Búnaðarrit - 01.01.1991, Síða 73

Búfjárrækt
Jón Viðar Jónmundsson
Árið 1990 var störfum mínum háttað með
líkum hætti og árið 1989. Ég var í hálfu starfi
hjá Búnaðarfélagi íslands, en auk þess þá
starfaði ég hjá Búnaðarsamtökum Vestur-
lands og hafði með höndum leiðbeiningar í
nautgriparækt á starfssvæði þeirra samtaka.
Þar réð ég mig á sínum tíma til eins árs,
þannig að því starfi lauk 1. ágúst, en ég hef
síðan sinnt verkefnum án ákveðins starfshlut-
falls, en mun láta að fullu af störfum þar
snemma á nýbyrjuðu ári eða þegar kominn er
maður til starfa þar til að sinna þeim verkefn-
um, sem ég hef annast. Einnig var ég í hluta starfs hjá Framleiðsluráði
landbúnaðarins, og eru það störf, sem tengjast framkvæmd fullvirðisréttar-
mála og uppgjöri á samningi ríkisins og Stéttarsambands bænda um
framleiðslu mjólkur og kindakjöts.
Hér á eftir verður gerð grein fyrir helstu þáttum í starfi mínu hjá
Búnaðarfélagi Islands á árinu 1990.
Nautgriparœktin.
Eins og áður var vinna mín að verkefnum nautgriparæktarinnar í
tengslum við hið sameiginlega ræktunarstarf í nautgriparækt hér á landi.
Framkvæmd þeirra verkefna er að meginhluta undir stjórn Búnaðarfélags
íslands.
Skýrsluhaldið. Grunnur að upplýsingaöflun vegna nautgriparæktarinnar
er hið sameiginlega skýrsluhald hjá mjólkurframleiðendum. Vinna við það
hlýtur því að verða eðlileg þungamiðja starfsins í nautgriparæktinni.
Fyrir árið 1989 voru gerðar upp skýrslur frá 819 búum, og komu þar á
skýrslur samtals 23.505 kýr, og reiknaðar árskýr voru samtals 18.245,9.
Afurðir voru að jafnaði 4005 kg af mjólk eftir hverja árskú. Þetta er fyrsta
sinni, sem meðalafurðir skýrslufærðra kúa eru meiri en 4000 kg. Meðalfita
mjólkur mældist 4,07 % og prótein 3,39 %. Kjarnfóðurnotkun á hverja kú á
búum, sem skrá þær upplýsingar, var nær sú sama og undangengin ár eða
544 kg að jafnaði fyrir hverja reiknaða árskú.
Mestar meðalafurðir á einu búi, sem taldi fleiri en 10 árskýr, voru hjá
Klemens Halldórssyni á Dýrastöðum í Norðurárdal, þar sem kýrin skilaði
47