Morgunblaðið - 22.10.2005, Qupperneq 27

MORGUNBLAÐIÐ LAUGARDAGUR 22. OKTÓBER 2005 27
MINNSTAÐUR
Selfoss | Heilbrigðisstofnun Suð-
urlands var sameinuð í eina stofn-
un 1. september 2004 og nær yfir
allar heilsugæslustöðvar á Suður-
landi, Heilbrigðisstofnunina á Sel-
fossi með sjúkrahúsið þar og Rétt-
argeðdeildina á Sogni í Ölfusi.
Heildarfjöldi íbúa á svæðinu sem
hin nýja stofnun nær yfir er ríf-
lega 18 þúsund. Nýlega kom út
ársskýrsla fyrir Heilbrigðisstofn-
unina á Selfossi fyrir árið 2004 en
fyrir sameiningu náði hún yfir
starfsemi heilsugæslunnar á Sel-
fossi, Sjúkrahúsið á Selfossi og
Réttargeðdeildina á Sogni. Í
skýrslunni kemur fram mikill fróð-
leikur um starfsemi stofnunarinn-
ar og hversu umfangsmikil sú
starfsemi er. Þar gera stjórnend-
ur, framkvæmdastjóri og forstöðu-
menn deilda grein fyrir starfinu og
þeim áhersluþáttum sem nauðsyn-
legt er að líta til í náinni framtíð
svo koma megi til móts við þarfir
íbúa á Suðurlandi.
Í skýrslunni koma fram ýmsar
athyglisverðar tölur fyrir árið
2004. Hjá stofnuninni störfuðu 330
launamenn. 300 sjúklingar voru
innritaðir á sjúkrahúsið, legudagar
voru 18.500, nýtingin á Réttargeð-
deildinni á Sogni var yfir 100%,
samskipti við heilsugæslustöðina
voru 70.200. Það voru gerðar
63.500 þvag- og blóðrannsóknir á
árinu og 5.300 ómskoðanir og rönt-
genrannsóknir, rúmlega 1.500
skoðanir voru gerðar í mæðra-
skoðun og 460 sónarskoðanir. Það
fæddust 147 börn á árinu sem er
svipað og undanfarin 3 ár.
Samskipti heimahjúkrunar við
sjúklinga voru 3.400 og það voru
gerðar 950 skurðaðgerðir á sjúkra-
húsinu auk 350 blöðru- maga- og
ristilspeglana. Um 1.700 komur
voru til háls-, nef- og eyrnalæknis.
Lyfjakostnaður lækkaði úr 33 í
26,7 milljónir. Sjúkraflutninga-
menn fóru í 250 ferðir með sjúk-
linga og eldhús sjúkrahússins
framreiddi 70 þúsund máltíðir og
þvegin voru 113 tonn af þvotti á
sjúkrahúsinu.
Í skýrslunni kemur einnig fram
að góð tengsl eru við íbúa á Suður-
landi og að þeir bera hag stofn-
unarinnar fyrir brjósti. Þetta kem-
ur fram í mörgum góðum gjöfum
sem félagasamtök og einstaklingar
færa stofnuninni. Á árinu 2004
fékk heilbrigðisstofnunin á Sel-
fossi gjafir að verðmæti 8,3 millj-
ónir króna. Aðrar stofnanir,
heilsugæslustöðvar, Hsu hafa
fengið merkar gjafir en í skýrsl-
unni kemur fram að sú stefna hafi
verið mörkuð að þær haldi sínum
sjóðum til ráðstöfunar.
Heilbrigðisstofnun
Suðurlands
Fjölþætt
starfsemi
2004 og
rausnarleg-
ar gjafir
ÁRBORG
Selfoss | Fyrstu íbúðirnar í fjölbýlis-
húsi fyrir eldra fólk við Árveg á Sel-
fossi voru afhentar um síðustu helgi.
Húsið er eitt stærsta íbúðarhús á
Suðurlandi, 5 þúsund fermetrar að
stærð, með 47 íbúðum, auk sam-
komusalar og bílageymslu. Það er
Ljósaborg sem á húsið en aðaleigandi
þess er Guðjón Sigfússon verkfræð-
ingur. Að sögn Guðjóns munu íbúar
hússins ákveða hvort það verður nafn
hússins.
Fyrst til að fá lykla afhenta voru
systkinin frá Uppsölum í Hraungerð-
ishreppi, Jóna Sigurbjörnsdóttir og
Guðjón Sigurbjörnsson, en þau voru
fyrst til að festa kaup á íbúð í húsinu.
Fyrsta daginn voru afhentir lyklar að
30 íbúðum en íbúar annarra íbúða
flytja inn á næstu dögum. Um 60%
íbúa hússins eru frá Selfossi, 20%
annarstaðar af Suðurlandi og 20%
koma af höfuðborgarsvæðinu.
Húsið er hið vandaðasta að gerð og
með gott aðgengi fyrir fatlaða og séð
er fyrir þörfum eldra fólks. Hljóðein-
angrun er óvenju mikil og styrkur
hússins mjög góður með tilliti til jarð-
skjálfta.
Guðjón frá Uppsölum sagði við af-
hendingu lykilsins að hann myndi eft-
ir því þegar á Selfossi voru eingöngu
6 hús. Uppbyggingin hefði hafist fyrir
alvöru með tilkomu Kaupfélags Ár-
nesinga og Mjólkurbús Flóamanna.
Síðar hefði Sláturfélagið komið og
byggðin vaxið hratt. Þau systkinin
seldu jörðina sem er í næsta nágrenni
við Selfoss, til bónda í Hraungerð-
ishreppi.
Guðjón Sigfússon og faðir hans
Sigfús Kristinsson eru með áform um
frekari uppbyggingu sunnan við fjöl-
býlishúsið, við Austurveg og síðan
hafa þeir skipulagt íbúðasvæði upp
með Ölfusá þar sem útsýni er mjög
fallegt og gera má ráð fyrir að verði
eftirsótt þegar til kemur og skipulag
hefur verið staðfest en mikil eft-
irspurn er eftir íbúðalóðum á Selfossi
en engar lóðir að fá, hvorki hjá sveit-
arfélaginu né á skipulögðum svæðum
einkaaðila.
Flutt inn í 5 þúsund fermetra
fjölbýlishús á Selfossi
Guðjón Sigfússon afhendir Jónu Sigurbjörnsdóttur og Guðjóni bróður
hennar lyklana að íbúðinni í Ljósuborg við Árveg á Selfossi.