Morgunblaðið - 22.10.2005, Page 25

MORGUNBLAÐIÐ LAUGARDAGUR 22. OKTÓBER 2005 25
MINNSTAÐUR
Kálfatjarnarkirkja 10:00-10.40
• Menningardagur settur: Kristján Pálsson formaður Ferðamálasamtaka Suðurnesja.
• Saga örnefna í Vatnsleysustrandarhreppi. Viktor Guðmundsson segir frá.
• Frank Herlufsen, kirkjukór Kálfatjarnarkirkju o.fl. flytja tónlist frá Vatnsleysuströnd.
• Séra Carlos Ferrer flytur blessun.
Njarðvíkurkirkja 11:30-12:10
• ,,Arfurinn". Ævi og störf Jóns Þorkelssonar skólameistara.
Guðmundur Ingi Leifsson skólastjóri flytur erindi.
• Barnakór Akurskóla syngur nokkur lög.
• Ávarp: Séra Baldur Rafn Sigurðsson.
Keflavíkurkirkja 13:00-13:40
• Forníslenskur menningararfur í kórtónlist
á 19. og 20. öld í tali og tónum. Hákon Leifsson
organisti og kirkjukór Keflavíkurkirkju.
• Ávarp.
Hvalsneskirkja 15:30-16:10
• Dr. Gunnar Kristjánsson prófastur flytur ávarp.
• Megas syngur til Hallgríms. Megas flytur lög sín og texta
um Hallgrím Pétursson með Syðri-ár flokknum.
• Lokaorð: Séra Lilja Kristín Þorsteinsdóttir
Kirkjuvogskirkja 16:40-17:20
• Landnámsminjar á Reykjanesi. Bjarni F. Einarsson fornleifafræðingur
heldur fyrirlestur og gengur með gestum að rústum landnámsbæjarins í Höfnum.
• Lokaorð: Stefán Bjarkason framkvæmdastjóri MÍT svið Rnb.
Ytri-Njarðvíkurkirkja 17:45-18:30
• Systkinin Ellý og Vilhjálmur Vilhjálmsbörn. Guðrún Gunnarsdóttir og Friðrik
Ómar flytja vinsælustu lögin þeirra. Undirleikur: Valgeir Skagfjörð.
• Séra Baldur Rafn Sigurðsson flytur blessun.
Grindavíkurkirkja 20:00-21:00
• Ávarp: Séra Jóna Kristín Þorvaldsdóttir.
• Sigvaldi Kaldalóns í tali og tónum. Kór og hljómsveit kirkjunnar.
• Menningardegi slitið: Kristján Pálsson formaður
Ferðamálasamtaka Suðurnesja.
MEGAS • FORNÍSLENSKUR MENNINGARARFUR
LANDNÁMSMINJAR • ELLÝ OG VILHJÁLMUR • SIGVALDI KALDALÓNS
SAGA ÖRNEFNA • KARLAKÓR KEFLAVÍKUR ...
11:30
sunnudaginn 23. október 2005
MENNINGARDAGUR
í kirkjum á Suðurnesjum
10:00
13:00
14:15
15:30
16:4017:4520:00
Útskálakirkja 14:15-14:55
• Sjómennska og sjóslys á Suðurnesjum.
Gísli Gunnarsson prófessor við Háskóla
Íslands flytur erindi.
• Karlakór Keflavíkur syngur lögin: Brennið
þið vitar, Stjáni Blái og Suðurnesjamenn.
• Lokaorð: Séra Lilja Kristín Þorsteinsdóttir
FYRST skal reyna á vilja bæjaryf-
irvalda Dalvíkurbyggðar til að
sameina í raun á ný byggðalagið
með því að koma til móts við
Svarfdælinga og kröfur þeirra um
endurheimt Húsabakkaskóla. „Við
teljum þetta ágætis grunn til að ná
saman á ný,“ segir Þorkell Á. Jó-
hannsson, formaður samtakanna
Áfram, sem stofnuð voru að Rim-
um í Svarfaðardal í vikunni. Upp-
haf þess að samtökin voru stofnuð
má rekja til væringa um skólamál,
en sem kunnugt er var starfsemi
Húsabakkaskóla í Svarfaðardal
hætt og börn úr dalnum sækja
skóla á Dalvík.
