Ársrit Ræktunarfélags Norðurlands - 01.01.1967, Page 78

80
Sumrið 1965 sá ég í hlöðu bræðranna Gríms og Stefáns
Jónssona í Ærlækjarseli í Axarfirði laufhey, sem heyjað
hafði verið þar um sumarið. Fékk ég áhuga á því að athuga
' steinefnamagn heysins og tók með mér tuggu til efnagrein-
ingar. Seinna, þegar farið var að athuga sýnið nánar, kom í
ljós að þar kenndi ýmsra grasa. Var nú ákveðið að kanna
hlutdeild hinna ýmsu plantna í heyinu og einnig að ákvarða
steinefnamagn hverrar einstakrar plöntutegundar.
Þótt vel treysti ég mér til að þekkja víði frá fjalldrapa þá
taldi ég vissara að fagmaður færi höndum um hina grasa-
fræðilegu greiningu. Framkvæmdi Helgi Hallgrímsson safn-
vörður hana og kann ég honum beztu þakkir fyrir.
í töflu 1 er sýnt magn hverrar plöntutegundar í laufhey-
inu í hundraðshlutum miðað við þunga. Eins og taflan ber
með sér þá er aðaluppistaðan í þessu laufheyi fjalldrapi og
loðvíðir. Ögn af bláberjalyngi og gulvíði en hverfandi af
öðrum tegundum svo sem heilgrösum.
TAFLA 1. Grasafræðileg samsetning laufheys úr Axarfirði
sumarið 1965.
Plöntutegund m %
Fjalldrapi (Betula nana) 55
Loðvíðir (Salix lanata) 33
Bláberjalyng (Varcinium uliginosum) 5
Gulvíðir (Salix phylicifolia) 3
Hrossanál (Juncus balticus) 1
Krækilyng (Empetrum nigrum) 1
Beitilyng (Calluna vulgairis) 1
Aðrar tegundir: língresi, stör o. fl 1
Sennilega mun mörgum, sem til laufheys þekkja, finnast
allmikill hlutur fjalldrapans. Hvort hann er meiri í Axar-
fjarðarsandinum en annars staðar sem lauf hefur verið
heyjað, eða hvort hann er vaxandi á seinni árum er ekki