Morgunblaðið - 31.03.2001, Page 51

HESTAR
MORGUNBLAÐIÐ LAUGARDAGUR 31. MARS 2001 51
FREMSTIR FYRIR GÆÐI
Milli manns og hests...
... er
arhnakkur
Fermingargjafir
í miklu úrvali
Frábær
fermingartilboð
Vitni óskast
flugslysið í Skerjafirði
Undirritaður óskar eftir að komast í samband við fólk,
sem kann að hafa vitneskju og/eða gögn um hvaðeina
er lýtur að flugslysinu í Skerjafirði 7. ágúst 2000, starf-
semi flugrekenda og flugmálayfirvalda í Vestmannaeyj-
um þá Verslunarmannahelgi, á Reykjavíkurflugvelli og
um annað er tengist þessu beint eða óbeint.
Ekki síst er sóst eftir upplýsingum um gjörðir og samtöl
í tengslum við flugferðir flugrekenda til og frá Vest-
mannaeyjum og gjörðir eftirlits- og vaktmanna flug-
málastjórnar í Vestmannaeyjum þessa helgi (sérstak-
lega þeirra 7-8 sem komu frá Reykjavík). Einnig er leit-
ast eftir vitneskju um allar aðstæður og gjörðir er lúta
að stjórnun flugumferðar á Reykjavíkurflugvelli fyrir og
eftir brotlendingu TF-GTI í Skerjafjörðinn. Farið verður
með allar ábendingar sem trúnaðarmál, sé þess óskað.
Þeim, sem hafa upplýsingar og/eða gögn er lúta að
þessum málum, er bent á að hafa samband við:
Friðrik Þór Guðmundsson,
Miðstræti 8A,
101 Reykjavík,
sími 896 1243. Netfang: lillo-kristin@islandia.is
MIKIL spenna er í kringum tölt-
mótið Ístölt sem verslunin Tölt-
heimar stendur fyrir í Skautahöll-
inni í Reykjavík í kvöld. Keppendur
hafa verið valdir sérstaklega til
þátttöku og sagði Erling Sigurðs-
son hjá Töltheimum, sem stjórnað
hefur valinu, að hann hefði aldrei
lent í öðru eins. Úrvalið af góðum
hestum væri svo mikið að auðveld-
lega hefði verið hægt að velja helm-
ingi fleiri úrvalstöltara á ísinn. Auk
keppnishrossanna koma fram þrír
stóðhestar. Atli Guðmundsson sýn-
ir Orrasoninn Svein Hervar frá
Þúfu, Samantha Leidesdorff sýnir
Safír frá Viðvík, sem brátt yfirgef-
ur landið fyrir fullt og allt því hann
hefur verið seldur til Noregs, og
Björn Jónsson sýnir Glampa frá
Vatnsleysu sem vanur er að heilla
áhorfendur þar sem hann kemur
fram.
Miðasala hefur gengið vel og
þegar rætt var við Erling var að
verða uppselt í stúkuna. Húsið er
opnað kl. 7.30 en keppnin hefst kl.
8.00.
Dregið hefur verið um röð kepp-
enda, en keppt verður í níu riðlum
og eru þrír keppendur í hverjum
riðli. Röð keppenda verður þannig:
1. riðill
Vignir Siggeirsson á Kjarna frá
Ási
Róbert Petersen á Björmu frá
Árbakka
Birgitta Kristinsdóttir á Birtu
frá Hvolsvelli
2. riðill
Hafliði Halldórsson á Valíant frá
Heggstöðum
Gísli Gíslason á Birtu frá Ey
Magnús Arngrímsson á Smára
frá Skagaströnd
3. riðill
Adolf Snæbjörnsson á Eldingu
frá Hóli
Tryggvi Björnsson á Snekkju frá
Bakka
Sveinn Ragnarsson á Leikni frá
Laugarvöllum
4. riðill
Ragnar Hinriksson á Feng frá
Garði
Vignir Jónasson á Keili frá Mið-
sitju
Ólafur Ásgeirsson á Glúmi frá
Reykjavík
5. riðill
Jón Reynir Jónsson á Ásdísi frá
Lækjarbotnum
Hinrik Bragason á Tralla frá
Nesi
Sigurbjörn Bárðarson á Óskari
frá Litla-Dal
6. riðill
Matthías Barðason á Ljóra frá
Ketu
Sigurður Sigurðarson á Óliver
frá Austurkoti
Elías Þórhallsson á Galsa frá
Ytri-Skógum
7. riðill
Gylfi Garðarsson á Erli frá
Kópavogi
Benedikt Líndal á Létti frá
Stóra-Ási
Maríanna Gunnarsdóttir á Kópi
frá Kílhrauni
8. riðill
Hans Kjerúlf á Laufa frá Kolla-
leiru
Leó Geir Arnarson á Stóra-
Rauði frá Hrútsholti
Svanhvít Kristjánsdóttir á Glóð
frá Grjóteyri
9. riðill
Ásgeir Svan Herbertsson á
Flóru frá Hofi
Sigurður Matthíasson á Kjarki
frá Egilsstaðabæ
Páll Bjarki Pálsson á Kommu frá
Flugumýri.
