Morgunblaðið - 31.03.2001, Page 53

MINNINGAR
MORGUNBLAÐIÐ LAUGARDAGUR 31. MARS 2001 53
✝ Dórothea Sigur-laug Jónsdóttir
fæddist á Búðarhóli í
Siglufirði 6. maí
1904. Hún lést á Heil-
brigðisstofnun Siglu-
fjarðar 24. mars síð-
astliðinn. Foreldrar
Dórotheu voru Guð-
laug Gísladóttir, f.
20. feb. 1880, d. 14.
júní 1966, og Jón Jó-
hannesson, f. 2. júlí
1878, d. 16. okt. 1953,
og var hún næstelst
tíu barna þeirra.
Dórothea giftist
22. nóvember 1925 Einari Ás-
grímssyni frá Nefstöðum í Fljót-
um. Þau stofnuðu heimili á Siglu-
firði og bjuggu þar meðan báðum
entist líf, en Einar lést á heimili
þeirra 5. okt. 1979. Dórothea og
Einar eignuðust sjö börn: 1) Jón, f.
31. jan. 1926, kvæntur Guðrúnu H.
Valberg og eiga þau fimm börn,
átta barnabörn og tvö barna-
barnabörn. 2) Ásta, f. 14. maí
1928, gift Páli Gunnólfssyni og
eiga þau tvo syni, átta barnabörn
og tíu barnabarnabörn. 3) Ás-
grímur, f. 7. nóv. 1929. Hann hefur
alltaf búið með móð-
ur sinni. 4) Guðlaug,
f. 29. mars 1932, d.
10. júní 1999. Henn-
ar maður var Sigur-
jón Jóhannesson, f.
21. des. 1925, d. 18.
des. 1970. Börn
þeirra eru fimm,
barnabörn eru þrett-
án og barnabarna-
börn eru fimm tals-
ins. 5) Sólveig, f. 14.
júní 1934, gift Helga
Einarssyni og eiga
þau fjórar dætur og
sjö barnabörn. 6)
Brynjar Óli, f. 17. sept. 1936, d. 27.
júní 1984. Kona hans var Guðrún
Ólafsdóttir og eignuðust þau þrjú
börn og tvö barnabörn. Brynjar
átti dóttur fyrir. 7) Stella Minný, f.
9. feb. 1940, gift Páli Gunnlaugs-
syni og áttu þau sex börn, en
misstu son sinn, Gunnlaug, í júní
1988. Barnabörnin eru átta. Hinn
21. mars sl. fæddist 100. afkom-
andi Dórotheu, af þeim fjölda eru
sjö látnir.
Útför Dórotheu fer fram frá
Siglufjarðarkirkju í dag og hefst
athöfnin klukkan 13.30.
Morgunninn 24. mars sl., á fjórða
degi sem ég er stödd á Siglufirði,
heilsar með stillu og frosti. Sólin
sendir geisla sína yfir bæinn. Svona
getur bærinn minn tekið á móti mér,
eins og hann og sólin séu að verma
mig á erfiðri stundu. Ég er komin til
að vera við sjúkrabeð móður minnar,
sem er að kveðja þetta jarðlíf tæp-
lega 97 ára gömul. Efst í huga mér
er þakklæti. Hún var góð móðir sem
fórnaði sér fyrir börnin og barna-
börnin, og gladdist yfir velgengni
þeirra þegar góðum árangri var náð.
Veganesti úr foreldrahúsum var
gott. Kærleikurinn var mömmu leið-
arljós í lífinu. Hún var trúuð kona,
og þegar erfiðleikar voru hjá mér
fann ég að bænirnar hennar gáfu
mér styrk og ég var öruggari.
Móðir mín var minnug og fróð um
gamla daga, þróun staðarins, fólkið
sem byggði bæinn og þá atburði sem
urðu á þeim árum.
Ég enda þetta með þakklæti frá
mér og sonum mínum, Herði og Ein-
ari, Páli tengdasyni, ömmubörnum
mínum og langömmubörnum, þau
eldri heimsóttu hana en þau yngri
þekkja hana af öllum frásögnunum.
Þegar ég sagði litlum ömmudreng
að hún væri dáin sagði hann að nú
færi amma til Guðs og góðu engl-
anna.
