Morgunblaðið - 22.10.2005, Blaðsíða 59

MORGUNBLAÐIÐ LAUGARDAGUR 22. OKTÓBER 2005 59
EINS og jafnan á haustin hélt
Taflfélag Reykjavíkur nýverið
meistaramót félagsins sem nefnist
Haustmót. Sú regla gildir á móti
þessu að í sterkasta flokknum, A-
flokki, fær sá félagsmaður meistara-
mótstitilinn sem flesta vinninga fær.
Að þessu sinni varð keppnin í A-
flokki mjög jöfn. Hinn 17 ára Guð-
mundur Kjartansson (2230) náði
fljótt forystunni á mótinu og framan
af hélt hann henni einn og óstuddur.
Í áttundu og næstsíðustu umferð
lagði hann Ingvar Þ. Jóhannesson
(2291) að velli og hafði hann þá sex
vinninga fyrir lokaumferðina. Helstu
keppinautar hans um efsta sætið,
Bergsteinn Einarsson (2235) og
Snorri G. Bergsson, unnu einnig sín-
ar skákir í 8. umferð og var staða
efstu manna þá sú að Guðmundur
var einn efstur en Bergsteinn kom á
hæla hans með hálfum vinningi
minna og áttu þeir félagar úr TR að
etja kappi saman í síðustu umferð.
Staða Haukamannsins Snorra var að
því leyti vænlegri en Bergsteins að
hann átti enn eftir að tefla frestaða
skák við Kristján Eðvarðsson (2237)
og með sigri í þeirri skák gæti hann
náð Guðmundi að vinningum fyrir
lokaumferðina. Að öðrum skákum
ólöstuðum má segja að skák Snorra
og Kristjáns hafi verið sú besta á
mótinu.
Hvítt: Snorri G. Bergsson (2259)
Svart: Kristján Eðvarðsson (2237)
1. e4 e5 2. Rf3 Rc6 3. Bb5 a6 4.
Ba4 Rf6 5. O-O b5 6. Bb3 Be7 7. He1
d6 8. c3 O-O 9. h3 Bb7 10. d4 He8 11.
Rbd2 Bf8 12. d5!?
Upp er komið Zaitzev-afbrigðið í
spænska leiknum og tekur hvítur þá
athyglisverðu ákvörðun að loka
strax miðborðinu. Snorri fetar hér
slóð margra kunnra skákmanna,
m.a. Sergeys Dolmatovs og Hann-
esar Hlífars.
12...Re7 13. Rf1 h6 14. R3h2!? c6
15. Rg4 Rxg4 16. hxg4 cxd5 17.
exd5
Þessi staða hefur komið upp
nokkrum sinnum áður, m.a. í skák-
um Sigurbjörns Björnssonar. Stór-
meistarinn Ivan Morovic lék
17...Dd7 árið 2002 gegn Lenier Dom-
inguez og svaraði þá 18. Rg3 með
18...a5. Svartur afræður í þessari
skák að hefja aðgerðir á kóngsvæng
fremur en drottningarvæng.
17...Rg6 18. Rg3
18... Df6?
Þessi leikur virðist hafa lítinn sem
engan tilgang og veitir hvítum færi á
að koma riddaranum á miðborðið
með leikvinningi. Fyrrnefndur Sig-
urbjörn lék í einni skák 18...Bc8 en
sá leikur er ekki sannfærandi held-
ur. Hugsanlega er gáfulegra að leika
18...Be7 og stefna svo að uppskiptum
svartreita biskupanna. Einnig væri
mögulegt að leika Rg6-Rf8-Rd7 þó
að það væri vissulega hægfara áætl-
un.
19. Re4 Dh4 20. f3 Bc8 21. g3 De7
22. a4 bxa4 23. Bxa4 Hd8 24. b4!
Dc7 25. Dd3 Hb8 26. Bd2 Re7 27.
Kg2 f5 28. gxf5 Bxf5
Hvítur hefur teflt rökrétt og hæg-
fara í samræmi við eðli stöðunnar.
Með f7-f5 framrás svarts liðkaðist
aðeins fyrir menn svarts en á hinn
bóginn veiktist kóngsstaða hans,
sérstaklega ef b1-h7 skálínan myndi
opnast fyrir hvítan. Næsti leikur
hvíts undirbýr slíkt.
29. Bc2! Ha8 30. Ha5
Athyglisverður leikur sem girðir
fyrir að svartur leiki a6-a5 og tryggir
jafnframt betri völdun d5-peðsins.
Næsti leikur svarts veikir svörtu
kóngsstöðuna of mikið til þess að
svartur geti hamlað hvítu sóknina.
30...g6 31. g4! Bc8 32. Hh1 Bb7
33. Bxh6 Bxh6 34. Hxh6 Kg7
Hvítur hefur unnið peð en næsti
leikur hans undirstrikar máttleysi
svörtu stöðunnar.
Sjá stöðumynd 3.
35. Rg5! Kxh6 36. Re6
Þessi leikur er ekki slakur en
tölvuheili hefur bent á að 36. f4! exf4
37. Re6 hefði hraðað endalokum
svörtu stöðunnar.