Búið var að velja Baldvin Ara
Guðlaugsson á Golu frá Ysta-Gerði
í hópinn en hann getur ekki mætt. Í
stað hans var Maríanna Gunnars-
dóttir valin en hún keppir á Kópi
frá Kílhrauni. Sigurður Sigurðar-
son ætlaði að keppa á Skugga-
Baldri frá Litla-Dal en hefur skipt
um hest og verður með Óliver frá
Austurkoti.
Tuttugu og sjö úrvals-
töltarar keppa á ísnum
Morgunblaðið/Valdimar
Magnús Arngrímsson og Filma frá Árbæ sigruðu á Ístöltinu í fyrra. Nú mætir Magnús á ný með hinn glæsi-
lega stóðhest Smára frá Skagaströnd og verður spennandi að sjá hvað þeir gera.
KEPPT verður í tveimur flokkum, í
opnum flokki, sem er hugsaður fyrir
atvinnukonur og keppnisvanar, og
áhugamannaflokki fyrir minna
keppnisvanar konur.
Tveir keppendur eru inni á vell-
inum í einu og þulur stýrir þeim. Þrír
dómarar dæma. Verði fleiri en 20
keppendur í hvorum flokki verður
boðið upp á A- og B-úrslit.
Hæg er að skrá sig á skrifstofu
Eiðfaxa og er síðasti skráningardag-
ur þriðjudagurinn 3. apríl. nk.
Styttist
í kvenna-
töltmótið
ÓSKAÐ hefur verið eftir að birta
eftirfarandi athugasemd vegna um-
fjöllunar um sumarexem í hrossum:
Sumarexem er ofnæmi í hrossum
gegn próteini (ofnæmisvaka) sem
berst í hestana við bit mýflugna af
ættkvíslinni Culicoides. Ofnæmið er
vandamál í íslenskum hestum á er-
lendri grund. Auk þess sem sum-
arexemið getur valdið hestunum
mikilli þjáningu hefur það verulega
neikvæð áhrif á íslenskan hrossaút-
flutning. Það er því mjög brýnt að
þessi sjúkdómur sé rannsakaður og
reynt að finna leiðir til úrbóta. Á
Tilraunastöðinni á Keldum fara nú
fram rannsóknir í samvinnu við Há-
skólann í Bern sem miða að því að
skilgreina ofnæmisvakana í mýflug-
unum og gen þeirra, skilgreina bet-
ur eðli þess ónæmissvars sem stuðl-
ar að sumarexeminu og þróa
aðferðir til bólusetningar gegn því.
Sumarexem er mjög flókinn sjúk-
dómur eins og ofnæmi hjá öðrum
dýrategundum og mikið rannsókn-
arstarf framundan. Við fögnum ein-
dregið öllum þeim sem vilja leggja
lóð á vogarskálarnar til að efla og
styrkja rannsóknir á sumarexemi,
en virkt samstarf vísindamanna
með margvíslega sérmenntun og
reynslu er undirstaða þess að ár-
angur náist í nútíma lífvísindum.
Okkur finnst mjög miður að þessar
rannsóknir skuli vera orðnar bit-
bein í fjölmiðlum og um þær ritað á
ófaglegan og óupplýstan hátt.