Blessuð veri minning móður
minnar, Dórotheu Jónsdóttur.
Ásta Einarsdóttir.
Elsku amma mín nú er komið að
kveðjustund. Síðustu árin hafa verið
þér erfið svo og okkur öllum sem
þótti svo undur vænt um þig. Nú
þegar ég kveð þig minnist ég allra
góðu stundanna okkar saman. Ég
fæddist inn á heimilið þitt á Grund-
argötu og ég hlaut nafnið þitt. Þú og
Lauga frænka sáuð svo vel um mig
þetta 1 ár þegar mamma var á spít-
alanum. Ég og Mamma áttum svo
heima hjá þér fyrstu 5. árin mín.
Eftir að ég fluttist í Hafnarfjörð
kom ég á hverju sumri og hélt því
áfram allt til fullorðinsára. Margar
af mínum bestu minningum eru frá
þessum sumrum hjá þér, afa og
Bóbó og eru mér sérlega minnis-
stæðar þær stundir þegar við sátum
saman í eldhúsinu og þú sagðir mér
sögur af því þegar þú varst að alast
upp, margar af þessum sögum man
ég enn þann dag í dag alveg ljóslif-
andi því þú varst alveg einstaklega
góður sögumaður og svo fróð um
alla hluti. Þú sagðir mér frá svo
mörgu skemmtilegu eins og frá því
þegar rafmagnið kom fyrst, þegar
byrjað var að verka síld á Siglufirði
og þegar þú varst að læra mat-
reiðslu hjá Tines. Ég man líka svo
vel eftir matnum þínum, þú varst al-
ger meistarakokkur. Einnig varstu
sérlega gestrisin og tókst alltaf svo
vel á móti fólki.Þú varst líka einstak-
lega umhyggjusöm og hafðir alltaf
góðar gætur á manni þegar maður
var í heimsókn hjá þér, ég man svo
vel eftir þér standandi úti á palli að
fylgjast með.
Minningarnar eru svo margar að
þær myndu fylla heila bók, ég geymi
þær í hjarta mér til minningar um
þig þar til við hittumst aftur. Takk
fyrir allt elsku amma. Megi góður
Guð lýsa veginn þinn.
Þín nafna,
Dóróthea Elísa.
Hún er látin, elskuleg tengdamóð-
ir mín Dóróthea. Hún hefði orðið 97
ára á þessu ári. Það er hár aldur á
konu sem kornung byrjaði að vinna
erfiðisvinnu eins og tíðkaðist þá.
Þeir lifðu af bara þeir allra hraust-
ustu. Ég man þegar ég sá Teu fyrst
fyrir einum 42 árum. Lítil og grönn
en fasmikil kona. Hún var að koma
heim í kaffi. Hún vann mikið úti með
heimilinu og langan vinnudag. Það
þýddi ekki annað, til að hafa í sig og
á. Það var mikil vinna á sumrin í
síldinni og ekki spurt um vinnutíma.
Tea eins og hún var kölluð var ein-
stök kona, líf hennar snerist um
heimilið, börnin sín og barnabörn.
Allt hennar líf snerist um aðra. Hún
taldi sig aldrei þurfa neitt fyrir sjálf-
an sig. Var vön alla sína löngu ævi að
hlúa að öðrum, passa að hafa nóg að
borða, eiga alltaf eitthvað í skápnum
til að stinga upp í lítinn anga sem
kom í heimsókn til ömmu sinnar, en
þau voru mörg börnin sem voru
meira og minna hjá ömmu sinni.
Árið 1925 í nóvember giftist Tea,
Einari Ásgrímssyni. Einar lést 5.
október 1979. Þau eignuðust 7 börn.
