Búnaðarrit - 01.01.1991, Blaðsíða 74
aö jafnaði 5940 kg af mjólk. Afurðahæsta kýrin á landinu var Fjóla 286 á
skólabúinu á Hvanneyri, sem mjólkaði 8743 kg árið 1989.
Árið 1990 hefur vinna við skýrsluhaldið verið með hefðbundnum hætti.
Á árinu var tekið upp að gefa bændum kost á að skrá upplýsingar fyrir alla
gripi, sem í uppeldi eru á búinu. Á þennan hátt er von til að geta aflað
upplýsinga um nautakjötsframleiðsluna á næstu árum, þar sem ætla verður,
að sá þáttur framleiðslunnar skipti meira máli á komandi árum. Þátttaka í
þessum hluta skýrsluhaldsins er að vísu enn fremur lítil. Niðurstöður ársins
1990 liggja að vonum ekki enn fyrir, en allt bendir til, að nokkur
afurðaaukning hafi átt sér stað á árinu.
Sýningar á mjólkurkúm. Árið 1990fórskoðun á kúm fram á Vesturlandi.
Ég var dómari við alla kúaskoðun á árinu og vann að henni á tímabilinu frá
apríl til júní. Kýr voru skoðaðar á öllum búum, sem voru með í skýrsluhaldi
á þessu svæði eða samtals 188 búum, og voru dæmdar þar samtals 1156 kýr.
Gerð verður grein fyrir sýningunum í Nautgriparæktinni árið 1991. Víðast á
svæðinu naut ég aðstoðar við skoðunina hjá starfandi héraðsráðunautum.
Kvíguskoðun. Samfara skoðun á reyndum kúm fer fram skoðun á ungum
kúm undan þeim nautum, sem eru í afkvæmarannsókn á vegum Nauta-
stöðvarinnar á hverjum tíma. Árið 1990 voru skoðaðar kvígur undan
nautum, sem fædd voru árið 1984. Þessi árgangur nauta er fremur lítill, telur
aðeins 14 naut. Þrátt fyrir það vantaði verulega á, að fram kæmi til skoðunar
á sýningarsvæðinu nægur fjöldi dætra þessara nauta. Þess vegna var farið til
skoðunar á dætrum þessara nauta á svæði Bsb. Eyjarfjarðar nokkra fyrstu
daga í júní. Undan þessum nautum hafa samtals verið skoðaðar í kvígu-
skoðun 405 kýr. í þessum árgangi nauta bendir flest til að muni vera að finna
mjög álitleg naut til áframhaldandi notkunar.
Nautgriparœktarnefnd-kynbótanefnd. I byrjun árs var starfandi kynbóta-
nefnd í nautgriparækt samkvæmt búfjárræktarlögum frá 1973. í nefndinni
sátu ráðunautarnir Bjarni Arason, Guðmundur Steindórsson, Jón Atli
Gunnlaugsson og Sveinn Sigurmundsson auk mín, sem þar hafði for-
mennsku á hendi. Á síðasta fundi nefndarinnar 29. janúar var gengið frá
afkvæmadómum á nautum Nautastöðvarinnar, sem fædd voru árið 1983.
Þetta voru samtals 23 naut eða fleiri en nokkru sinni. Þar voru þrjú naut
valin til framhaldsnotkunar sem nautsfeður, og voru það Kaupi 83016 frá
Ytra-Hóli, Öngulsstaðahreppi, Bjartur 83024 frá Merkigili, Hrafnagils- *
hreppi, og Hrókur 83033 frá Fjalli, Skeiðum. Auk þeirra hlutu dóm til
áframhaldandi notkunar Stapi 83002, Goði 83017, Smyrill 83021, Ái 83023,
Steinar 83031, Blær 83035, Þiður 83038 og Máni 83039. Nokkur af þessum
nautum hafa verið í notkun hjá Nautastöðinni á árinu 1990. Besta nautið í
þessum árgangi var dæmt Bjartur 83024, og var þeim hjónum, Daníel
Björnssyni og Guðnýju Guðlaugsdóttur, sem bjuggu á Merkigili, þegar
I
48