Árbók Landsbókasafns Íslands - Nýr flokkur - 01.01.1977, Blaðsíða 48

48
UM VINÁTTU OG BRÉFASKIPTI
in er þín, og hún er góð í sjálfu sér, og það verður ekki úr því skorið
fyrr en nefndin fer að starfa, hvert gagn getur orðið að henni. Að
vísu gerir fjarlægðin það erfitt fyrir þig að taka þátt í öllu starfi
nefndarinnar, og einkum er það slæmt, að þú skulir ekki geta verið í
Höfn, ef fyrsti fundur verður haldinn í haust. En í þetta sinn verður
varla um annað en bráðabirgðafund að ræða, svo að neinar sam-
þykktir verða tæplega gerðar, nema kosningar formanns og ritara,
og hvort sem þú ert nær eða fjær, getur þú komið með tillögur, og
þær verða alltaf mikils metnar. Og ekki sízt ef samvinna skyldi stranda,
Danir ekki vilja sinna skynsamlegum kröfum Islendinga, þá væri
okkur geysimikill styrkur að því, að þú værir með, því að Danir
hafa miklu meiri respekt fyrir þér en okkur heima-löndunum!“
Halldór varð feginn bréfi Sigurðar, kvaðst hafa verið orðinn nokkuð
langeygur eftir því. Halldór segir í svarbréfinu 3. ágúst m. a.: „Jæja,
þá er loksins nefndarmálið komið svo langt, að farið er að tilnefna
menn í hana. Mér þykir mér auðvitað mikill sómi sýndur með því,
að báðir háskólarnir hafa tilnefnt mig, en hvort ég taki við því kjöri,
kemur auðvitað undir því, hvernig þessu nýja skipulagi er hagað,
og það hef ég ekkert heyrt um ennþá; þó vildi ég gera mitt ýtrasta
til, að eitthvað gott samkomulag kæmist á um það mál, því að ég
sé engan annan veg þar en samningaleiðina. Réttarkröfur held ég
við getum engar gert eftir svo langan tíma, sem liðinn er síðan
handritin komust í hendur Dana. En sanngirni mælir með því, að
okkar tilleitunum um málið sé sinnt.“
Árnanefnd kom saman til fundar í Kaupmannahöfn sumarið
1937, og var þá fyrir f'rumkvæði Halldórs, en samkvæmt tillögu
Munksgaards ráðin útgáfa safnverksins Bibliotheca Arnamagnæana,
en ritstjóri þess varð Jón Helgason.
Halldór Hermannsson ritaði löngu síðar í Lesbók Morgunblaðs-
ins, 1. maí 1954, fróðlega grein um þetta safnverk og þau þrettán
bindi, sem þá voru komin út.
Halldór varð sextugur 6. janúar 1938, og ritaði Sigurður þann
dag snjalla afmælisgrein um hann í Nýja dagblaðið. I greininni segir
svo m. a.:
„Fyrir utan bókavarðarstarf sitt og háskólakennslu hefir dr. Hall-
dór Hermannsson verið stórvirkur rithöfundur. Er ekki kostur á að
gera hér þá grein fyrir ritum hans, sem æskilegt væri. Aðalverk hans
er ársritið Islandica, sem hann hefir ritað einn og nú er orðið 25
bindi, og hin mikla bókaskrá Fiskesafns, sem nær til 1926. I Islandica