetakosning þessa flutti Beecher
tölur og studdi mjög að því, að Cleveland náði kosninu.
Árið 1886 fór Beecher og kona hans til Englands. Þar vóru þau
næstum 4 mánuði. Beecher heyrði þá Gladstone halda tölu um heima-
stjórn íra og sagði við hann: »Ég á engin orð yfir ágæti tölu yðar.« Glad-
stone svaraði: »Vissulega eruð þér góður dómari í því efni.« Meðan
Beecher dvaldi á Englandi, komust menn þannig að orði: »Nú eru
»gömlu mikilmennin« á Englandi orðin tvö« (Gladstone og Beecher).
Beecher flutti í ferð þessari 7 prédikanir og 67 tölur. Mestu stórmenni
Englands sýndu honum mikinn sóma, t. d. Gladstone, Herbert Spencer
og Farrar.
Þegar Beecher kom heim úr þessari Englandsferð sinni, þá tók
hann aftur við störfum sínum í Brooklyn. En 3. marz 1887 lagðist
hann banaleguna og dó 8. s. m. Hann var jarðsettur 12. marz með
mestu þjóðarsorg.
Kona Beechers og 4 börn þeirra (3 synir og 1 dóttir) lifðu hann.
f’ótt allir bræður hans væru prestar og allar systur hans rithöfundar,
þá varð þó engiun af sonum hans prestur og ekkert barna hans rit-
höfundur.
í ágripi þessu er eigi hægt að lýsa Beecher, að því er snertir rit-
störf, trúar- og kirkjuskoðanir, ræðuíþrótt og margt fleira. Hann var
afarfrumlegur (genial) i hugsunum sínum. Sakir þess lagði hann margar
nýjar brautir í ríki andans En sumar þeirra urðu að einstigi, sem
engum var fært nema honum einum. Hafsteinn Pétursson.