Búnaðarrit - 01.01.1991, Page 62
Ylrækt
Magnús Ágústsson
Ég hóf störf þann 1. júní. Við Garðar R.
Árnason höfum haft með okkur þá verka-
skiptingu, að ég sinni aðallega blómum,
sveppum og kartöflum, en hann grænmeti og
garðplöntum.
Uppskera var góð í öllum þessum greinum,
og var framboð umfram eftirspurn bæði í
blómum og sveppum. Afföll urðu því umtals-
verð auk verðlækkana yfir hásumarið. Utlit
var fyrir mjög góða uppskeru í kartöflum, en
sökum skemmda vegna kartöflumyglu mun
ekki verða nóg framboð af kartöflum að
sumri.
Það sölufyrirkomulag, sem er í blómum, svarar ekki kröfum tímans á
meðan salan fer öll fram í gegnum sérhæfðar verslanir. Enginn vafi er á því
að selja má mun meira af ódýrri vöru til heimilisnota í gegnum kerfi
stórmarkaða.
Á þessu ári hef ég heimsótt flestar garðyrkjustöðvar í þessum greinum á
Suðurlandi, en að öðru leyti hefur starfið verið aðallega fólgið í eftirtöldum
atriðum:
Rœktunarleiðbeiningur: Mikið hefur verið beðið um leiðbeiningar um
ræktun ýmissa „nýrra“ tegunda, og hef ég samið og þýtt leiðbeiningar um
ræktun 5 slíkra tegunda.
Einnig samdi ég leiðbeiningar um ræktun jólastjörnu og freesiu.
Ég tel það mikilvægt að koma á einhvers konar dreifiriti, þar sem birta má
upplýsingar, sem eiga við á hverjum tíma.
Tjónamat: Beint tap á uppskeru vegna sjúkdóma varð töluvert á árinu, en
auk kartöflumyglu varð tjón í rósum, gerberu og sveppum.
Mikið hefur borið á skemmdum í sendingum af smáplöntum frá Dan-
mörku, og er þarna um að kenna lélegri pökkun. Einnig hefur komið
talsvert af sjúkum blómlaukum frá Hollandi, og kenna þeir um miklum
hitum síðasta sumar.
Varnir gegn sjúkdómum og meindýrum: Við Garðar R. Árnason sömdum
dreifibréf, sem sent var til allra garðyrkjustöðva, þar sem farið var yfir þrif
og sótthreinsun gróðurhúsa.
36