Tvö þeirra eru látin, Brynjar og
Guðlaug. Ég hef oft hugsað um
hvernig fólk fór að því að koma
stórum barnahópi til vits og ára þeg-
ar þessi gríðarlega fátækt var. Það
hafa verið margar andvökunæt-
urnar hjá mæðrunum en þetta hafð-
ist með dugnaði og samheldni. Þar
fór alltaf konan, móðirin fremst í
flokki sívakandi um hag fjölskyldu
sinnar. Tea var alla sína ævi á Siglu-
firði, hún kunni og mundi alla sögu
Siglufjarðar út og inn. Þetta hafði
hún frá föður sínum Jóni Jóhann-
essyni gríðarlega fróðum manni, þau
voru afar samrýnd, hún mundi allt
frá því hún var lítil telpa. Það var
ánægjulegt að hlusta á hana segja
frá æsku sinni, þar kenndi margra
grasa. Tea fór aðeins tvisvar sinnum
á ævinni til Reykjavíkur. Hún var
viðstödd þegar við giftum okkur, ég
og Sólveig dóttir hennar, það var
mikil ánægja að hafa hana hjá okk-
ur. Eftir að Einar maður Teu lést
héldu þau Ásgrímur sonur hennar,
heimili saman. Þau voru afar sam-
rýnd og hann var einstaklega góður
við móður sína.Stella yngsta dóttir
Teu og fjölskylda hennar, sem bú-
sett eru á Siglufirði, hafa hugsað
sérstaklega vel um móður sína og
eiga þau miklar þakkir skilið. Það er
gott fyrir fjarstadda ættingja að vita
að vel er hugsað um ásvini þeirra á
erfiðum stundum. Það eru fjögur ár
síðan Tea fór á Sjúkrahús Siglu-
fjarðar. Þar var einstaklega vel
hugsað um hana, hlýlegt og gott
starfsfólk og á það þakkir skilið. Ég,
Sólveig og börnin okkar þökkum þér
samfylgdina, Tea mín, og ég veit að
góður Guð tekur vel á móti þér. Ég
votta ástvinum samúð mína.
Helgi Einarsson.
DÓROTHEA SIGUR-
LAUG JÓNSDÓTTIR
✝ Guðný SvavaGísladóttir fædd-
ist á Hlíðarenda í
Vestmannaeyjum 11.
janúar 1911. Hún
lést á Heilbrigðis-
stofnun Vestmanna-
eyja 25. mars síðast-
liðinn. Foreldrar
hennar voru Guðný
Einarsdóttir hús-
móðir og Gísli Jóns-
son útvegsbóndi frá
Arnarhóli. Svava
átti fjögur yngri
systkini, Salóme,
Óskar Magnús, Ein-
ar Jóhannes og Kristínu Þyri, en
þau eru öll látin.
Svava giftist á fyrsta vetrar-
dag 1935 Óskari Pétri Einars-
syni, lögregluþjóni frá Búðarhóli
í A-Landeyjum, f. 11. janúar
1908, d. 13. maí 1978. Foreldrar
hans voru Einar Nikulásson,
bóndi á Búðarhóli, og Valgerður
Oddsdóttir húsfrú. Svava og Ósk-
ar bjuggu nær allan sinn búskap
í Stakkholti, Vestmannabraut 49,
og eignuðust þau
sex börn: 1) Guð-
nýju, f. 1.6. 1935,
gift Páli Sæmunds-
syni og eiga þau
fjögur börn, 2) Val-
gerði Erlu, f. 24.5.
1937, gift Friðriki
Ásmundssyni og
eiga þau þrjú börn,
3) Gísla, f. 19.6.
1939, kvæntur
Kristínu Haralds-
dóttur og eiga þau
þrjú börn, 4) Reb-
ekku, f. 23.10. 1941,
d. 26.10. 1971, var
gift Ara Pálssyni, sem lést 4.
febrúar sl., þau áttu þrjú börn, 5)
Sigurbjörgu Rut, f. 22.9. 1946,
gift Atla Einarssyni og eignuðust
þau tvö börn og 6) Einar, f. 7.1.
1952, og á hann fimm börn.
Barnabörn Svövu og Óskars eru
alls 20, barnabarnabörn eru 25
og eitt barnabarnabarnabarn.
Útför Guðnýjar Svövu fer fram
frá Landakirkju í Vestmannaeyj-
um í dag og hefst athöfnin kl. 16.
Elsku amma og langamma. Okkur
langar til að kveðja þig með fáeinum
orðum og þakka þér fyrir allar góðu
stundirnar sem við geymum í harta
okkar, góða og létta skapið þitt, hlát-
urinn og óborganlegu orðatiltækin
þín munum alltaf.