„Þá telur fundurinn að nú í kjöl-
far sameiningarkosninganna þ. 8.
okt. sl. sé lag til að reyna á ný að
sætta og sameina Dalvíkurbyggð.
Tillaga okkar nú er því sú að í stað
áframhaldandi baráttu Svarfdæl-
inga um nýtt sjálfstæði verði tekin
upp á ný tillaga Félags foreldra og
velunnara Húsabakkaskóla um
áframhald á rekstri grunnskóla að
Húsabakka, sem hugsa má með
ýmsu öðru rekstrarfyrirkomulagi
en verið hefur og með þátttöku
foreldra og íbúa dalsins, og e.t.v.
félaga og fyrirtækja. Skólinn nyti
framlags frá bæjarsjóði með hverj-
um nemanda sem a.m.k. svarar til
þess sem tiltekinn nemendafjöldi
myndi kosta við nám í Dalvík-
urskóla. Útfæra má þessa hug-
mynd þannig að vel fari við fram
komnar hugmyndir um menning-
ar- og náttúrufræðasetur að Húsa-
bakka. Til að mynda eru góðir
möguleikar á að tengja við þessa
hugmynd aðra þætti, s.s. skólabúð-
ir og ýmis þemu út frá t.d. nátt-
úrufræði og umhverfisvernd. Slík
samvinna skóla og menningarset-
urs mun tvímælalaust styrkja bæði,
fyrir utan að tryggja góða nýtingu
húsakostsins að Húsabakka. Vand-
séð er með hvaða hætti öðrum
verði hægt að koma á sáttum milli
fylkinga, en hins vegar teljum við
að þetta sé kjörin leið,“ segir í
ályktun stofnfundarins.
Hagsmunasamtökin Áfram vilja reyna sættir í stað baráttu fyrir sjálfstæði
Skólinn verði rekinn
með þátttöku foreldra
Morgunblaðið/Kristján
Svarfdælingar mótmæltu flutningi skólahalds frá Húsabakka til Dalvíkur.
HÁTÍÐAR- og baráttufundur verður hald-
inn í Sjallanum þann 24. október nk. kl. 15 í
tilefni af því að þá verða þrjátíu ár liðin frá
kvennafrídeginum árið 1975. Markmið dags-
ins er það sama og fyrir þrjátíu árum, að
sýna fram á verðmæti vinnuframlags kvenna
fyrir íslenskt efnahagslíf, segir m.a. í frétt
frá undirbúningshópi. Hvergi í heiminum er
atvinnuþátttaka kvenna jafnmikil og hér á
landi.
Kvennahreyfingar á Íslandi hafa reiknað
út að eftir fimm tíma og átta mínútur hafi
konur unnið fyrir launum sínum, þar sem
þær hafa 64% af atvinnutekjum karla. Þær
eru því hvattar til að leggja niður störf kl.
14.08 miðað við vinnutímann 9-17. Foreldrar
eru hvattir til að sækja börn sín í leikskóla
um kl. 14.08 svo konur sem þar starfa hafi
einnig möguleika á að sækja fundinn.
Þangað eru allar konur í Eyjafirði hvattar
til að mæta og sýna samstöðu í verki. Fund-
urinn er að sjálfsögðu einnig opinn körlum
og börnum.
Aðalheiður Steingrímsdóttir, formaður
Félags framhaldsskólakennara flytur ávarp,
sem og Svanfríður Jónasdóttir fyrrverandi
alþingismaður og Margrét Kristín Helga-
dóttir laganemi. Þá verður söng og af ýmsu
tagi, einsöng, tvísöng og fjöldasöng fléttað
inn í dagskrá fundarins.
