Kirkjuritið - 01.06.1966, Síða 30

268
KIRKJURITIÐ
í Genf. Aðrir fyrirlesarar voni sr. Jakob Jónsson og prófess-
orarnir Jóhann Hannesson og Þórir Kr. Þórðarson. Þátttaka
var mikil af hálfu presta og það svo, að það liefur vakið athygli
erlendis. Eins munu þátttakendur hafa talið sig hafa ávinning,
andlega örvun og fræðslu, af þessu námsskeiði. Má þannig
hiklaust segja, að þessi tilraun liafi gefizt vel og livetji til
framhalds slíkrar starfsemi eftir því sem við verður komið.
HiS íslenzka Biblíufélag.
Hið íslenzka Biblíufélag minntist 150 ára afmælis síns. -Var
óskað eftir því, að þessa væri minnzt við allar guðsþjónustur
á landinu sunnudaginn 17. október. Þann dag var, auk messu-
gjörðar í Dómkirkjunni kl. 11, sem lielguð var afmælinu, há-
tíðarsamkoma á sama stað um kvöldið með fjölþættri dagskrá.
Fulltrúar komu frá Sameinuðu Bihlíufélögunum, frá Brezka
og erl. Biblíufélaginu, frá skozka Biblíufélaginu og margar
kveðjur bárust. Félagið gaf út afmælisrit. Þess er að vænta
og vona, að félagið liafi öðlazt aukinn styrk með þjóðinni á
þessum tímamótum í sögu sinni, en það þarf nýjan kraft til
þess að geta gert skil þeirri köllun, sem það hefur á herðuin
borið og mjög liefur þyngzt á síðari árum.
Bókaútgófa Æ. S. K. m. m.
Á aðalfundi Æskulýðssambands kirkjunnar í Hólastifti, H*
og 12. september, var ákveðið að stofna útgáfudeild innan
sambandsins, er skal annast útgáfu kristilegra bóka og lijálp'
argagna fyrir æskulýðsstarf. Yora kjörnir í útgáfuráð prest-
arnir sr. Jón Bjarman, sr. Jón Kr. ísfeld, sr. Bolli Gústavsson
og auk þeirra Gunnlaugur Kristinsson og Ingvar Þórarinsson-
Frá þessari „Bókaútgáfu Æ. S. K. í Hólastifti“ kom ein bók
á árinu, sagan „Sonur vitavarðarins“ eftir sr. Jón Kr. Isfeld-
Þessari framtakssemi þeirra Norðlendinga ber mjög að fagno
og fylgja einlægustu blessunaróskir fyrirtæki þeirra.
Á fyrra ári hóf Félag guðfræðinema útgáfu tímarits um &9y'
fræði. Það lieitir „Orðið“ og fer vel af stað. Er ekki að efa, að
prestar og aðrir áhugamenn um kirkjumál muni vilja veita
þessari athyglisverðu viðleitni stúdenta stuðning sinn.