Réttur - 01.01.1974, Side 63

Aðvörun Sósíalistaflokksins:
„Standið vörð gegn því hemámi hugans og hjartans,
gegn forheimskuninni og þýlyndinu, sem leppblöðin og
leppflokkar amerísks auðvalds boða, — því það her-
nám er öllu öðru hættulegra.“
Úr „Ávarpi til Islendinga“
frá miðstjórn Sósíalistaflokksins
8. maí 1951.
Aðvörun skáldsins,
Jóns Helgasonar:
Sú þjóð sem löngum átti ekki í sig brauð,
en einatt bar þó reisn í fátækt sinni,
skal efnum búin orðin þvílíkt gauð,
er öðrum bjóði sig að fótaskinni.
Sú þjóð sem horuð ærið afhroð galt
af ofurheitri trú á frelsið dýra,
hún býður lostug sama frelsi falt
með fitustokkinn belg og galtarsvíra.
Sú þjóð sem veit sér ekkert æðra mark
en aurasníkjur, sukk og fleðulæti,
mun hljóta notuð herra sinna spark
og heykjast lágt í verðgangsmanna sæti.
Sú þjóð sem dottar dáðlaus, viljasljó
og dillar þeim er ljúga, blekkja, svíkja,
skal fyrr en varir hremmd í harða kló.
Hægt er að festast, bágt mun úr að víkja.
Birt vegna undirskriftasöfnunar
hernámssinna.
63