Búnaðarrit - 01.01.1991, Qupperneq 61
gagnvart öðrum meindýrum, og var í heild minna um meindýravandamál
1990 en 1989.
Nokkuð var um fræðslufundi á árinu. Þann 17.4. var ég með fræðslufund
um ræktun grænmetis í Ketilsstaðaskóla, Mýrdal, 26.10. var fundur með
gúrkubændum, 3.11. með tómatbændum, 9.11. með paprikubændum og
23.11. með útiræktunarmönnum. Ennfremur sat ég aðalfund Sambands
garðyrkjubænda 22.3. og haustfund þeirra 19.10., svo og hátíðarfund í
tilefni 50 ára afmælis SFG 3.11. og ráðunautafund 5.-9.2., þar sem ég flutti
erindi um stöðu og framtíðarhorfur í íslenskri garðyrkju. Allmargir fundir
voru haldnir í vinnuhópi þeim, sem ég á sæti í varðandi hönnun á ræktun í
vikri, og mun hópurinn halda áfram störfum 1991.
Rétt eins og á síðustu árum tók ég virkan þátt í starfi NJF, og á ég sæti í
aðalstjórn „Sektion III -Hagebruk“ og í stjórn grænmetisdeildarinnar. Á
árinu sótti ég tvo stjórnarfundi í „Sektion-IlI“ ogeinn ígrænmetisdeildinni.
Ég átti þess kost að sækja tvær ráðstefnur til Finnlands 11.-15.6. Var
önnur um tómata og gúrkur og hin um vaxtarstýringu og vaxtaráætlun
plantna. Stjórn Búnaðarfélags Islands veitti mér styrk til fararinnar, sem ég
þakka hér með fyrir.
Dagana 26.-29. júní var haldin NJF-ráðstefna á Hótel Örk, sem bar
titilinn „Miljövenlig produktion af frugt, bær og grönsager.“ Ráðstefnan
var mjög vel sótt, alls 42 manns, þar af 10 frá Danmörku, 7 frá Finnlandi, 10
frá Noregi, 12 frá Svíþjóð og 3 frá íslandi. Það kom í hlut okkar Halldórs
Sverrissonar að sjá um framkvæmd ráðstefnunnar.
Mikið var um að gefa þyrfti umsagnir til Eiturefnanefndar um eiturleyfis-
skírteini, svo og nokkuð til Stofnlánadeildar landbúnaðarins. Einnig þurfti
að vinna nokkrar matsgerðir, bæði vegna ýmiss konar tjóna og vegna sölu
garðyrkjustöðva.
Að lokum vil ég þakka öllum garðyrkjubændum, samtökum þeirra og
öðru samstarfsfólki gott samstarf og samvinnu á árinu.
Ritskrá:
1. „t’okusvæling" í gróðurhúsum. Handbók bænda 40, 1990, (157-166).
2. Gúrkuafbrigði. Handbók bœnda 40, 1990, (168-172).
3. Yfirlit yfir gróðrarstöðvar 1990. Fjölrit.
4. Sótthreinsun gróðurhúsa. Fjölrit.
5. Garðyrkja - staða og framtíðarhorfur. Ráðunautafundur 1990, (24-28).
6. Blómkálsræktun í heimilisgörðum. Gróandinn 5 (1), (37-38).
7. Sáning og uppeldi matjurta, fjölærra blóma og sumarblóma. Gróandinn 5 (4), (34-38).
35