Valsblaðið - 01.05.2009, Page 12

,syYRNUF&
...V
Elín Metta með Dóru Maríu Lárusdóttur leikmanni meistaraflokks
Vals íknattspyrnu sem einnig fékk Lollabikarinn áyngri árum.
Frábær tilfinning að
fá Lollabikarinn
Elfn Metta Jensen er 14 ára og leikur fótbolta með
4. tiokki og er handhafi Loilabikarsins 2009
Elín Metta hefur æft fótbolta með Val frá
því að hún var tæplega 5 ára gömul og
segir að það hafi verið frábær hvatning
að fá Lollabikarinn á uppskeruhátíðinni.
„Tilfinningin var frábær og með bestu
tilfinningum sem ég hef upplifað, enda
mikill heiður að fá þessi verðlaun.“
Stuðningur foreldra? „Foreldrar mín-
ir hafa alltaf stutt mig mjög vel og hafa
mikið mætt á leiki og mót. Ég tel að
stuðningur foreldra skipti höfuðmáli og
geti haft áhrif á líðan barna í íþróttum
yfirleitt."
Hvernig gekk ykkur í 4. flokki í sum-
ar? „Okkur í 4. flokknum gekk hrikalega
vel allt þetta tímabil og töpuðum ekki
leik. Við unnum öll mót sem við tók-
um þátt í, þ.e.a.s; Rey-Cup, Jólamótið,
Haustmótið Reykjavíkurmótið, íslands-
mótið innanhúss og íslandsmótið utan-
húss. Við urðum líka íslandsmeistarar í
4. flokki í fyrra. Við vorum flott lið und-
ir handleiðslu þjálfaranna okkar Sossu og
Möggu sem náðu fram því besta úr hópn-
um. Ég tel að góður þjálfari hafi fjöl-
breyttar og skemmtilegar æfingar, hugsi
bæði um einstaklingana og liðsheildina,
sé hvetjandi og metnaðarfullur.“
Viðurkenningar
Skemmtilegt atvik úr boltanum. „Á
Pæjumótinu í 6. flokki vorum við að
vinna eitthvert liðið og staðan var 7-0
fyrir okkur þegar við skoruðum eitt
markið til viðbótar. Okkur datt þá í hug
að fagna markinu með því að hlaupa til
Leu Sifjar, okkar þáverandi þjálfara,
en á meðan tók hitt liðið miðju og bolt-
inn var kominn skuggalega nálægt marki
okkar þegar við hlupum í offorsi og hirt-
um boltann af þeim. Mjög eftirminnilegt
atvik.“
Fyrirmyndir í boltanum. „Fyrirmynd-
ir mínar eru Lionel Messi, Margrét Lára,
Kata Jóns, Dóra María, Frank Lampard
og Sergio Aguero."
Hvað þarf til að ná langt í íþróttum?
„Það þarf rosalega mikla æfingu, þraut-
seigju, getu, þolinmæði og gott matar-
ræði. Ég þarf helst að bæta skallatækni
og sjálfsagt eitthvað fleira. Ég hef verið
með boltann á tánum frá því að ég man
eftir mér og fótboltinn hefur alltaf verið
númer eitt hjá mér. Ég hef að vísu kíkt á
æfingar í handbolta, badminton og blaki,
og lék á píanó í tæp 5 ár.“
Valsarar í fjölskyldunni? „Eldri systk-
ini mín voru bæði að æfa og mikill áhugi
á fótboltanum í fjölskyldunni. Allir í fjöl-
skyldunni eru miklir Valsarar."
Framtíðardraumar? „Ég stefni á að
komast í meistaraflokk Vals, landslið-
ið og atvinnumennsku í fótbolta. Svo vil
ég mennta mig vel og hafa það gott með
fjölskyldu og vinum.“
Hver stofnaði Val og hvenær? „Séra
Friðrik Friðriksson, þann 11. maí árið
1911“
Að lokum er Elín Metta með
fullt af hugmyndum um hvern-
ig Vaiur eigi að halda upp á 100
ára afmælið.
• halda risaveislu fyrir iðkendur
félagsins í Vodafonehöllinni og
hafa svo sýningu þar sem allir
flokkar sýna atriði
• halda útiveislu um sumarið fyrir
alla Valsara þar sem boðið verð-
ur upp á boltaþrautir og keppni
• gefa út kvikmynd um félagið
• safna 100 nýjum iðkendum
• heiðra minningu fallinna Vals-
ara
• hleypa 100 blöðrum upp í him-
ininn
• halda mót innan félags í yngri
flokkum
12
Valsblaðið 2009