Réttur - 01.01.1974, Blaðsíða 71
Ekki hjálpar Alþjóðabankinn til að
rninnka þennan mismun. A tímabilinu 1966
til 1970 lánaði bankinn 535 milljónir doll-
ara á ári að meðaltali til 72 þróunarlanda. A
sama tímabili urðu þessi lönd að greiða hon-
um 427 miljónir dollara í vexti og afborg-
anir. Þannig fengu þessi vanþróuðu lönd
raunverulega aðeins 108 miljónir dollara á
ári frá bankanum og hvað 21 af þessum
löndum snerti, þá fengu þau ekkert, heldur
urðu bara að borga.
PERSÍA
I Persíu (Iran) er kúgun keisarans og að-
alsins ægileg. Rúmar þrjár miljónir bænda
eru í landinu, en þriðjungur þeirra á engan
jarðarskika. Aðstreymið til bæjanna er því
mikið, en kjör verkamanna enn verri en
bændanna. Jafnvel þeir verkamenn, er hæst
laun hafa og vinna hjá erlendu alþjóðahring-
unum, hafa aðeins 200 ísl. krónur á dag.
Arið 1971 voru launin hækkuð um 10%,
en þá hafði dýrtíðin tvöfaldast.
I mörgum vefnaðarverksmiðjum, sem
framleiða persnesk teppi, er meirihluti vinnu-
aflsins konur og börn, sem vinna allt að 14
klukkustundir á dag. Ollum kröfum um
kjarabætur er svarað með vægðarlausum
refsiaðgerðum:
Arið 1971 voru 19 verkamenn í vefnaðar-
verksmiðju skotnir af því þeir fóru fram á að
laun væru greidd samkvæmt samningi.
í háskólanum hefur verið nokkur mót-
mælahreyfing gegn kaupum á amerískum
vopnum og kröfur um þjóðnýtingu olíunnar.
Svarið var kúgun, bara í Tabriz-háskólanum
voru 16 stúdentar skotnir.
Vinstri menn eru ofsóttir og pyndaðir.
Bara á þrem mánuðum síðasta árs (mars-
maí) voru 28 stjórnarandstæðingar dæmdir
af herrétti og skotnir.
Allt er þetta eftir góðri amerískri fyrir-
mynd: 1953 var að undirlagi CIA — banda-
rísku njósnastofnunarinnar — valdarán fram-
ið, Mossadegh steypt af stóli, af því hann
vildi þjóðnýta olíulindirnar, sem voru í eigu
útlendu auðhringanna, — og bara á einni
nóttu, 24. ágúst, voru 300 manns drepnir.
Síðan eru svörin álíka við öllum mótmælum,
td. í maí 1963, þegar kennarar, stúdentar og
verkamenn efndu til mótmæla og 2000 voru
drepnir aðeins í Teheran.
ALÞJÓÐAHRINGARNIR
Rannsóknarnefnd Sameinuðu þjóðanna
hefur komist að þeirri niðurstöðu að al-
þjóðahringar, sem hafa fyrst og fremst að-
setur í Bandaríkjunum, áttu 268 miljarða
dollara í reiðu fé sem varasjóði síðasta ár.
Það er álíka fúlga og allir fjársjóðir Bret-
lands, Vestur-Þýzkalands, Frakklands og
Belgíu samanlagðir.
Sem dæmi um féflettingu þessara auð-
hringa má nefna eftirfarandi: 200 slíkir eru
að verki í Suður-Ameríku. Síðasta ár fjárfestu
þeir þar 15 miljarða dollara, en fluttu út
19 miljarða dollara af þeim gróða, er þeir
afla sér þar.
Sem dæmi um aðferðir þeirra til að hafa
áhrif segir franska blaðið l’Express frá því,
einkum um ITT, hvernig þessir alþjóðahring-
ar hafi háttsetta menn launaða í þjónustu
sinni, til þess að hafa áhrif á ríkisstjórnir og
nefnir meðal annara: Eugene Black, fyrrv.
aðalforstjóra Alþjóðabankans, Trygve Lie,
fyrrv. utanríkisráðherra Noregs og aðalritara
Sameinuðu þjóðanna og Paul Henri Spaak,
fyrrv. forsætis- og utanríkisráðherra Belgíu.
71