Morgunblaðið - 22.10.2005, Side 34
34 LAUGARDAGUR 22. OKTÓBER 2005 MORGUNBLAÐIÐ
DAGLEGT LÍF | FERÐALÖG
settist niður og skipulagði ferða-
tilhögun. Flug, bílaleigubíll og gist-
ing var pantað á Netinu og ekki
reyndist gistingin dýr þegar upp var
staðið. Að meðaltali kostaði hver
nótt – tveggja manna herbergi með
morgunverðarhlaðborði á góðu hót-
eli – 5.000 krónur fyrir hjónin. Lagt
var af stað í ágústlok og tók ferðin
tíu daga og allt stóðst eins og stafur
á bók.
Flogið var til München og ekið
sem leið liggur upp í Ziller-dalinn til
Mayrhofen í Austurrísku ölpunum,
þar sem gist var í tvær nætur hjá
Elísabetu Kröll, í einu af fallegu
gistihúsum bæjarins. Haft var á orði
að Íslendingarnir hefðu komið með
góða veðrið því dagana á undan
rigndi heil ósköp, en um leið og
rennt var í hlað stytti upp með sól-
skini sem hélst þar til haldið var
heim á leið.
Þau eru þrettán í göngu-hópnum, sem hittist þrisv-ar í viku, á þriðjudags- ogfimmtudagskvöldum og á
sunnudagsmorgnum til að ganga
saman. „Við köllum okkur Labba-
kúta,“ segir Hanna María Baldvins-
dóttir, ein úr hópnum. „Við komum
hvert úr sinni áttinni og höfðum
flest gengið með öðrum hópum þeg-
ar við byrjuðum á þessu fyrir þrem-
ur árum. Þetta er mjög hress og
skemmtilegur hópur.“
Það var í einni slíkri gönguferð í
júní síðastliðnum, sem upp kom
hugmynd um gönguferð um Tre-
mosine-héraðið og þjóðgarð við
Gardavatn á Ítalíu. Einn úr hópn-
um, sem þekkir vel til svæðisins,
„Við tókum skíðakláf frá aðalgötu
Mayrhofen og fórum upp í 1.700
metra hæð á Penken og síðan var
gengið í 2.100 metra hæð um afar
skemmtilegt svæði,“ segir Hanna.
„Þarna eru ótal gönguleiðir og
greinilega mikið um innfædda á
göngu þegar við vorum á ferðinni.
Þetta er rosalega hress hópur sem
alltaf er til í spaug og þegar við tók-
um kláfinn upp fjallið kom í ljós að
tvö okkar eru sérlega lofthrædd og
leið ekki vel en til að dreifa hug-
anum var farið að syngja og farið í
leik eins og „… hver vill vera ag-
úrka, ég vil vera hreðka …,“ sem
vakti mikla kátínu með þeim afleið-
ingum að kláfurinn fór virkilega að
sveiflast til en þau gleymdu sér
samt og þar með var tilganginum
náð. Svipurinn á samferðafólkinu
sem ekkert skildi í íslensku var hins
vegar óborganlegur.“
Frá Mayrhofen var stefnan tekin
á Limone við Gardavatn og þaðan
upp til Bassanega, sem er einn af
átján smábæjum sem eru í hinu
fagra Tremosine-héraði. Gist var
fimm nætur á Hotel Garni Maxi,
litlu vinalegu hóteli, með sundlaug, í
herbergjum með svölum og fallegu
útsýni yfir Gardavatnið.
„Við vöknuðum alltaf snemma á
morgnana, mættum í morgunmat
upp úr klukkan átta og lögðum af
stað um níu í dagsgöngu um Tre-
mosine-héraðið, en þar eru ótal
gönguleiðir sem kallaðar eru „Nord-
ic Walking Park“.
Gönguleiðirnar eru mis erfiðar og
mis langar, ýmist í dölum eða eftir
fjallshryggjum, sem fara hæst í tvö
þúsund metra. Þetta er afar fjöl-
breytt svæði og stórt og býður upp á
marga möguleika, hátt í fjörutíu
gönguleiðir. Sumir voru að ganga
eins og við en aðrir hjóluðu. Leið-
irnar eru allar vel merktar og ekk-
ert erfitt að rata,“ segir Hanna.
„Eftir að hafa borðað eitt kvöldið
á sérlega skemmtilegum veit-
ingastað, sem heitir Agritur Val
d’Egoi, og er í skógivöxnum Bondo-
dalnum, þar sem eingöngu var boðið
upp á náttúrulegt fæði, miðuðum við
gönguleiðirnar við að koma þar við
og fá okkur hressingu að göngu lok-
inni og var okkur boðið upp á gott
borð utandyra.
Fararstjórinn og skipuleggjand-
inn fann staðinn á Netinu áður en
við lögðum af stað að heiman og
pantaði borð eitt kvöldið án þess að
hafa hugmynd um út í hvað hann
var að draga okkur. Við ókum eftir
sveitavegi út í myrkrið og óvissuna,
þar til við duttum allt í einu niður á
staðinn sem stendur nokkuð af-
skekkt. Seinna fréttum við að þetta
er vel þekktur veitingastaður í hér-
aðinu og verðlaunaður fyrir sérlega
góðan mat. Staðurinn var einstakur
og verðlag hlægilega lágt.“
Að jafnaði gengu Labbakútarnir
um fjóra tíma á dag sem er hæfilegt,
að mati Hönnu. „Við vorum jú í fríi,“
segir hún. „Það er nauðsynlegt á
svona gönguferðum að velja sér hót-
el sem hefur upp á sundlaug að
bjóða, eins og við gerðum. Við gát-
um náð úr okkur harðsperrum eftir
göngu dagsins og náðum að hvílast á
bekkjum í sólinni.“
FERÐALÖG | Labbakútarnir fóru í skemmtilegar gönguferðir um Alpana og við Gardavatn
=
>
>> ?
=@ =
=
A
>>
>>
>>
BB B
NO/
,> $O
Ljósmynd/Sigmundur Ó. Steinarsson
Hluti af Labbakútunum er hér á toppi Monte Bestone sem er í 917 m hæð fyrir ofan bæinn Limone. Guðbjörn Þór
Ævarsson, Sveinsína, Guðlaug, Hanna María, Lára, María og Ágúst Ingi Jónsson eru með Gardavatnið í baksýn.
Það var ævintýri að heimsækja sveitaveitingastaðinn Agritur Val d’Egoi í Bondo-dalnum.
Löfðurnar, Hanna María Baldvinsdóttir, Guðlaug B. Guðjónsdóttir, Sveinsína Ágústsdóttir,
María Haraldsdóttir og Lára I. Ólafsdóttir, fá sér hressingu í Limone eftir erfiði dagsins í döl-
unum fyrir ofan bæinn.
www.gaestehaus-elisabeth.at
Sími: 43 (0)5285/63301-0
Fax: 43 (0)5285/63301-10
www.hotelmaxi.it
Sími: 0365/917181
Fax: 036/917171
www.agriturvaldegoi.com
Sími/fax: 39 0365 918320
„Hver vill vera
agúrka? …“
Eftir Kristínu Gunnarsdóttur
krgu@mbl.is
Góð gisting í Kaupmannahöfn
Hótel í miðbænum. Snyrtileg herbergi. 295 danskar kr.
fyrir manninn í 2ja manna herb. með wc og sturtu.
Tökum einnig á móti hópum.
Løven Hotel, Vesterbrogade 30, DK-1620 Cph. V.
Sími +45 33 79 67 20.
www.loeven.dk • loeven_bb@hotmail.com