Árbók Landsbókasafns Íslands - Nýr flokkur - 01.01.1977, Blaðsíða 45

HALLDÓRS HERMANNSSONAR OG SIGURÐAR NORDALS
45
svo öfugt við alla skynsemi, að það er eiginlega þjóðarsmán. En til
hvers er að finna að við fólkið, það er bara til þess að blöðin skammi
mann - og íslenzka blaðamennskan er sú versta, sem finnst á guðs-
grænni jörð. Kannske Oxfordhreyfingin nái heim eins og Presta-
félagsritið virðist vera að mæla með - og að þessir syndaselir, blaða-
mennirnir, sjái nauðsyn til að gera játningu synda sinna, en það
væri reyndar að bíta höfuðið af skömminni, ef við fengjum The
Oxford groups ofan á allt annað illt. Ég heyri sagt, að Danir falli
hópum saman á kné fyrir Mr. Buchman; við ættum einu sinni að
sýna það sjálfstæði að gera ekki það sama og Danir.“
I lok bréfsins kemur fram, að mjög heitt er í veðri og Halldór situr
,,í Adam’s Costume á 25. sal og reynir að fá allan þann svala, sem
hægt er. Og til þess að lyfta upp sálunni hef ég við hendina glas af
Hennessy Brandy three stars. Ég veit ekki, hvort það er heilsusam-
legt fyrir líkamann í þessum hita, en áhrif þess á sálina eru ómót-
mælanleg, enda þótt þetta bréf sýni þau ekki.“
Sigurður segir í svarbréfi sínu, skrifuðu í Scarborough á Englandi
18. ágúst 1935, að hann sé „ekkert hræddur um, að við landarnir
getum ekki haldið hóp. Við höfum það alveg eins og þingflokkur,
höldum fyrst okkar fundi og rífumst þar, og komum svo fram eins
og einn maður út á við! En ég vona um fram allt, ef til kemur, að
þú skorist ekki undan að taka sæti í nefndinni. Þetta er þín hug-
mynd, og ef á að gera hégóma úr henni, getur enginn mótmælt með
meira myndugleik en þú. Viðvíkjandi Munksgaard get ég sagt þér,
að Arup tjáði mér, að hann vildi hafa Munksgaard með, en Hafnar-
háskóli myndi ekki fáanlegur til að mæla með ólærðum manni í svo
lærða nefnd. Ég svaraði þá, að ekki væri annað en Háskóli íslands
mælti með honum. Og að því mun ég stuðla.
Krítík þín á Corpus er vitanlega alveg réttmæt frá praktísku sjón-
armiði. En ég lít fyrst og fremst á Corpus sem demonstration, aug-
lýsingu, og frá því sjónarmiði verkar það með stærðinni. Örfáir menn
nota t. d. Flateyjarbók að neinu ráði. En það þarf að gera aðra
praktískari hluti, sem sigla í kjölfarið. Munksgaard er nú fyr og
flamme út af hugmyndinni um enskar þýðingar. En það er ekki til
neins að ætla að hrapa að slíku verki. Ég hef nú talað allrækilega
um þetta við þá Gordon og Tolkien. Gordon hefur lofað að koma
til Hafnar næsta sumar, og þá vil ég, að við þrír ræðum þetta saman
og við Munksgaard. Þú veizt um þá krafta, sem eru í Ameríku,