Eimreiðin - 01.01.1920, Page 66

66
MERKILEGAR MYNDIR
[EIMREIÐIÍi
menn hér heima könnuðust nokkuð við þær, en fekk
svar, sem sýndi, að svo myndi eigi vera. Mér varð og
þegar ljóst, að óhugsandi væri, að fræðimenn vorir hefði
eigi haldið þeim á lofti og látið taka ljósmyndir af sum-
um þeirra, ef þeir hefðu vitað, að þær væri til. Pær eru
alls yfir sjötíu.
Við margskoðuðum myndir þessar i sumar, og einn
daginn fekk eg Björn Sigurðsson, fyrrum bankastjóra,
sem nú er eins konar fulltrúi íslensku landsstjórnarinnar
í Lundúnum, til að líta á þær með mér. Dómur hans
varð hinn sami og okkar hinna: að þær væri afar-merki-
legar og að hann hefði aldrei séð eða heyrt um þær
getið.
Haraldur Hamar bað mig að koma vitneskjunni um
tilveru myndanna á framfæri og rita um þær í eitthvert
blaðanna. Til þess að efna loforð mitt við hann skrifa
eg grein þessa.
Með þar til fengnu leyfi lét eg taka ljósmynd af þremur
þeirra og hafði heim með mér. Leitst ritstjóra Eimreiðar-
innar svo vel á þær, að hann hefir ekki talið eftir sér að
láta gera smámynd af tveimur þeirra handa Eimreiðinni.
Fyrir þá sök meðal annars kemur greinin hér og ekki
fyr en þetta.
En áður en eg segi frekar frá myndunum, verð eg að
geta um með fám orðum, hvernig þær eru til orðnar.
Dr. Þorvaldur Thoroddsen getur þess í Landfræðissögu
íslands, að Danir hafi verið fyrstir manna til þess að
fara ferðir til íslands í vísindalegum erindum. Var það á
seinni hluta 18. aldar. En af annara þjóða mönnum hafi
Englendingar verið fyrstir og fremstir.
Auðugur Englendingur, Sir Joseph Banks, bjó út leið-
angur hingað til lands í vísindalegum tilgangi árið 1772.
Var hann sjálfur fyrir ferðinni og kostaði hana að öllu
leyti. Var hann merkur vísindamaður, fæddur 1743 og
andaðist 1820. Unni hann einkum náttúruvísindum og
vildi auka þekking manna á þjóðum og lönduin. Hann
notaði auðæfi sín til að styrkja vísindin og lagði á sig
miklar þrautir í langferðum vegna þessa áhuga síns^