Hlín - 01.01.1954, Blaðsíða 57

Hlín
55
kvenmentamálum, því um 1880—82 gengu yfir landið
einhver mestu harðindi, sem menn þektu þá. — Frostavet-
urinn mikli 1880 og hafís- og mislingasumarið 1882. — Á
þessum árum þrengdi svo að mörgum búendum, að þeir
flýðu land til Ameríku.
I3eir, sem þá stjórnuðu kvenmentamálum þessara hjer-
aða, höfðu verið svo forsjálir að tryggja sjer ágæta kenslu-
konu, sem þeir þektu, Elínu Briem fré Frostastöðum í
Skagafirði, til að taka að sjer forstöðu hins fyrirhugaða
skóla, og hún því varið tveim árum til frekara náms í
Kaupmannahöfn, og fengið með sjer til handavinnu-
náms Sigríði Jónsdóttur frá Djúpadal í Skagafirði, sem
einkum stundaði þar fatasaum og að sníða fatnað eftir
máli.
Ytrieyjarskólinn tók til starfa haustið 1883, og brátt fór
það orð af nemendum þaðan, að þær væru vel að sjer til
munns og handa. — Skólinn var vel sóttur, enda höfðu
forráðamenn hans stilt svo vel í hóf kostnað stúl-kna, er
hann sóttu, að vinnufærar stúlkur gátu leitað þangað til
náms, þó þær hefðu lítið annað á að treysta en vor- og
sumarvinnu 'sína. — Þær fengu afslátt á skólagjaldi, ef
þær tóku þátt í þeim námsgreinum, sem taldar voru nauð-
synlegastar, og luku prófi að nárni loknu. — Þessar náms-
greinar voru: í fyrstu deild: Móðurmálið, skrift, reikn-
ingur, íslandssaga, landafræði, danska, fatasaumur, lin-
saumur og einhver útsaumur (t. d. að merkja fatnað), og
svo heimilisstörf, en þar unnu tvær stúlkur saman með
ráðskonunni. — Skólinn hjelt eldakonu og þjónustustúlku
kenslukvenna. — Námsgreinar í annari deild voru: Móð-
urmálið (ritæfingar og málfræði), skrift, reikningur,
danska, heilsufræði, mannkynssaga, margskonar handa-
vinna og fatasaumur, ennfremur enska, teikning og list-
saumur, og var hann ekki beinlínis skyldunámsgrein, en
allar stúlkurnar reyndu þó að sauma hann eitthvað, því
forstöðukonan var viðurkendur snillingur í þeirri grein.
— Svo gátu þær fengið að læra ensku og harmoniumspil,