Árbók Landsbókasafns Íslands - Nýr flokkur - 01.01.1977, Blaðsíða 98
98
LANDSBOKASAFNIÐ 1976
hvernig Þjóðverjar hafa leyst bókasafnamál sín, en víða varð þar að
reisa úr rústum eftir hamfarir heimsstyrjaldarinnar síðustu.
Þótt nokkuð víða væri komið við í þessari för og fljótt farið yfir,
fékkst þarna sýn og tókust kynni, en sá er höfuðtilgangur heimsóknar
sem þessarar.
ÞJÓÐARBÓKHLAÐA Samkomulag náðist snemma á þessu ári
urn gjald til borgarsjóðs vegna skerðingar
á Melavellinum, og var það staðfest í bréfi Vilhjálms Hjálmarssonar
menntamálaráðherra 28. febrúar 1977 til Birgis Isleifs Gunnarssonar
borgarstjóra og svarbréfi hans 16. marz 1977. Þar var einnig samið
um greiðslu gatnagerðargjalds.
Byggingarnefnd Reykjavíkurborgar samþykkti á fundi sínum 2.
ágúst 1977 teikningar bókhlöðunnar og veitti byggingarleyfi að Birki-
mel 1 „með fyrirvara um, að frágangur lóðar, svo sem sýndur er,
geti ekki orðið fyrr en borgaryfirvöld ákveða vegna Birkimels og
Melavallar“. Ennfremur voru sett skilyrði um brunavarnir.
Borgarstjórn fól Þórði Þ. Þorbjarnarsyni borgarverkfræðingi í sept-
ember að kanna, hvort unnt yrði að flytja til sjálfan íþróttavöllinn á
Melunum, og var í nóvember ákveðið, að hann skyldi fluttur um 20 m
til suðurs og bókhlaðan 6 m til austurs, þ. e. frá Birkimel.
Áður en þessi ákvörðun var tekin, ráðgaðist borgarverkfræðingur
við Guðlaug Þorvaldsson háskólarektor, og ritaði hann borgarverk-
fræðingi svohljóðandi bréf 28. október 1977:
„Vísað er til símaviðtals við yður fyrir nokkrum dögum, herra
borgarverkfræðingur, varðandi flutning íþróttavallarins á Melunum
til suðurs.
Málið var kynnt í háskólaráði 27. þ. m. Þar var svofelld ályktun
gerð:
„Með vísun til bréfs borgarstjórans í Reykjavík til Háskóla íslands,
dags. 6. okt. 1961, lýsir háskólaráð yfir því, að það getur fyrir sitt
leyti fallizt á flutning íþróttavallarins á Melunum til suðurs um 10-20
rnetra um nokkurra ára skeið, en telur hins vegar, að slíkt sé einungis
bráðabirgðalausn. Hitt er óhugsandi, að íþróttavöllurinn skilji há-
skólasvæðið frá þjóðarbókhlöðunni, eftir að hún hefur að einhverju
leyti verið tekin í notkun, enda kæmi hún þá ekki að tilætluðum notum
fyrir Háskóla íslands, hvorki að því er varðar greiðan aðgang að bóka-
kosti og lestrarrými né aðstöðu til kennslu í bókasafnsfræðum.