Andvari - 01.01.1955, Blaðsíða 46

42
Björn Þórðarson
ANDVARI
Það var í fjárplógsmáli, sem Snorri Sturluson og Magnús alls-
herjargoði Guðmundarson voru aðilar að. Arið áður hafði lent
í svo miklum harka á milli þeirra af litlu tilefni, að við lá að
allur þingheimur berðist, en Þorvaldur Gizurarson gekk á mill-
um og fékk komið á griðum, og lauk málinu með sættargerð
Sæmundar í Odda, sem Snorra líkaði illa. Svo bar það við, að
Jórunn auðga, sem bjó að Gufunesi og var í þingi með Magnúsi
goða, andaðist og átti engan erfingja ,,þann er skil væri at“.
Segir í Sturlungu, að Magnús hafi ætlað sér fé hennar en skipta
frændum hennar til handa slíkt, er honum svndist. Þegar Snorri
spurði þetta, sendi hann mann suður á nes, er hafði þar uppi á
strák að nafni Koðrán, sem Snorri kallaði erfingja Jórunnar, og
tók sjálfur fémál þetta af Koðráni og stefndi Magnúsi goða
skóggangsstefnu til Þverárþings, og var Magnús dæmdur þar
vorið 1217 sekur skógarmaður. Síðan fjölmenntu hvorir tveggja
til alþingis. Snorri kom þar með sex hundruð (720) manna og
voru þar átta tigir Austmanna í flokki hans alskjaldaðir. Dylgjur
miklar voru um þingið. Nú skarst Magnús biskup í leikinn og
fékk sáttum á komið á þann veg, að mönnum þótti Snorri hafa
virðing af málum þessum (Sturl. I. 268—269). Magnús Guð-
mundarson var 19 árum síðar kjörinn til biskups í Skálholti,
sennilega með atkvæði Snorra þá.
Guðmundur biskup fór til Hóla, er hann kom út aftur 1218,
en dvöl hans þar varð skammvinn, því að Amór Tumason tók
hann nauðugan af staðnum og hélt honum í ströngu varðhaldi
í Ási næsta vetur. Nú segir svo í Guðmundar sögu Amgríms
ábóta: Sakir þess að Magnúsi biskupi var boðið af herra erki-
biskupi að leggja gott til, ríður hann sunnan um vorið og norður
um land. Er Arnór fréttir það, dregur hann saman frændur og
vini og fjölmenni. Er Magnús biskup kemur í Skagafjörð,
„rýmir Arnór svo mikið gang biskupsins (Guðmundar), að hann
skal sjá mega Magnús". Eru þá upplesin bréf erkibiskups um
skipan mála milli Guðmundar biskups og hans mótstöðumanna;
,,en síðan Arnóri sýnist nokkuð strítt á lagt, fær hann í fylgi og