Uppeldi og menntun - 01.01.1996, Side 52

TÓBAKSREYKINGAR OG HASSNEYSLA
Unglingarnir voru jafnframt spurðir hversu mikla áhættu þeir teldu fólk taka
með því að: a) prófa að reykja sígarettur, b) reykja sígarettur öðru hverju og c)
reykja 20 sígarettur eða meira á dag. Svarmöguleikarnir voru fjórir, þ.e. „Enga
áhættu," „Nokkra áhættu," „Töluverða áhættu" og „Mikla áhættu."
Eins og sjá má í Töflu 4 voru viðhorf unglinganna til áhættu, sem fylgir reyk-
ingum, mjög sambærileg á milli ára. Tæpur helmingur þeirra taldi fólk taka tölu-
verða eða mikla áhættu með því að prófa að reykja. Hlutfallið var um 60% þegar spurt
var um áhættu samfara því að reykja öðru hverju og mikill meirihluti eða tæplega
80% áleit fólk taka mikla áhættu með því að reykja 20 sígarettur eða meira á dag.
Tafla 4
Mat á áhættu við tóbaksreykingar
Hversu mikla áhættu heldur þú að fólk taki með því að ...
Enga Nokkra Tölu- Mikla Samtals Fjöldi
verða svara
% % % % %
prófa að reykja sígarettur? 9.bekkur 15 38 25 22 100 1281
10. bekkur 19 38 25 18 100 1078
reykja sígarettur öðru hverju? 9. bekkur 5 36 37 22 100 1272
10. bekkur 7 36 39 18 100 1077
reykja 20 sígarettur eða meira á dag? 9.bekkur 2 3 17 78 100 1278
10. bekkur 1 4 20 75 100 1075
Fjöldi þátttakenda 1994: N=1293; 1995: N=1083.
Tengsl viðhorfa við reykingar unglingsins
Unglingunum var skipt í þrjá hópa eftir reykingum þeirra. í hópi 1 voru þeir sem
aldrei höfðu reykt eða prófað það í 1-2 skipti (534 unglingar eða 46%). í hópi 2 voru
þeir sem höfðu reykt þrisvar sinnum eða oftar í 10. bekk þegar seinni könnunin fór
fram en höfðu ekki reykt eða prófað það í 1-2 skipti þegar fyrri könnunin fór fram í
9. bekk (146 eða 13%). í hópi 3 voru loks þeir sem höfðu reykt þrisvar eða oftar í 9.
bekk (364 eða 41%).
50