Eimreiðin - 01.10.1939, Side 22

366
LEYN DARDÓMURINN
EIMREIÐIN
að. Því var sáð í hjörtu mannanna. Hann kom með gjafir Heil-
ags anda til þessarar jarðstjörnu, sem vér lifum á. Og alt, seni
til er af sönnum kristindómi á þessari jörð, eru brot af þessum
Heilaga anda, sem leitast við að opinbera sig í lífi vor mann-
anna.
Mennirnir trúðu, eins og altaf áður, á valdið. Þeir eru ávalt
reiðubúnir að beygja þann og brjóta, sem ekki beitir því. Þess
vegna leituðu þeir sér frelsara, — ef þeir þá leita sér hans
nokkurntíma, — sem neyddi þá til að frelsast hvort sem þeir
vildu eða ekki. Og þegar slíkur frelsari ekki kom fram, urðu
mennirnir fyrir vonbrigðum. Jesús greip aldrei fram í valfrelsi
nokkurs manns. Hann hvatti mennina aðeins til að leita sann-
leikans. Hann vísaði veginn til sjálfsprófunar og sýndi mönn-
um hvernig ætti að lifa andlegu lífi, en hann neyddi aldrei
nokkurn mann til þess.
Verk Jesú verður því aldrei mælt á ytri mælikvarða, hvorki
það, er hann vann á hérvistardögum sínum, né síðar, því það
er verk, sem lifir í hjörtum mannanna að eilífu, óendanlega
dýrðlegt, ómetanlegur fjársjóður í heimi andans.
Nýja-testamentið er innblásið af dýrð þessa guðdómlega
manns. Guðspjöllin fjögur lýsa eins og logandi kyndlar i
myrkrinu. Þó að Jesús hafi ekki gefið mönnunum neitt sam-
felt lieimspekikerfi, hefur hann gefið þeim annað betra: sína
eigin innri reynslu, sem er æðri allri heimspeki. Þessar gagn-
orðu ritningargreinar guðspjallanna eru eins og skínandi bloss-
ar, sem lýsa upp hugskot manna. Hann segir þar alt, svo vér
höfum engu við að bæta. Hugsunum hans er komið fyrir í stutt-
um, hnitmiðuðum setningum, sem ekki er auðvelt að gleyma.
Það er engin þörf á að leggja á þessar hugsanir mælikvarða
rökfræðinnar, því hver þeirra um sig er algild rök, óvéfengj-
anleg, guðdómlega myndug, í öllum sinum einfaldleik.
Enn er talað um að nýr Messías sé í vændum. Hugmynd
þessi er lifseig, og falsspámenn og ofstækisfullir prédikarar
hoða, ýmist vísvitandi eða óaHitandi, að þeir séu slíkir sendi-
hoðar og ginna stundum einlæglega leitandi menn til að fylgja
sér.
Sem stendur eru uppi nokkrir slíkir, sem hafa kjörið sjálfa