Búnaðarrit - 01.01.1991, Page 13

Félagsstörf í héraði
Fyrstu afskipti Gunnars af félagsmálum munu eins og svo margra annarra
hafa verið innan ungmennafélaganna. í Miklaholtshreppi starfaði Ung-
mennafélagið Dagsbrún, en eftir nokkurt hlé á störfum þess var íþróttafé-
Iag Miklaholtshrepps stofnað 1937. Gunnar hafði mikinn áhuga á íþróttum
og hefur örugglega verið liðtækur í þeim sem og félagsstörfunum. Sem
fulltrúi íþróttafélagsins hefur hann mætt á fundum Héraðssambands ung-
mennafélaga í Snæfellsness- og Hnappadalssýslu, en hann var kosinn í
stjórn þess og var formaður hennar árin 1942-46. En þau ár byggði
sambandið einmitt sundlaug að Kolviðarnesi, steinsteypta, þar sem áður
hafði verið kennt sund í hlaðinni torflaug.
Gunnar var formaður Búnaðarfélags Miklaholtshrepps árin 1951-1973. í
frásögn af starfsemi þess félags í ritinu Byggðir Snœfellsness kemur fram að
Gunnar hefur þegar á fyrstu búskaparárum sínunr látið að sér kveða í
félaginu. Þar segir m.a. frá tillöguflutningi hans á aðalfundi 1944 um að
búnaðarsambandið athugaði um kaup á skurðgröfu fyrir svæðið (fyrsta
dragskófluskurðgrafan kom til landsins árið 1942) og að búnaðarfélagið
kaupi nýja dráttarvél (beltadráttarvél) til ræktunarstarfa. Þetta var einmitt í
upphafi hinnar nýju ræktunaröldu sem reis eftir stríðið og færði íslenskan
landbúnað á rúmum áratug frá striti handanna til nútíma vélvæðingar.
A sama fundi flutti Gunnar einnig svohljóðandi tillögu um stefnuna í
ræktunarmálum:
„Fundur í Búnaðarfélagi Miklaholtshrepps, haldinn 21. mars 1944, telur
brýna nauðsyn bera til að auka túnrækt og telur rétt að stefnt verði að þvf
að koma upp 500 hesta túni á hverju býli í landinu á næstu tíu árum.“
Tillögur Gunnars voru samþykktar í einu hljóði á fundinum. Þess var
ekki heldur svo langt að bíða að sá skriður kæmist á ræktunarmálin sem
Gunnar sér fyrir sér, er hann semur þessar tillögur.
Búnaðarsambandi Dala- og Snæfellsness, sem var stofnað 1914, var skipt
í tvö sambönd árið 1946: Búnaðarsamband Dalamanna og Búnaðarsam-
band Snæfellinga. Gunnar hafði verið kjörinn í stjórn hins eldra búnaðar-
sambands árið 1944 og var áfram kjörinn í stjórn hins nýja sambands sent
meðstjórnandi til ársins 1968, að hann tók við formennsku þess úr hendi
Gunnars Jónatanssonar, þess ötula ræktunarmanns, sem jafnframt for-
mennsku var bæði ráðunautur og framkvæmdastjóri búnaðarsambandsins.
Formennskuí Bsb. Snæfellingagegndi Gunnartil 1980. Eittfyrstaverk hins
nýja búnaðarsambands var að stofna Ræktunarsamband Snæfellinga í
samræmi við lög um jarðræktar- og húsagerðarsamþykktir í sveitum frá
1945. Gengið var frá stofnun þess þegar árið 1946 og var ákveðið að það lyti
sömu stjórn og búnaðarsambandið. Strax voru lögð drög að kaupum á
XI
I.