Þú varst einstök amma og
langamma og við söknum þín öll sárt
en þökkum jafnframt fyrir að hafa
fengið að hafa þig hjá okkur svona
lengi og að börnin okkar fengu líka
að kynnast þér.
Við biðjum góðan Guð að geyma
þig og varðveita í þínum nýju heim-
kynnum.
Guðný Svava, Sigurður og börn,
Sigrún Olga og börn,
Styrmir, Hófý og börn.
Elsku amma mín, nú ertu loks
kominn í fangið á afa Óskari, ég sé
ykkur fyrir mér saman líkt og við
eldhúsborðið í Stakkholti bæði bros-
andi og hamingjusöm. Þegar ég lít til
baka er mér efst í huga þakklæti fyr-
ir það sem þú og afi gáfuð mér. Þið
tókuð mig að ykkur haustið eftir gos
þá tólf ára peyi sem hafði í raun
hvergi höfði sínu að halla. Og ég var
hjá ykkur meira og minna alveg þar
til ég fór suður í nám 19 ára gamall.
Fyrir höfðuð þið Guðnýju systur og
hefði einhverjum þótt það nóg eftir
að hafa skilað sínum eigin börnum og
það sex börnum til manns að fara þá
að taka að sér fyrst eitt og síðan ann-
að barnabarn. En afi tók ekki annað í
mál en að ég kæmi að Stakkholti til
ykkar því hann þoldi ekki að sjá
flækingin sem var á litla nafna sín-
um. Betri sál en afi Óskar hefur ekki
staldrað við í þessum heimi held ég.
En í upphafi fannst þér alveg nóg að
hafa eitt barn og láir það þér engin
og tók það smábaráttu að hjá afa að
koma sínu fram en hún hefur lengi
við Stakkholtið verið kennd þrjóskan
og með henni vann afi. En við urðum
fljótt góð saman og þegar afi dó varð
ég húsbóndinn á heimilinu og ég veit
að þér fannst gott að hafa okkur hjá
þér en það leyndi sér aldrei að þér
þótti jafnvænt um okkur sem við
værum þín eigin börn.
Minningarnar úr Stakkholtinu eru
mjög svo skemmtilegar því þar var
nánast alltaf slegið á létta strengi og
mikill erill oft á tíðum af alls kyns
fólki og skemmtilegum karakterum.
Mikið hlegið og skrafað. Enda er
varla til neitt minningarbrot með
þér, amma, þar sem þú ert ekki bros-
andi og létt í fasi. Það var alveg
dásamlegt hvað þú gast fundið upp
af nöfnum á samferðafólk þitt og
fjölskyldu og nánast enginn slapp
hultur frá einhvers konar nafngift
sem mikið er búið að hlæja að í gegn-
um tíðina. Mig kallaðir þú „Úgga
lalla“ og ein skemmtileg saga er þeg-
ar ég var að læra í Völundi og þú
hringdir og spurðir um mig. Sá sem
var til að svara þér þurfti nokkrum
sinnum að hvá við nafninu en var
fljótur til þegar hann fattaði við
hvern þú áttir og kom hlaupandi
fram í sal og öskraði „Úggi lalli, Úggi
lalli, amma þín er í símanum“ og það
varð allt vitlaust af hlátri, þetta var
Hallgrímur Tryggva og það er rétt
hægt að ímynda sér hvort maður hafi
ekki fengið að heyra þetta lengi á
eftir. En eitt er víst að þú skilaðir
þínu ævistarfi nánast tvöfalt og skil-
ur eftir þig þennan skemmtilega
Stakkholts-húmor sem allir afkom-
endur þínir verða að burðast með
meira og minna, mökum sínum og
samferðarmönnum til mikillar ar-
mæðu. Enda fór maður vel skólaður
út í lífið frá Stakkholtinu af símaati
og alls kyns hrekkjum sem maður
nam af þér. Ein er sagan af þér og
Guðnýju þegar þú veifaðir einhverj-
um ólansömum bílstjóra á Hafnar-
fjarðarveginum í Gosinu og hann
þorði ekki annað en að stoppa og lík-
lega ekki séð eftir neinu sem því, því
þú lést hann rúnta um allan Hafn-
arfjörð, því þið voruð ekki klárar á
áfangastaðnum og það endaði með
því að mannræfillinn var orðinn
rauður af óþolinmæði og reiði þegar
hann hálfrak ykkur út úr bílnum
þegar þið loksins funduð húsið eftir
langan akstur. Ekki er hægt að
sleppa því að minnast á Magga á
Hvannó sem var tíður gestur í
Stakkholti en hann var yfirleitt ekki
velkominn ef hann var „mjúí“ nema
hann hefði eitthvað góðgæti með sér
og þá helst „Appó og Konnsí“ sem
þér þótti afar gott. Og eitt sinn þegar
hann kom og var í eitthvað annar-
legu ástandi sagðir þú við Guðnýju
að þú værir ekki heima en ef hann
væri með eitthvað nammi þá ætti
hún að taka við því hjá honum.
