Ársrit Ræktunarfélags Norðurlands - 01.01.1967, Blaðsíða 100

102
á ferli. Hann er alveg slitviljugur og svo léttur upp á fótinn
að af ber. Hann annast alla aðdrætti fyrir búið og lætur konu
sína aldrei skorta neitt.
Við höfum alltaf verið beztu vinir. Okkar á milli hefur
aldrei verið neinn nágrannakritur og hann mun ekki rísa
upp héreftir. Ég hefi þvert á móti mikla ástæðu til að ætla,
að ég muni gera mér allt far um að kynnast þessum einkenni-
lega náunga betur héreftir en hingað til. En þó að við séum
nú svona miklir mátar, þá hefur hann samt sem áður komið
mjög sjaldan í heimsókn til mín öll þessi ár, og þá sjaldan
hann hefur komið, þá er erindið ætíð eitt og hið sama. Það
er, að láta mig vita, að nú sé eitthvað alvarlegt að gerast í
heimi veðurguðsins — eitthvað, sem hætta geti stafað af.
Hann virðist leggja mikla stund á veðurathuganir þessi ná-
granni minn, enda er hann sá ábyggilegasti veðurfræðingur,
sem ég hefi nokkurn tíma þekkt. Og það er líka alveg eins
og hann telji það skyldu sína að gera mér aðvart, ef hann
býst við veðurbreytingu, sem einhver veruleg hætta getur
stafað af. Má vera að honum finnist veðuruggurinn stund-
um svo þungur, að hann sé óbærilegur fyrir sig einan, og
hann komi til mín sumpart vegna þess.
Nú er aðstöðu hans þannig háttað gagnvart lífinu, að
þegar henni hefur verið lýst til hlýtar, þá mun það þykja í
meira lagi ótrúlegt, að hann sé svona mikill veðurfræðing-
ur þessi náungi.
Hann hefur nefnilega ekkert af því, sem menning nútím-
ans telur ómissandi. Hann hefur enga loftvog, ekkert útvarp,
engan síma, ekkert rafljós. Hann kaupir ekkert blað, ekkert
tímarit, enga bók. Og hvað ætti hann svo sem að gera með
bók? Hann, sem aldrei hefur lært að lesa!
En út yfir þetta allt tekur þó það, að hann getur ekki
látið hugsanir sínar í ljós með orðum. Hann er mállaus
þessi nágranni minn. Nú spyrjið þið sjálfsagt: Hvernig í
ósköpunum getur hann þá gert sig skiljanlegan, þegar hann
kemur til þín með veðurfregnirnar? Jú, þið verðið að gá að
því, að við höfum þekkzt í rúmlega fjöritíu misseri og haft
ýmislegt saman að sælda allan þennan tíma. Hann er alveg