Uppeldi og menntun - 01.01.1996, Síða 50

TÓBAKSREYKINGAR OG HASSNEYSLA
Upphafsaldur reykinga
Unglingarnir voru spurðir hve gamlir þeir voru þegar þeir reyktu fyrstu sígarett-
una og reyktu fyrst daglega. Niðurstöður svara þeirra, þegar þeir voru í 10. bekk,
má sjá í Töflu 2. Þar kemur fram að margir unglingar virðast hafa prófað fyrst að
reykja 13 ára eða yngri (43%). jafnframt vekur athygli að 4% (43 unglingar) sögðust
hafa byrjað að reykja sígarettur daglega þegar þeir voru 12 ára eða yngri og 6% (64
unglingar) þegar þeir voru 13 ára. Þannig sögðust 10% (107 unglingar) hafa byrjað
að reykja daglega 13 ára eða yngri.
Tafla 2
Aldur og tóbaksreykingar
Hvað varstu gömul/gamall þegar þú ...
... reyktir fyrstu ... reyktir sígarettur
sígarettuna daglega
% %
Hef aldrei gert það 40 75
12 ára eða yngri 27 4
13 ára eða yngri 43 10
14 ára eða yngri 54 19
15 ára eða yngri 60 25
Samtals 100 100
Fjöldi svara 1074 1063
Fjöldi þátttakenda (aðeins 10. bekkur) 1995: N=1083.
Magn rcykinga
Unglingarnir voru spurðir hve mikið þeir reyktu venjulega af sígarettum á dag og
eru niðurstöður kynntar í Töflu 3. Tæpur helmingur þeirra unglinga, sem reykti í 9.
bekk, sagðist reykja 1-5 sígarettur á dag og rúmur fjórðungur 6-10 sígarettur. í 10.
bekk eru niðurstöðurnar ekki ósvipaðar. Kynbundinn munur kom þó fram í 9.
bekk. Piltar (96 talsins) reyktu fleiri sígarettur á dag en stúlkurnar (128 talsins).
Þannig var t.d. algengara að piltar í 9. bekk reyktu ellefu sígarettur eða fleiri á dag
(33% eða 32 piltar á móti 16% eða 21 stúlku, x2(2)=8,72, p<0,05). Þessi munur kom
ekki fram í 10. bekk.
48