Sjómannablaðið Víkingur - 01.05.1987, Blaðsíða 72

Forsetar Farmanna— og fiski
Sigurdór
Sigurdórsson
blaðamaður
tóksaman
72 VÍKINGUR
Haligrímur Jónsson
1936-1937
Hallgrímur Jónsson vélstjóri var formaður
undirbúnigsstjórnar að stofnun FFSÍ, frá
„stofnfundi" 8. desember 1936 og fram á árið
1937. Hallgrimur Jónsson var fæddur 5. april
1890 i Móabúð í Eyrarsveit á Snæfellsnesi.
Foreldrar Hallgríms voru Jón Jónsson bóndi að
Móabúð og kona hans Guðrún Hallgrímsdóttir.
Hallgrimur nam vélsmiði hjá J.H. Jessen á Ísa-
firði árin 1907 til 1912. Hann stundaði iðn-
skólanám á ísafirði í tvo vetur og lauk vélfræði-
prófi 1914 en síðan lauk hann vélskólaprófi
árið 1916 og átti prófskírteini númer 3. Hall-
grimur var kyndari, vélstjóri og yfirvélstjóri á
flutningaskipi og togurum þar til hann réðst
sem vélstjóri til Eimskipafélags Islands árið
1918. Þar starfaði Hallgrimur allt til ársins
1953 að hann lét af störfum sökum aldurs.
Hallgrimur starfaöi alls á 7 skipum félagsins,
lengst á Dettifossi (1) eða i 14 ár en siðast á
Gullfossi (2). Hallgrimur gekk i Vélstjórafélag
íslands árið 1912 og var ritari, varaformaður og
loks formaður félagsins. Hann tók saman 50
ára afmælisrit VFSÍ 1958, var fulltrúi VFSÍ i
Sjómannadagsráöi um 20 ára skeið og aö auki
átti hann sæti i stjórn DAS og happdrættis
þess í 3 ár. Hallgrímur Jónsson var gerður að
heiðursfélaga Vélstjórafélags íslands 1955 og
hann fékk heiðursmerki Sjómannadagsins
það sama ár. Hallgrimur sat i stjórn FFSÍ á
árunum 1940-1955, lengst af sem varaforseti.
Fyrri kona Hallgrims var Rannveig Sigurðar-
dóttir og áttu þau 4 börn. Rannveig lést árið
1955. Síðari kona Hallgríms var Rannveig
Guðmundsdóttir og voru þau barnlaus.
Egill Hjörvar 1961
Egill Hjörvar vélstjóri var varaforseti Far-
manna- og fiskimannasambands Islands árið
1961 þegar Ásgeir Sigurðsson féll frá. Hann
gegndi forsetastörfum i þá tvo mánuði sem
eftir lifðu kjörtímabilsins en gaf ekki kost á sér
til áframhaldandi setu i stjórn. Egill Hjörvar er
fæddur 5. júli 1923 i Reykjavik. Foreldrar hans
voru Helgi Hjörvar Salómonsson skrifstofu-
stjór Rikisútvarpsins og kunnur útvarpsmaður
og Rósa Daðadóttir kona hans. Egill lærði
vélsmíði í Vélsmiðjunni Hamri og Vélskólanámi
lauk hann 1953. Hann var nokkur ár vélstjóri á
skipum Eimskipafélags íslands. Eftir að hann
fór í land vann hann sem eldvarnareftirlits-
maður.
Hann átti sæti i fyrstu stjórn Iðnnemasam-
bands Islands. Hann var um tíma ritari í stjórn
Félags járniönaðarmanna. Formaður Vél-
stjórafélagsins var hann 1959 til 1961 og hann
átti sæti I stjórn FFS11955-1957 og var vara-
forseti þess 1957 til 1961 en tók þá við sem
forseti þegar Ásgeir Sigurðsson féll frá.
Egill Hjörvar kvæntist árið 1946 Sigriði
Hendriksdóttur og áttu þau tvö börn. Þau slitu
samvistum 1949. Árið 1953 kvæntist Egill síð-
an Kristínu Friðrikku Karlsdóttur og eignuðust
þau eina dóttur.