  
Hátíðar- og baráttu-
fundur í Sjallanum
Sjónþing Jóns | Í dag kl. 15 verður haldið
í Deiglunni, Sjónþing Jóns Laxdal. Spyrlar
verða Jón Proppé, Arna Valsdóttir og
Þröstur Ásmundsson, en fundarstjóri
Hannes Sigurðsson. Sjónþinginu er ætlað
að veita persónulega innsýn í feril Jóns með
það fyrir augum að skoða framlag hans og
rifja upp farinn veg. Fjöldi mynda af verk-
um listamannsins verður sýndur. Yfirlits-
sýningu á verkum Jóns, undir heitinu „Ekki
orð“, lýkur á Listasafninu á Akureyri á
sunnudag. Hún verður síðan sett upp í
Hafnarborg í Hafnarfirði og í mars á næsta
ári verða verk Jóns sýnd í Berlín og í Lista-
safninu í Færeyjum.
RÁÐGERT er að hefja hitaveituframkvæmdir í
Fnjóskadal nú í haust, ef veður og aðstæður
leyfa. Norðurorka hefur gert samning við or-
lofshúsabyggðina á Illugastöðum og nokkra
sumarhúsaeigendur syðst í Fnjóskadal um
lagningu hitaveitu að Illugastöðum, alls um 10
km leið. Franz Árnason, forstjóri Norðurorku,
sagði að lagt yrði af stað með stofnlögn frá
Reykjum sem dygði fyrir veitu alla leið til
Grenivíkur. Hins vegar hefði ekki verið tekin
ákvörðun um frekari framkvæmdir. Síðastliðið
sumar skrifuðu fulltrúar Norðurorku, Þingeyj-
arsveitar og Grýtubakkahrepps undir viljayfir-
lýsingu þess efnis að kanna möguleika á að
leggja hitaveitu frá Reykjum allt norður til
Grenivíkur.
Jóhann Guðni Reynisson,sveitarstjóri Þing-
eyjarsveitar, sagði að aðilar málsins, þ.e. Þing-
eyjarsveit, Grýtubakkahreppur og Norðurorka,
hefðu gert mér sér samkomulag um að bera
sameiginlega þann umframkostnað sem hlýst
af því að leggja sverari stofnlögn en annars
þyrfti, til að hafa möguleikann á að leggja
þessa veitu til Grenivíkur. „Ef veitan stoppaði
þarna, í Skógum eða annars staðar á leiðinni,
þyrfti stofnlögnin ekki að vera þetta sver.“
Jóhann Guðni sagði að málið yrði kynnt fyrir
íbúum á svæðinu með bréfi á næstu dögum og í
framhaldi af því yrði fyrirhuguð hitaveitulögn
kynnt á fundi með hugsanlegum viðskiptavin-
um veitunnar. „Að því loknu ætti að vera ljóst
hversu margir hafa hugsað sér að taka inn hita-
veitu, en forsendan fyrir því að hún verði lögð
er að sem allra flestir verði með. Þannig eru
miklir hagsmunir í húfi varðandi það að fá íbúa
í Grýtubakkahreppi með í þetta verkefni.“
Kynningarfundurinn verður haldinn í nóv-
ember og væntir Jóhann Guðni þess að í kring-
um jól liggi fyrir hversu margir muni taka inn
hitaveitu. „Ef allt gengur að óskum ætti að
vera unnt að hefjast handa við lagningu næsta
vor.“
Guðný Sverrisdóttir, sveitarstjóri Grýtu-
bakkahrepps, sagði að þessa dagana væri verið
að senda út kynningarefni til íbúa sveitarfé-
lagsins og um miðjan nóvember yrði almennur
fundur með íbúum þar sem málið yrði kynnt
frekar. „Það hefur ekki verið tekin endanleg
ákvörðun um hvort veitan kemur hingað. En ef
fólk er áhugasamt, sem mér heyrist það vera,
ætti ekkert að vera því til fyrirstöðu. Ég segi
að við eigum að hugsa okkur tvisvar um áður
en við sleppum þessu tækifæri, því ég veit ekki
hvenær við fáum annað tækifæri,“ sagði Guðný.
Hitaveita lögð í Illugastaði
AKUREYRI