Þú varðst þeirrar blessunar að-
njótandi að vera heilsu hraust nánast
öll þau 90 ár sem þú lifðir og hélst
þínu létta fasi alveg til loka. En að
leiðar lokum vil ég þakka þér fyrir
allt og allt, elsku amma mín, þú munt
verða í mínum huga sem amma og
mamma og í minningunni ávallt
hress og skemmtileg.
Guð blessi þig og varðveiti því ég
veit að þið afi eruð hjá honum.
Þinn
Óskar.
GUÐNÝ SVAVA
GÍSLADÓTTIR
SMÁAUGLÝSINGAR
DULSPEKI
Huglækningar/heilun
Sjálfsuppbygging.
Samhæfing líkama og sálar.
Áran. Fræðslumiðlun.
Halla Sigurgeirsdóttir,
andlegur læknir.
Uppl. í síma 553 8260 f.h.
ÝMISLEGT
Fjölskyldur og fyrirtæki!
Viðskipta- og lögfræðingur að-
stoða við rekstrarráðgjöf, gjald-
þrot, fjármál, bókhald og samn.
við lánardrottna. Fyrirgreiðsla og
ráðgj. 11 ára reynsla. S. 698 1980.
TILKYNNINGAR
Sálarrannsóknarfélag Íslands
Sálarrannsóknar-
félagið Sáló 1918—
2000, Garðastræti 8,
Reykjavík
Umbreytingafundur
Við viljum minna á umbreytingar-
fundinn í dag með Diane Elliott
kl. 17.00 í Garðastræti 8.
Skúli Lórenzson miðill verður
með einkafundi þriðjudaginn 3.
apríl og Bjarni Kristjánsson
fimmtudaginn 5. apríl. Athugið
að bóka sem fyrst.
SRFÍ.
FÉLAGSLÍF
Svölur
Munið félagsfundinn í Síðumúla
35 þriðjudaginn 3. apríl kl. 20.
„Anna og útlitið“.
Stjórnin.
Sunnudagsferð 1. apríl kl.
10.30 Gönguferð út í busk-
ann. Um 3 klst. auðveld ganga.
M.a. skoðaður fallegur foss.
Spennandi óvissuferð. Verð
1.400 kr. f. félaga og 1.600 kr. f.
aðra. Frítt f. börn m. foreldrum
sínum. Brottför frá BSÍ.
Mánudagur 2. apríl kl. 20.00.
Myndakvöld í Húnabúð,
Skeifunni 11. Sýndar myndir
af Skælingum og Strútsstíg.
Skoðið heimasíðu: utivist.is .
Skíðagönguferð á Holtavörðu-
heiði 1. apríl kl. 9.00, fararstjóri
Sigríður H. Þorbjarnardóttir,
verð 3.200 fyrir félagsmenn,
3.500 fyrir aðra.
Páskaferðir í Landmanna-
laugar, Þórsmörk og á Arnar-
vatnsheiði. Bókið tímanlega á
skrifstofu FÍ.
Söguslóðir Njálu með Arthúri
Björgvini Bollasyni föstudag-
inn langa, heimsókn og hádeg-
isverður í Sögusetrinu á Hvols-
velli.
Takið þátt í spurningaleikn-
um á heimasíðu FÍ. Dagsferðar-
miði dreginn út í hverri viku.
www.fi.is, textavarp RUV bls.
619.