Eimreiðin - 01.01.1920, Qupperneq 94

94
NÝR MYNDHÖGGVAR [
lEIMREIÐIÍf
stundir eins og vant er að vera við sjóinn, og þær notaði
hann óspart til þess tvenns, sem hugur hans stefndi að:
íþrótta og þess að teikna hvað eina, sem fyrir augun bar.
Siðasta árið dvaldi hann svo í Reykjavík, og fór hann
þá að gera alvöru úr því að sinna þeirri rödd, sem alt af
kallaði hann í þessa sömu átt, inn á listamannsbrautina.
Fékk hann tilsögn bæði i dráttlist og mótun hjá lista-
mönnum hér, og þeim, sem þetta ritar, er og kunnugt
um, að hann stundaði dráttlist af kappi í litlu félagi, sem
stofnað var í þeim tilgangi. Og þá réðst hann í þad
mikla stórvirki að gera sjö höggmyndir, er skreyta áttu
anddyrið í húsi »Nathan & 01sens« í Reykjavík. Myndir
þessar eru ekki enn komnar lengra en í gibs, en þær
standa nú á syllum sínum i anddyrinu: Neðst »Víkingur«,
þá »Goðorðsmaður«, þá Rjörn Jórsalafari, þá Guðbrandur
Þorláksson, þá Skúli fógeti, þá Jón Sigurðsson og efst
Tryggvi Gunnarsson. Tímaröðin ræður skipuninni, en
allar tákna myndirnar stig i framþróun verslunar og við-
skifta íslands. Tvær af þessum myndum geta menn nú
séð hér: Guðbrand biskup og Jón Sigurðsson.
Því verður auðvitað ekki neitað, að hnýsinn maður
getur fundið viðvaningsdrætti hingað og þangað um
myndirnar, og verulegur afburða frumleikur kemur ekki
frain. Goðorðsmaðurinn, sem er fyrir ýmsra hluta sakir
einhver fallegasta myndin, er t. d. talsvert svipaður forn-
mönnum Einars Jónssonar. En á þetta er ekki að líta
fyrst og fremst, heldur hitt öllu heldur, hvernig hér er í
garðinn búið, að ungur maður, sem nálega enga tilsögn
hefir haft og fátt eitt átt kost á að sjá og lítið að sliku
unnið, ræðst í annað eins stórvirki og það, að gera sjö
myndir, allar frumlegar og flestar svo, að treysta verður
á ímyndunaraflið eilt saman. Verður þá naumast með
sanngirni annar dómur á það lagður en sá, að hann hafi
komist afburða vel frá verkinu. Geta menn nú, þeir sem
ekki eiga kost á að sjá myndirnar sjálfar, dæmt dálítið
um þetta sjálfir af myndum þeim, sem hér eru birtar.
Feim, sem þetta ritar, þykir myndin af Guðbrandi best
myndanna, þegar á alt er litið, að undanskildum lág-