Morgunblaðið - 22.10.2005, Qupperneq 68

68 LAUGARDAGUR 22. OKTÓBER 2005 MORGUNBLAÐIÐ
MENNING
ÞAÐ var komið myrkur þegar ég
kom til Akureyrar og ekki farið að
birta þegar ég fór. Skammdegið með
öllum sínum þunga er lagst yfir
byggðirnar í norðri.
Í leikhúsinu við Hafnarstræti
vaknar hins vegar brúðguminn
Bjarni á hrollbjörtum morgni brúð-
kaupsdags síns eftir steggjapartí
kvöldið áður með dúndrandi timb-
urmenn. Hann er á hótelherbergi,
nánar tiltekið í brúðhjónasvítunni,
og við hlið hans er nakin kona. En
það er ekki – æ,æ – konan Rakel
sem hann ætlar að giftast eftir
nokkra klukkutíma, – hún er hins
vegar væntanleg á hverju augna-
bliki. Trausti, svaramaður hans og
vinur – ó,ó – kemur til hjálpar til að
bjarga Bjarna út úr klemmunni og
þeir fá herbergisþernuna Nönnu sér
til liðsinnis.
Úr þessari sítúasjón spinnur enski
gamanleikja- og farsahöfundurinn
Robin Hawdon á hefðbundinn og-
kunnuglegan hátt vef endalausra
uppákoma, misskilnings og ruglings
sem úr sprettur fyndinn texti. Örn
Árnason þýddi textann og heyrðist
mér honum hafa farist það vel úr
hendi. Magnús Geir Þórðarson setur
upp í einfaldri (en einfaldleikinn ýkt-
ur) bleikri og gulri leikmynd Frosta
Friðrikssonar, sviðinu skipt milli
tveggja herbergja, fernar nauðsyn-
legar dyr fyrir leikendur til að
hverfa og birtast óvænt. Sýningin er
hröð og þétt eins og farsinn krefst,
tæmingar góðar, áreynslulaust skila
brandararnir sér. Ef ástæða er til að
fetta fingur út í eitthvað í vinnu leik-
stjórans með leikurunum ungu þá
hefði mátt vinna ástarsöguna betur
út og persónusköpun kvennanna
tveggja, Rakelar, Estherar Taliu
Casey, og Nínu, Álfrúnar Örnólfs-
dóttur, hefði mátt vera skýrari.
Hlutverk brúðarinnar Rakelar er
ekki stórt og framan af hélt ég að
Esther Talia ætlaði ekki að rétta úr
sér á sviðinu. En lokakaflanum, upp-
götvuninni, undruninni, reiðinni,
skilaði hún með miklum bravúr og
vona ég að það sé upphafið að því að
hún fari að trúa betur á glæsileika
sinn og hæfileika. Álfrún hefði líka
getað gert sig meira gildandi sem
saklausa stúlkan sem stóreygð eins
og óviljandi lendir uppi í rúmi hjá
Bjarna en vinnur annars ákaflega
vel. Jóhannes Haukur Jóhannesson
leikur traustan, þungan og ekki allt-
of skýran svaramanninn og fer vel
með textann en þarf að þjálfa betur
hreyfingar. Stjörnur kvöldsins eru
hins vegar Guðjón Davíð Karlsson í
hlutverki Bjarna og Maríanna Clara
Lúthersdóttir í hlutverki þjón-
ustustúlkunnar Nönnu. Guðjón Dav-
íð þeytist um sviðið með stóru lát-
bragði eins og hann af fullkomnu
hjálparleysi bókstaflega vindist inn í
allan lygavefinn og atburðarásina.
Maríanna Clara leikur jarðbundna,
uppástönduga herbergisþernu og
vefur áhorfendum um fingur sér.
Það er gaman að fylgjast með hvað
þessi leikkona er að springa hratt út
jafnt á sviði gamans sem alvöru.
Þráinn Karlsson dregur upp kostu-
lega smámynd af föður brúðarinnar,
og er auðvitað trúverðugur sem hag-
leiksmaður í höndunum þótt persón-
an í upprunalega textanum sé móðir.
Í myrkri skammdegisins er jafnan
gott að sitja með hópi manns og
hlæja. Það var svo sannarlega gert á
frumsýningu Fullkomins brúðkaups
og þarf ekki mikinn spámann til að
segja fyrir um það að Norðlendingar
muni streyma á þessa sýningu.
Æ, æ, ó, ó
og aha, ha
LEIKLIST
Leikfélag Akureyrar
Höfundur: Robin Hawdon. Þýðandi: Örn
Árnason. Leikstjóri Magnús Geir
Þórðarson. Leikmynd og búningar:
Frosti Friðriksson. Lýsing Björn Berg-
steinn Guðmundsson. Leikarar: Álfrún
Helga Örnólfsdóttir, Esther Talia Casey,
Guðjón Davíð Karlsson, Jóhannes
Haukur Jóhannesson, Maríanna
Clara Lúthersdóttir og Þráinn Karlsson.
