Sjómannablaðið Víkingur - 01.12.1945, Side 79

Danir heiöra látna sjómenn.
í annað sinn, síðan í stríðsbyrjun, hafa Danir gefið
út „lög um heiðursgjafir til danskra sjómanna og fiski-
manna og eftirlifandi vandamanna“.
Við gildistöku ofannefndra laga sendi siglinga- og
verzlunarráðuneytið út eftirfarandi yfirlýsingu (stytt
í þýð.) :
„Konungurinn staðfesti á ríkisráðsfundi 9. ágúst lög
um sérstakar heiðursgjafir til danskra sjómanna og
fiskimanna og eftirlifandi vandamanna þeirra. Lögin
ná til allra sjóslysa, sem áttu sér stað, meðan á her-
náminu stóð, í hinni frjálsu þjónustu bandamanna, þar
sem danskir menn létust eða meiddust svo mjög að
starfshæfni þeirra er lömuð að meira en hálfu leyti.
Danska ríkinu var ekki hægt, af pólitíslcum ástæðum,
á meðan á stríðinu stóð, að heiðra eftirlifendur þessara
sjómanna með heiðursgjöfum, sem þeim bar eftri heið-
ursgjafalögunum frá 23. marz 1940, en með þessum
lögum verður því nú komið í framkvæmd á skömmum
tíma. Lög þessi ei-u í aðalatriðum eins og lögin frá
1940. Ekkjur eftir látna sjómenn fá greiddar árlega 800
kr. og fyrir hvert barn 200 kr. árlega, þangað til það
er 18 ára gamalt. Sjómenn sjálfir hljóta heiðursgjöf
hafi þeir af völdum stríðsins hlotið varanleg meiðsli
og eru öryrkja að hálfu leyti eða meir.“
F anney.
Skipið Fanney, sem Síldarútvegsnefnd, Síldarverk-
smiðjur ríkisins og Fiskimálanefnd létu smíða í Amer-
íku, kom hingað til lands 22. okt. s. 1. Reyndist skipið
ágætlega á hinni löngu siglingaleið frá Tacoma á vest-
urströnd Bandaríkjanna og til Reykjavíkur.
Skipið Fanney er af sömu gerð og skip þau, sem
Bandaríkjamenn nota til síldveiða í Kyrrahafi. Er það
keypt hingað í tilraunaskyni til að fá úr því skorið
hversu það reynist við síldveiðar hér. Mun það verða
gert út til herpinótaveiða næsta sumar.
Sjómannablaðið Víkingur mun áður en langt líður
birta myndir af veiðiaðferð Fanneyjar, ásamt allná-
kvæmri lýsingu.
Kaup þriggja strandferðaskipa.
Samgöngumálanefnd Neðri deildar Alþingis hefur að
ósk samgöngumálaráðherra flutt frumvarp þar sem
ríkisstjórninni er heimilað að láta smíða þrjú strand-
ferðaskip erlendis fyrir reikning ríkissjóðs. Sé eitt
skipið um 1400—1500 rúmlestir brúttó og aðallega byggt
sem farþegaskip. Hin tvö skipin séu um 300 rúmlestir
brúttó, fyrst og fremst til vöruflutninga.
Friðrikssjóður.
Frú Helga Stefánsdóttir, ekkja Friðriks Haldórssonar
loftskeytamanns, hefur gefið dvalarheimili aldraðra sjó-
manna kr. 10,000,00 til minningar um mann sinn. Með
fé þessu skal mynda sérstakan sjóð, er heiti „Friðriks-
sjóður". Tekjum sjóðsins skal verja til kaupa á hljóð-
færum til dvalarheimilisins og til eflingar hljómlistar-
lífs á heimilinu.
Til kaupenda „Víkings'1.
Sjómannablaðið Víkingur hefur orðið fyrir þeim ó-
þægindum, að pappírssending, sem koma átti fyrir
noklcru, er enn ókomin til landsins. Af þeim sökum er
pappír biaðsins ekki svo góður sem skyldi að þessu
sinni, og eru kaupendur beðnir velvirðingar á því.
Mun reynt að hafa jafnan góðan pappír í blaðið fram-
vegis, ekki síður en verið hefur fram að þessu.
Ýmislegt efni, sem birtast átti í þesu blaði, verður
að bíða sökum rúmleysis og af öðrum ástæðum. Þar á
meðal eru tvö sönglög, helguð sjómannastéttinni, sem
ekki fengust sett nógu snemma í jólaannríkinu.
Leiðrétting.
í viðtali við bæjarstjórann á ísafirði, sem birtist í
9. tbi. Víkings er skýrt frá fyrirhuguðum bátakaupum
ísfirðinga, og sagt að einn bátanna verði „eign h.f.
Vaiur, er átti togarann Skutul“. Þetta er ranghei-mi.
Nýtt félag vár stofnað um kaup á einum bátnum, og
heitir það Skutull h.f.
Sjómannafélag Reykjavílcur.
Sjómannafélag Reykjavíkur átti 30 ára afmæli hinn
23. okt. s. 1. Var afmælisins minnst með hófi í Iðnó.
Voru þar ýmsar ræður haldnar og raktir þættir úr
sögu félagsins.
í sama tölublaði vai'ð meinleg prentvilla í kvæðinu
„Móðurkveðja", eftir Sig. Fr. Einarsson. Þar stendur
á bls. 224, annari línu að neðan:
Nú byrjar döpur hugsun ....., en á að vera:
Nú byrgir o. s. frv.
¥
V ÍKINGUR
349