Ársrit Ræktunarfélags Norðurlands - 01.01.1967, Síða 82

84
en ekki ræktað að öðru leyti en því, að mýrar eru e. t. v.
ræstar fram.
II. Tilhögun tilrauna.
Gerðar voru tilraunir á Hvanneyri og Skriðuklaustri með
áburð á engi. Tilraunin á Hvanneyri var nr. 19—56, en á
Skriðuklaustri nr. 36—56. Tilraunakerfið var þannig í báð-
um tilraununum:
a. Áburðarlaust.
b. 50 kg/ha N.
c. 100 kg/ha N.
d. 100 kg/ha N, 30,6 kg/ha P.
e. 100 kg/ha N, 30,6 kg/ha P, 66,4 kg/ha K.
Á báðum stöðum voru samreitir 5. Tilraunareitir voru
7,07x7,07=50 m2 á Hvanneyri, en 6x6=36 m2 á Skriðu-
klaustri. Uppskerureitir á báðum stöðum voru 5x6=25 m2.
Á báðum stöðum voru notaðar sömu áburðartegundir,
Kjarni 33,5% N, þrífosfat 19,7% P og kalíumklóríð 41,5%
K (túnkalí).
Tilraunin á Hvanneyri var gerð á Fitinni fyrir neðan
skólahúsin, en Fitin er óseyrar Hvítár (Þorsteinn Þorsteins-
son, 1963). Hvítá er að nokkru leyti runnin úr jökli, þó að
meiri hluti hennar sé bergvatn. Bakkar hennar eru ekki sér-
staklega frjósamir, en á óseyrum hennar eru merkilegar
engjar, þar á meðal Hvanneyrarfitin, sem fyrr á öldum gáfu
fjölda býla lífsbjörg sína. Þessar engjar hafa myndazt til
hliðar við ós árinnar, þar sem áin hefur fyllt upp með sandi
og leir, en ágangur hennar hefur ekki náð að hindra gróð-
urinn í að festa rætur.
Tilraunin á Skriðuklaustri var gerð á gömlu áveituengi,
u. þ. b. 400 m V—NV við bakka Jökulsár, beint neðan við
bæinn. Fjórum árum áður en tilraunin var hafin, var land-
ið ræst fram og lækkaði þó nokkuð við það, en hlaut þó