Búnaðarrit - 01.01.1991, Síða 7

Gunnar Guðbjartsson
áHjarðarfelli
Ætt og uppruni
Gunnar var fæddur að Hjarðarfelli 6. júní 1917. Foreldrar hans voru hjónin
Guðbjartur Kristjánsson og Guðbranda Þorbjörg Guðbrandsdóttir. Guð-
bjartur var fæddur á Hjarðarfeili 18. nóvember 1878. Hann tók við búi á
Hjarðarfelli 1906 og bjó þar til dauðadags 1950. Kristján Guðmundsson frá
Miðhrauni faðir Guðbjarts bjó á Hjarðarfelli frá 1884 til dánardags 1894.
Áður haföi hann búið að Straumfjarðartungu. Fyrri kona Kristjáns og
amma Gunnars Guðbjartssonar var Sigríður Jónsdóttir. Þeim varð fimm
barna auðið og lifðu fjögur. Hún dó af barnsförum árið 1886. Tveimurárum
síðar gekk Kristján Guðmundsson að eiga Elínu Árnadóttur frá Stafholti í
Stafholtstungum. Þeim varð þriggja barna auðið, er ólust upp á Hjarðar-
felli.
Er Kristján féll frá 1894, var Elín ein með börn sín og stjúpbörn sjö að
tölu. Elst þeirra var Guðbjartur þá nýlega orðinn 15 ára. Þá kom til hennar
sem ráðsmaður ungur frændi bónda hennar Erlendur Erlendsson frá
Fáskrúðarbakka. Þau gengu síðan í hjónaband og eignuðust þrjú börn.
Elínu varð hins vegar ekki langra lífdaga auðið því hún lést árið 1902. Þá tók
Guðrún Árnadóttir systir Elínar að sér að gæta bús og barna. Elstu synir
Kristjáns, Guðbjartur og Alexander, voru nú fyrir nokkru farnir að vinna
að heiman og stundaði Guðbjartur sjó frá Ólafsvík en var oft heima á
Hjarðarfelli við heyskap á sumrum.
Enn var mikill harmur kveðinn að fólkinu á Hjarðarfelli er Erlendur
bóndi varð úti í janúar 1906, er hann fylgdi landpósti yfir Kerlingarskarð.
Guðbjartur Kristjánsson hafði nú staðfest ráð sitt og eignast hlut í útgerð í
Ólafsvík. Hann brá strax við er hann frétti um fráfall Erlendar, fór að
Hjarðarfelli til að sjá um útförina og gera ráðstafanir varðandi umsjá búsins
jafnframt því sem hann ákvað að lcita eftir því að fá jörðina til ábúðar um
vorið. Hjarðarfell var þá eign landssjóðs. Þetta gekk eftir og fluttust þá
ungu hjónin að Hjarðarfelli um vorið og áttu eftir það börnin sex skjól þar á
meðan við þurfti. Þessi var raunasagan fólksins á Hjarðarfelli.
Guðbranda Þorbjörg Guðbrandsdóttir móðir Gunnars var fædd í Kletta-
koti við Búðir á Snæfellsnesi 22. nóvember 1884. Móðir hennar var
V