Búnaðarrit - 01.01.1991, Qupperneq 100

Á Hólum í Hjaltadal er starfrækt tamningastöð fyrir stóðhesta í skipu-
lögðu samstarfi hrossaræktarsambandanna á Norðurlandi og Hrossabúsins
á Hólum í Hjaltadal. Stóðhestarnir, sem eru tamdir í þessari stöð, eru ýmist
í eigu einstaklinga eða félagasamtaka, en starfinu er stjórnað af samstarfs-
nefnd hrossaræktarsambandanna og Hólabúsins, og er ég ráðgjafi nefndar-
innar. Nefndin fundaði 2. mars, 30. apríl og 1. október, starf þetta er nú að
mótast.
Á fundi stjórnar Búnaðarfélags íslands þann 20. apríl var samþykkt
tilnefning mín í stjórn Hrossaræktarbúsins á Hólum í Hjaltadal, stjórnin
hefur fundað þrisvar, 30. apríl, 22. október og 11. desember.
Þann 5. maí sat ég fund stjórnar Stóðhestastöðvar ríkisins í Gunnarsholti
og var boðið af formanni stjórnar að vera við skoðun nýbyggingar Stóð-
hestastöðvar og fleira í Gunnarsholti þann 4. október, ég gat ekki mætt
vegna anna.
Þann 9. júlí sat ég fyrir hönd Búnaðarfélags íslands aðalfund FEIF, sem
haldinn var að Hólum í Hjaltadal.
Þann 20. mars hélt ég yfirlitserindi og tók þátt í kennslu á námskeiði, sem
Bændaskólinn á Hólum í Hjaltadal efndi til um byggingadóma hrossa. Þann
24. mars var mér boðið að vera við vígslu nýju reiðkennslustofunnar þar, en
gat ekki mætt sakir anna. Dagana 29. til 31. mars kenndum við Þorkell
Bjarnason á námskeiði um dóma kynbótahrossa, sem Bændaskólinn á
Hvanneyri efndi til, og þann 14. ágúst hélt ég fyrirlestur þar á námskeiði
fyrir hestafólk frá Danmörku. í fyrirlestrinum gerði ég grein fyrir ræktunar-
stefnu og leiðbeiningaþjónustu í hrossarækt hér á landi. Síðar um daginn
leiðbeindum við fólkinu verklega um dóma kynbótahrossa og fórum með
því í reiðtúr.
Á árinu mætti ég á nokkra almenna fundi og hélt þar erindi um
hrossarækt. Var ekki hvað síst lögð áhersla á að fræða um, á hvern hátt
hross skyldu sýnd fyrir kynbótadómi, auk umræðu um atriði eins og
kynbótamat Búnaðarfélagsins og nú í haust útkomu sýninga og skýrsluhald.
Fundur var hjá Hestamannafélaginu Geysi í Rangárvallasýslu, 6. febrúar,
sem ég mætti á. Þar hafði Ágúst Sigurðsson einnig framsöguerindi. Á Brún í
Bæjarsveit í Borgarfirði mættum við Þorkell Bjarnason á fund 28. mars og
29. mars á fund á Snæfellsnesi. Þann 26. apríl mætti ég á fræðslufund hjá
Hestamannafélaginu Létti á Akureyri og 10. maí hjá Hestamannafélaginu
Freyfaxa á Héraði. Þann 23. október mættum við Þorkell Bjarnason á fund
á Blönduósi á vegum Hrossaræktarsambands A.-Húnvetninga og 29.
nóvember á fund í Landeyjum á vegum Piltsfélagsins.
74