Eimreiðin - 01.05.1916, Qupperneq 25

IOI
kann að vera orðið að lögum og hvað ekki? — Veizt þú, t. d.
hverjar hafnir er búið að löggilda og hverjar ekki? — 60—70 ný
lög eftir hvert þing — það er álitleg viðkoma! Menn geta verið
vitrustu og beztu menn þjóðarinnar, þótt þeir kynnu að villast í
öðru eins moldviðri.
En — hvað var ég nú eiginlega kominn langt í sögunni?
Já, nú man ég það. Við vorum að slíta fundi í háttvirtri Neðri
deild — einum af þessum óendanlegu fjárlaga-fundum, sem heil-
brigð skynsemi fæstra háttvirtra þingmanna lifir af. Ég hafði
haldið eina ræðu — eina dómadags-ræðu um eyðslusemi stjórn-
arinnar — undirbúningsræðu undir næstu kosningar, eins og þú
skilur. — Ég var vel undir búinn og lét mér takast upp — var
bæði napur og harðorður og lagði ekki fingurna á milli. — Éað
var öllu óhætt, því að hæstvirtur ráðherra var þá stundina inni í
hinni deildinni. Pegar ræðan var búin, naut ég hennar í anda á
eftir, og lét hina segja, hvað sem þeim þóknaðist. Ég las hana
upp í huganum, orð fyrir orð, og gerði á henni þær umbætur,
sem ég ætlaði síðar að skrifa niður, þegar mér gæfist tækifæri
til að leiðrétta það, sem skrifararnir — dauð-þreyttir og hálf-
sofandi — hefðu haft eftir mér, svo að háttvirtir kjósendur fengju
vöruna sem vandaðasta. Að þessu var ég það sem eftir var
fundarins, á meðan 30—40 ræður annarra beljuðu um hlustirnar
á mér. Hvern fjandann varðaði mig um þvaðrið úr þeim. Ég
naut minnar eigin ræðu og naut hennar í bezta tómi innan um
alt skvaldrið; ég var ekki kominn þangað til að láta þá sann-
færa mig með orðastraumi. — — Svo hrökk ég upp við það frá
mínum sælu draumum, að atkvæðagreiðslan var skollin á.
III.
I
Hefirðu litið inn í háttvirta Neðrideild, þegar langur fjárlaga-
fundur hefir verið að enda? — Gott og vel. Pá veiztu, hvernig
þar er umhorfs. — Breytingartillögur, breytingartillögur, breyting-
artillögur — í stórum hrúgum, stórum flekkjum, á borðunum, á
gólfinu, í gluggakistunum og utan í háttvirtum þingmönnum —
allir vaða í breytingartillögum og altaf bætist við, altaf, fram að
síðasta augnabliki, því að hver þingsendillinn gengur á eftir öðr-
um með öllum bekkjunum og réttir hverjum háttvirtum þingmanni
breytingartillögu, leggur hana á borðið hjá honum, ef hann er