Í ljósi þessa viljum við koma eft-
irfarandi athugasemdum á fram-
færi vegna nýlegrar umfjöllunar í
Morgunblaðinu um sumarexem í
hestum. Þar er um að ræða viðtal
Ásdísar Haraldsdóttur við Björn
Steinbjörnsson dýralækni sem birt-
ist 9. mars og innsenda grein eftir
Sigríði Jóhannesdóttur, þingmann
Samfylkingarinnar, sem birtist 20.
mars.
Við höfum ekki fundið neinar
greinar um sumarexem í ritrýndum
vísindatímaritum eftir prófessor
Wolfgang Leibold eða Björn Stein-
björnsson. Hvergi liggur því fyrir
lýsing á svokölluðu „viðkæmnis-
prófi“ (næmisprófi) á hestum fyrir
sumarexemi og ekki eru neinar
upplýsingar birtar um prófið þann-
ig að hægt sé að leggja dóm á hvort
það sé nothæft eða ekki.
Mjög erfitt er að skilja viðtal Ás-
dísar við Björn, en þar er ruglað
saman grundvallarhugtökum í
ónæmisfræði. Ómögulegt er að átta
sig á því hvað felst í næmisprófinu
og niðurstöður virðast byggjast á
örfáum hestum.
Það skal tekið fram að það voru
ekki Íslendingar sem drógu sig út
úr samstarfi við prófessor Wolf-
gang Leibold við Dýralæknaskól-
ann í Hannover (eins og segir í
grein Sigríðar) heldur var það hann
sem neitaði að skrifa undir sam-
starfssamning. Prófessor Leibold
vildi ekki raunverulegt samstarf við
þá íslensku aðila sem eru að vinna á
þessu sviði, þ.e. Tilraunastöðina á
Keldum og Yfirdýralæknisembætt-
ið, heldur vildi hann einungis að
þessir aðilar aðstoðuðu við að út-
vega íslenskt rannsóknarfé og
legðu auk þess til ókeypis vinnu,
aðstöðu og tæki. Því var ákveðið að
hefja samstarf við vísindamenn í
Sviss sem hafa unnið í áratugi við
rannsóknir á hrossasjúkdómum,
þar á meðal á sumarexemi, og birt
um það greinar í ritrýndum tímarit-
um en ekki einungis í dagblöðum.
Meðal annars hafa þessir aðilar birt
grein um próf sem þeir nota til að
athuga hvaða hestar svara mý-
fluguofnæmisvökum. Hestar sem
svara jákvætt í þessu prófi fá sum-
arexem ef þeir eru útsettir fyrir
flugunni (Veterinary immunology
and immunopathology 1999,
71:307–320). Hestar sem svara í
prófinu á Culicoides-mýfluguna,
sem lifir ekki hér á landi og er talin
valda sumarexemi, svara yfirleitt
líka á Simulium, íslenska bitmýið.
Þrátt fyrir þessar niðurstöður telj-
um við langt í frá að það sé sannað
að hægt sé að segja fyrir um næmi
íslenskra hrossa fyrir sumarexemi
með þessu prófi eða sambærilegum
prófum.
Það er von okkar að umfjöllun
um rannsóknir á sumarexemi í ís-
lenskum hestum verði málefnalegri
og rökréttari framvegis og við mun-
um fúslega veita upplýsingar um
gang rannsókna á sumarexemi sem
unnar eru á Keldum í samstarfi við
Háskólann í Bern.
Sumarexem í hross-
um – athugasemd
Dr. Ágúst Sigurðsson hrossarækt-
arráðunautur.
Dr. Ólafur Andrésson lífefnafræð-
ingur, Keldum.
Sigríður Björnsdóttir, dýralæknir
hrossasjúkdóma Hólum, Hjaltadal.
Dr. Sigurbjörg Þorsteinsdóttir
ónæmisfræðingur, Keldum.
Með prentara og án prentara
Fyrir rafhlöðu og 220 V AC
RÖKRÁS EHF.
Kirkjulundi 19, sími 565 9393
Hágæða vogir á góðu verði
verslunarmiðst. Eiðstorgi,
sími 552 3970.
Stretchbuxur
St. 38–50 - Frábært úrval