Ársrit Ræktunarfélags Norðurlands - 01.01.1967, Qupperneq 44

46
og aðbúð kúnna sé á allan máta í góðu lagi. Þessi grein er
ætluð ykkur bændur, til þess að leiða hugann að þeim vanda,
sem hér er íjallað um. Það er ekki hægt að gera ráð fyrir, að
sú mjólk, sem við töpum úr kúnum í dag, komi á morgun
eða næstu daga. Væri hægt að hækka nyt sumarbæranna til
jafns við beztu vetrarmánuðina er víst að mikil stoð fengist
í rekstri og afkomu kúabúsins. Minna mundi gera verulegt
gagn, því það skiptir hreint ekki svo litlu, hvort kýrin skilar
3600 kg eða 3800 kg. Tíðarfarið er einn sá þáttur, sem
bændur eiga erfitt með mótleik við, og það skal ekki gert
lítið úr því, en áreiðanlega er hægt að vinna á móti sveiflum,
sem stafa af tíðarfarinu, þegar það er óhagstætt. Þegar vot-
viðrasamt er, þurfa kýrnar meiri umönnun — vanda beiti-
landið og velja skjólsama staði handa þeim. Enginn fær góð-
ar afurðir eftir kýr sínar nema hann leggi í verkin alúð og
nákvæmni, og það má aldrei slaka á þessum kröfum. Hvem
grip verður að meta eftir verðleikum, því þar í liggur af-
koman. Meta verður ástæður fyrir hverjum vanda og reyna
með tiltækum ráðum að yfirstíga hann. Það smáa gefur oft
mikið í aðra hönd og því er það alúð og natni, sem einkenna
störf góðs fjósamanns.
Samandregið yfirlit.
1. Við uppgjör á afköstum kvígna að fyrsta kálfi kom í
ljós, að burðartíminn hafði mikil áhrif á ársafurðirnar.
2. Þegar þetta lá fyrir voru tvö nautgriparæktarfélög af
sambandssvæði S.N.E. tekin í rannsókn og athugað, hvaða
áhrif burðartíminn hefði á fullmjólka kýr — alls 774.
3. Þær kýr og kvígur sem bera í desember, janúar og febrú-
ar, skila mestum ársafurðum, en lökustum í júní og júlí, og
skilur þar á milli allt að 1000 kg mjólkur.
4. Burðartíminn hefur ekki teljandi áhrif á fitumagn
mjólkurinnar.
5. Það er ekki verulegur munur á hæstu og lægstu dags-