Eimreiðin - 01.05.1902, Qupperneq 74

154
ingu, að því er hana snertir, og væri óskandi, að bókinni yrði tekið
svo vel, að útgefandinn sæi sér fært, að gefa út árlega bæjarskrá með
öllum þeim leiðréttingum, sem nauðsynlegar eru í hvert sinn, enda er
það sjálfsagt tilgangurinn. Slík bók er ekki að eins afarnauðsynleg
fyrir íbúa Rvíkur sjálfa, heldur ekki síður fyrir alla þá út um landið,
sem einhver viðskifti hafa við höfuðstaðinn eða þangað koma. Með
hana i höndum geta menn ratað um allan bæinn og fundið bústað
hvers manns, sem í honum býr, ef menn þekkja nafn húsráðandans.
Noti menn hana við utanáskrift bréfa, munu og vanskil á bréfum, sem
send eru til Rvíkur, verða minni en hingað til. 1 henni er og margs-
konar annar fróðleikur, sem flestir þurfa meira eða minna á að halda.
I fyrsta kafla bókarinnar eru taldar í stafrófsröð allar almennings-
stofnanir, stjörnarvöld, félög, sjóðir o. fl. í Rvík, og jafnframt stuttlega
skýrt frá hverju um sig. ]?ar er og skýrt frá bæjargjöldum, skrifstofutíma
embættismanna, póstum og skipaferðum, burðareyri og mörgu fleira.
í öðrum kaflanum er heimilaskrá; eru þar taldar upp allar götur' bæj-
ariqs í stafrófsröð og hús í hverri götu, og um leið skýrt frá, hverjir
búi í hverju húsi (húsráðendur, lausamenn og lausakonur). í þriðja
kaflanum er nafnaskrá ailra téðra bæjarbúa í stafrófsröð, með bústöð-
um þeirra aftan við nöfnin. í fjórða kaflanum er atvinnuskrá, þar
sem taldir eru allir þeir atvinnurekendur í stafrófsröð í hverjum flokki,
sem þess hafa óskað. Þessi skrá er einna ófullkomnust og virðist mjög
marga í hana vanta. Er auðséð, að ýmsum atvinnurekendum hefir
ekki verið það ljóst, hvers virði það getur verið, að nafn þeirra standi
í slíkri skrá, þegar menn fara að nota bæjarskrána að nokkrum mun.
Auk þessa eru í bókinni auglýsingar á nálega 40 blaðsíðum, enda eru
engar bækur hentugri til auglýsinga en bæjarskrár, og hafa menn furðu
fljótt séð það.
Bæjarskrá þessi er svo vel af hendi, að mestu furðu gegnir, hve
fullkomin hún er, þegar þess er gætt, að hér er um frumskrá að ræða,
sem afarerfitt er að semja og ætíð stendur til bóta. 1 hana vantar
víst nauðafátt. Þó söknum vér þess, að ekki er getið um bókasafn
látínuskólans í fyrsta kaflanum, og er það þó allmikið safn í sérstakri
byggingu. Ekki er þar heldur getið um þinghús bæjarins, sem þó þykir
einna sjálfsagðast að telja í öllum bæjum. Hússins sjálfs er að vísu
getið undir öðru nafni, en það er ekki nóg. Með tímanum ætti og
uppdráttur af Rvík að fylgja bæjarskránni.
Bókin kostar innbundin ekki nema 80 aura, og ætti því engum
að vera ofvaxið að fá sér hana, enda er vonandi og óskandi, að hún
verði keypt svo mikið, að framhald geti orðið á útgáfu hennar.
STYRKTARSJÓÐUR KRISTJÁNS KONUNGS HINS NÍUNDA
í minningu þúsund ára hátíðar íslands, árin 1875 —1900 (sérpr. úr
«Búnaðarritinu« 1901). Sjóður þessi var stofnaður með konungsbréfi
10. ág. 1874 og var þá 8000 kr., en árið 1900 var hann orðinn
9614 kr. Konungur ákvað sjálfur, að vöxtum hans skyldi varið til
tveggja árlegra heiðursgjafa handa þeim, er mestan dugnað hafa sýnt
í jarðyrkju, hestarækt, iðnaði, fiskiveiðum, sjóferðum eða verzlun. Nú
hefir sjóður þessi starfað í fullan fjórðung aldar, og átti þá mjög vel