Eimreiðin - 01.09.1916, Blaðsíða 53

209
þessi hjálp ætti hverjum borgara í þjóðfélaginu að geta hlotnast.
Hver höndin ætti hér að hjálpa annarri, og efnin eru nægileg, ef
þeim er rétt stjórnað og réttilega niðurraðað. Björnstjerne Björn-
son hafði rétt fyrir sér, er hann kvað: »Der er Sommersol nok,
der er Sædejord nok, bare vi, bare vi havde Kærlighed nok«.
Stofnun sjúkrasamlaga er eitthvert hið nytsamlegasta og fegursta
fyrirtæki, sem miðar að því, að efla mannúðartilfinningu, vellíðan
og efnahag þjóðarinnar.
Ég hafði hugsað mér að minnast lítið eitt á slysa- og sjúkra-
vátryggingar, en verð að hætta við það í þetta skifti og bíða betri
tíma. Aðeins vil ég geta þess, að þesskonar vátryggingar eru nú
orðnar mjög tíðar og hafa náð mikilli fótfestu í öllum siðuðum lönd-
um nema á íslandi. íslendingar eru mjög miklir eftirbátar annarra
þjóða í þessum efnum. Mér vitanlega starfar aðeins eitt slysavá-
tryggingarfélag á íslandi, en það er hið alkunna svissneska félag
Winterthur. Aftur á móti hefir til þessa tíma ekkert sjúkdómavá-
tryggingarfélag fengist til að tryggja menn í veikindum með dag-
styrk. En fyrir skömmu hefi ég fengið vitneskju um, að hið alkunna
og stóra slysa- og sjúkdómavátryggingarfélag sHaand i Haand« í
Kaupmannahöfn hafi gengið að því, að vátryggja alla íslenzka lækna
gegn almennum iðgjöldum, eins og gerist í Danmörku. Hefir þetta
gerst fyrir ötula framgöngu Steingríms héraðslæknis Matthíassonar
á Akureyri. Ég hefi nýlega haft tal af einum stjórnarmanna í
»Haand i Haand«, og tjáði hann mér, að félagið vildi fyrst gera
tilraun með að tryggja læknana, en mundi að öllum líkindum síðar
rýmka verkahring sinn á íslandi svo, að hann næði til fleiri stétta,
ef tilraunin með læknana gæti borið sig. Dr. Beyer, formaður Odd-
Fellow-reglunnar í Danmörku, er einn af stjórnarfulltrúunum í »Haand
i Haand«, og kvað hann vera málinu hlyntur.