Ársrit Ræktunarfélags Norðurlands - 01.01.1967, Page 81
MAGNÍJS ÓSKARSSON, MATTHÍAS EGGERTSSON,
JÓN SNÆBJÖRNSSON,
ÞORSTEINN ÞORSTEINSSON:
Rannsóknir á jurtum í úthaga og engi
I. ÁBURÐARÞÖRF ENGJA OG SPÍRUNARHÆFNI
GULSTARARFRÆS.
I. Inngangur.
Árin 1956—1965 voru gerðar rannsóknir á úthagajurtum
á Hvanneyri og Skriðuklaustri. Niðurstöður rannsókna
þessara verða birtar í grein þessari og annarri, sem síðar
kemur.
Tilgangur með rannsóknunum var að afla vitneskju um
áhrif áburðar á uppskeru, efnamagn og grasasamsetningu
engjagróðurs, svo og að rannsaka spírunarhæfni gulstarar-
fræs, efnamagn í úthagaplöntum og mýrargróðri og efna-
magn í snarrót í mismunandi hæð yfir sjó.
Rannsóknir á íslenzkum úthagagróðri hafa aukizt síðasta
áratuginn. Um niðurstöðurnar hefur verið ritað í ýmis tíma-
rit og einnig hafa verið gefin út sjálfstæð rit um þær. Flestra
þessara ritsmíða er getið í heimildaskrá ritsins „Efnainnihald
og meltanleiki úthagaplantna“ eftir Ingva Þorsteinsson og
Gunnar Ólafsson (1965).
Þegar hér er rætt um engi, er fylgt almennri málvenju, þ.
e. engi talið land vaxið hálfgrösum eða heilgrösum, sem
ekki er borið á, eða land vaxið hálfgrösum, þó að borið sé
á það. Með úthaga er átt við land, sem notað er til beitar,