36... Dd7 37. Dd1 Kh7 38. Dh1+
Kg8 39. Dh6 Rxd5
Hér hefði verið skárra að reyna
39... Rf5 þar sem eftir 40. Dxg6+
Dg7 má hvítur ekki taka drottn-
inguna með riddara vegna riddara-
gaffalsins á h4. Hvítur hefði sjálfsagt
ekki fallið í þessa gildru heldur hefði
leikið 41. Dxf5 og þá væri hann með
pálmann í höndunum.
40. Dxg6+ Kh8 41. Ha1!
Svartur getur nú ekki varist hót-
uninni Ha1-h1+ með góðu móti.
41...Rf4+ 42. Rxf4 Bxf3+ 43. Kxf3
Dc6+ 44. Be4 Dxc3+ 45. Rd3 Hf8+
46. Kg3 og svartur gafst upp.
Þessi góði sigur Snorra þýddi að
hann og Guðmundur voru jafnir og
efstir með sex vinninga fyrir loka-
umferðina en Bergsteinn kom í hum-
átt á eftir með 5½ vinning. Snorri
tefldi ekki á tvær hættur í lokaum-
ferðinni og gerði stutt jafntefli við
Ingvar Þór Jóhannesson á meðan
Guðmundur og Bergsteinn börðust
af kappi. Guðmundur fórnaði
snemma manni en þurfti eigi að síður
að verjast í framhaldinu. Taflið var
unnið á Bergstein en með mikilli bar-
áttu Guðmundar tókst honum að
þyrla upp nógu miklu moldviðri til að
jafntefli yrði niðurstaðan. Guðmund-
ur og Snorri urðu því efstir á mótinu
og varð Snorri hlutskarpari á stigum
en Guðmundur varð Skákmeistari
Taflfélags Reykjavíkur.
Lokastaða A-flokksins varð þessi:
1.-2. Snorri G. Bergsson (2259) og
Guðmundur Kjartansson (2230)
6½ vinningur af 9 mögulegum.
3.-4. Bergsteinn Einarsson (2235) og
Dagur Arngrímsson (2294) 6 v.
5. Ingvar Þ. Jóhannesson (2291) 4½ v.
6. Davíð Kjartansson (2283) 4 v.
7.-9. Kristján Eðvarðsson (2237),
Heimir Ásgeirsson (2118),
Björn Þorsteinsson (2178) 3½ v.
10. Jóhann H. Ragnarsson (2186) 1 v.
Í B-flokki mótsins hafði Hrannar
Baldursson (2182) mikla yfirburði en
hann leyfði eingöngu eitt jafntefli en
hinn ungi og efnilegi Hjörvar Steinn
Grétarsson (1926) náði örugglega
öðru sætinu.
Lokastaða flokksins varð þessi:
1. Hrannar Baldursson (2182)
8½ vinningur af 9 mögulegum.
2. Hjörvar Steinn Grétarsson (1926) 6½ v.
3. Eiríkur Björnsson (2038) 5½ v.
4.-5. Sverrir Sigurðsson (2001) og
Sverrir Örn Björnsson (2054) 5 v.
6.-7. Þórir Benediktsson (1935) og
Ólafur Gísli Jónsson (1932) 4 v.
8. Kristján Örn Elíasson (2027) 3 v.
9. Sigurður H. Jónsson (1896) 2 v.
10. Bjarni Sæmundsson (1845) 1½ v.
Í C-flokki mótsins tóku 27 skák-
menn þátt og var keppnin um efsta
sætið jöfn og hörð. Framan af stóð
Vilhjálmur Pálmason vel að vígi en
hann gaf eftir á lokasprettinum og
þurfti að gera sér fjórða sætið að
góðu á meðan Einar S. Guðmunds-
son (1685) sigldi fram úr öðrum
keppinautum sínum.
Lokastaða efstu manna varð þessi:
1. Einar S. Guðmundsson (1685)
7 vinningar af 9 mögulegum.
2.-3. Atli Freyr Kristjánsson (1825) og
Svanberg Már Pálsson (1605) 6½ v.
4. Vilhjálmur Pálmason (1470) 6 v.
5.-9. Aron Óskarsson (1740),
Dagur Andri Friðgeirsson,
Sigurlaug Friðþjófsdóttir (1615),
Snorri Snorrason (1600) og
Gylfi Davíðsson (1560) 5½ v.
Hægt er að nálgast flestar skákir
mótsins á Netinu og nánari upplýs-
ingar um það er að finna á heimasíðu
TR, www.skaknet.is, sem og á vef-
síðunni www.skak.is.
Snorri vann en
Guðmundur varð meistari
SKÁK
Taflfélag Reykjavíkur
HAUSTMÓT TR
25. september – 19. október 2005
Helgi Áss Grétarsson
daggi@internet.is
Stöðumynd 3.
Vetrarhátí›
á Skólavör›ust ígnum
V e r s l a n i r o p n a r k l . 1 1 - 1 8
í dag
fyrsta vetrardag
guide2 reyk jav ík
Skólavör›ustíg 5 • 551 1161 • www.ofeigur.is Skólavör›ustíg 8• 552 4499
15% afs lát tur
af peysum og t ref lum
fyr i r vetur inn
ÁLFAKÚLUR
Gefa flér óendanlega
valmöguleika í a› setja
samann flinn
eigin skartgrip
Ófeigur gullsmi›ja
Skólavör›ustíg 5 • 551 1161 • www.ofeigur.is
Hildur Bolladóttir kjólameistari
Athyglisver›ur
kvennfatna›ur
úr silki le›ri