Árbók Háskóla Íslands - 01.01.1985, Blaðsíða 83
Heimspekideild og fræðasvið hennar
81
verið aðili að hinum alþjóðlegu fornsagna-
þingum (International Saga Conferences)
sem haldin eru þriðja hvert ár í ýmsum
löndum. Fimmta fornsagnaþingið var hald-
í Toulon í Frakklandi sumarið 1982 og
hið sjötta á Helsingjaeyri í Danmörku
sumarið 1985. Á öllum fornsagnaþingum
hafa verið nokkrir þátttakendur frá Árna-
stofnun á íslandi og sumir haldið fram-
söguerindi.
Á þinginu í Toulon var stofnað Hið al-
þjóðlega fornsagnafélag (The International
Saga Society), og var fyrsti forseti þess
kjörinn Hermann Pálsson, prófessor í Ed-
inborg. Heimili félagsins er til skiptis við
Stofnanir Árna Magnússonar í Kaup-
mannahöfn og Reykjavík. Fyrstu þrjú árin
átti það heima í Höfn, enda stóð Árna-
stofnun þar fyrir sagnaþinginu á Helsingja-
eyri 1985. En árið 1986 fluttist heimili fé-
lagsins til Árnastofnunar á íslandi. Félagið
gefur út fréttabréf (Newsletter) einu sinni
til tvisvar á ári.
3- Þá hafa starfsmenn Árnastofnunar
tekið nokkurn þátt í Víkingaþingunum,
sem svo eru nefnd (The Viking Congress-
fri- Þannig sóttu nokkrir menn frá stofnun-
mni Víkingaþingið á eynni Mön 1981, og
þar héldu þeir erindi Jónas Kristjánsson og
Ólafur Halldórsson. Þingið í Ósló 1985
sóttu þeir Bjarni Einarsson og Ólafur Hall-
riórsson.
Samskipti við stúdenta
Sérfræðingar Árnastofnunar hafa ekki
kennsluskyldu, en á síðustu árum hafa þeir
>nnt af höndum kennslu í þjóðfræðum,
sagnfræði, bókmenntum fyrri alda, texta-
rýni og handritalestri, enda hefur þeim
stúdentum farið fjölgandi sem leggja sig
eftir íslenskum fræðum fyrri alda. Ýmsir
þessara stúdenta koma í Árnastofnun til
þess að nota þar handrit, handritamyndir
°g bókakost vegna verkefna sinna og leita
leiðbeininga hjá starfsmönnum.
I stöku tilvikum hafa stúdentar verið
ráðnir til starfa fyrir Árnastofnun. Slík
vinna er mikilvæg fyrir stofnunina og þá
ekki síður fyrir stúdentana sjálfa, en því
miður hafa fjárveitingar til þess að greiða
lausráðnu fólki verið harla naumar.
Þjóðfræði
Söfnun þjóðfræðaefnis hefur verið fram
haldið með líkum hætti sem fyrr. Jafnframt
hefur verið unnið allmikið að því að taka
það efni, sem safnast hefur, upp á varanleg
geymslubönd. Talið er að frumbönd endist
ekki, svo að öruggt sé, nema svo sem einn
áratug, enda er nauðsynlegt að eiga tvítök
til að geta hagnýtt þjóðfræðasöfnin. Tekið
er til endurritunar ekki aðeins það efni sem
beinlínis hefur verið safnað á vegum Árna-
stofnunar, af Hallfreði Erni Eiríkssyni og
öðrum, heldur og ýmis önnur söfn sem tal-
in voru í hættu fyrir aldurs sakir. Má þar
einkum nefna hið mikla þjóðfræðasafn
þeirra hjóna Helgu Jóhannsdóttur og Jóns
Samsonarsonar, en það er geymt í Árna-
stofnun. Einnig má nefna gamlar upptökur
í Þjóðminjasafni, gerðar af Þórði Tómas-
syni o.fl. Að upptökum á geymsluböndin
hafa unnið safnendurnir sjálfir, Helga
Jóhannsdóttir og Hallfreður Örn Eiríks-
son, en tæknilegur aðstoðarmaður þeirra
hefur verið Jón Sigbjörnsson. Til þessa
verks voru keypt sérstök endurritunartæki.
Árnastofnun hefur hlotið allgóðan styrk úr
Þjóðhátíðarsjóði til kaupa á tækjum og
segulböndum í þessu skyni.
Menningarmiðstöð
Stofnun Árna Magnússonar á íslandi
varðveitir þau handrit sem Islendingar
kalla oft dýrmætasta menningararf sinn.
Þennan arf ber stofnuninni að ávaxta og
kynna með starfi sínu. Jafnframt er Árna-
stofnun alþjóðleg rannsóknastofnun sem
tengist fræðastarfi víða um heimsbyggðina.
íslensk fræði, einkum þau sem varða
miðaldabókmenntir okkar, eru stunduð
við fjölmarga erlenda háskóla. Fólk frá