Leikfélag Akureyrar fimmtudaginn
20. október kl. 20.
Fullkomið brúðkaup
Morgunblaðið/Skapti Hallgrímsson
Stjörnur kvöldsins eru Guðjón Davíð Karlsson í hlutverki Bjarna og Marí-
anna Clara Lúthersdóttir í hlutverki þjónustustúlkunnar Nönnu.
María Kristjánsdóttir
ANDRÉ Bachmann er iðinn við
kolann þessa dagana. Tónlistar-
dagskrá hans á Kaffi Óperu nýtur
töluverðra vinsælda en þar
skemmtir hann ásamt Birgi J.
Birgissyni: „Við ætluðum í upphafi
aðeins að vera tvær helgar, en höf-
um verið allar helgar og verðum
alveg fram að áramótum,“ segir
André og bætir glettinn við að nú
hafi bæst við hann enn eitt við-
urnefnið: Óperusöngvarinn, en
þegar hefur André fengið ýmsa
virðulega titla á borð við Kon-
ungur kokkteiltónanna og Gleði-
gjafinn.
Þeir André og Birgir hafa
skemmt á föstudögum og laug-
ardögum frá 21 til 23 og lengur ef
stemning er fyrir, en nú er fram
undan jólatíð og því útlit fyrir að
sungið verði og spilað einnig á
fimmtudögum og sunnudögum ef
margar pantanir berast. „Við flytj-
um smelli manna á borð við Louis
Armstrong, Frank Sinatra og Dean
Martin og einnig nokkur lög eftir
Magga Eiríks. Þegar nær dregur
jólahátíðinni förum við yfir í jóla-
lög og bætast þá við „A White
Christmas“ og fleiri sérvalin lög
sem slegið hafa í gegn.“
Jólaballið undirbúið
André hefur einnig verið ólatur
að skemmta á jólaböllum en í
nærri tvo áratugi hefur hann
skipulagt á eigin spýtur jólaball
fyrir fatlaða: „Þetta er hátíð til-
einkuð leikhópnum Perlunni, eins
konar „Perlujól“. Í hvert skipti hef
ég fengið með mér hóp tónlistar-
manna og skemmtikrafta sem hafa
viljað leggja lið fötluðum,“ segir
André. Enn er að komast mynd á
dagskrána en André getur þó upp-
ljóstrað að „Nylon heimtuðu að
koma aftur, unglingahljómsveitin
Hásin spilar, Laddi verður líka og
Rúni Júl hefur alltaf getað komið.“
Happdrætti Háskólans og Nói Sír-
íus styðja framtakið auk þess sem
listamennirnir gefa vinnu sína.
„Það er ekki hægt að halda við-
burði af þessu tagi nema maður fái
með sér svona gott fólk – og á það
mikið þakklæti skilið. Það er helj-
arinnar mikil vinna á bak við svona
jólaball sem fólk gerir sér oft ekki
grein fyrir.“
Morgunblaðið/ÞÖK
André Bachmann hefur í mörgu að snúast.
„Óperusöngvari“
og jólabarn
ÍSLENSKI dansflokkurinn flutti
þrjú verk í Baltoppen í Kaup-
mannahöfn á fimmtudagskvöld;
Wonderland eftir Jóhann Frey
Björgvinsson, Critic’s choice? eftir
Peter Anderson og Pocket Ocean
eftir portúgalska danshöfundinn
Rui Horta.
Að sögn Ásu Richardsdóttur,
framkvæmdastjóra flokksins, var
mikil ánægja bæði í hópi dansara
og áhorfenda með sýninguna. „Það
gekk rosalega vel, troðfullt hús og
húmorískt verk. Hin tvö eru hins
vegar dramatískari og það hefði
mátt heyra saumnál detta í salnum
á meðan þau voru flutt,“ segir Ása
og bætir við að það sé afar sér-
stakur viðburður að tvö íslensk
dansverk séu frumsýnd erlendis.
Salurinn í Baltoppen, sem er í út-
jaðri Kaupmannahafnar, tekur 450
manns og segir Ása hann hafa ver-
ið afar hentugan. „Flokkurinn er
mjög ánægður með útkomuna,“
sagði hún að síðustu.
mikil stemning,“ sagði hún í samtali
við Morgunblaðið.
Hún segist hafa rætt við bæði
áhorfendur og gagnrýnendur að
lokinni sýningunni, og þar hafi allt
verið á sama veg – mikil hrifning
með sýninguna og frammistöðu
flokksins.
Aðspurð hvort eitt verk hafi vak-
ið athygli umfram annað, nefnir
hún Critic’s choice?, verk Peters
Anderson. „Það var mikið hlegið og
verkið vakti sterk viðbrögð, enda
Morgunblaðið/ÞÖK
Úr Wonderland eftir Jóhann Frey Björgvinsson.
Dans | Velgengni hjá Íslenska dansflokknum
Troðfullt hús
Já, ég þori,get og vil!