Búnaðarrit - 01.01.1991, Qupperneq 104

Búnaðarfélagsins á árinu, og í því sambandi m.a. neyddumst við hrossa-
ræktarráðunautar til að senda stjórn Búnaðarfélags íslands tvö bréf.
Búnaðarmálastjóri gerir grein fyrir þeim faglega og persónulega stuðn-
ingi, sem stefnan og við hrossaræktarráðunautar fengum á aðalfundum
Hrossaræktarsambands íslands og Landssambands hestamannafélaga og
frá stjórn Félags tamningamanna, aftur á móti vísaði aðalfundur Félags
hrossabænda faglegri traustyfirlýsingu frá, það segir allt, sem segja þarf.
Á eitt atriði til í þessu sambandi verð ég að minnast, sem eru þau læti, sem
hafa beinst að mér persónulega nú á árinu. Hvernig einum líkar við annan
verður hver að dæma fyrir sig, ég vil vera hreinskiptinn og hispurslaus
maður, sem er trúr sinni sannfæringu, en einhvers staðar segir, að nærgætni
skuli höfð í nærveru sálar, og hver veit nema ég muni það. Hitt var svo miklu
alvarlegra, þegar tvö hrossaræktarsambönd á Norðurlandi reyndu í haust
að koma í veg fyrir formennsku mína á síðsumarsýningum, því var auðvitað
ekki sinnt. Það væri enda dauðadómur yfirfaglegri leiðbeiningaþjónustu, ef
stundarvinsældir ættu að ráða störfum, en meðan á þessu öllu stóð, varð ég
var við mikinn stuðning hestafólks víða að af landinu og jafnvel erlendis frá.
Dómkerfið við kynbótadómana í heild hefur sætt mikilli gagnrýni
undanfarin ár, og fjöldi breytingatillagna um það eru nú uppi. Þær verða
ekki gerðar að umtalsefni hér, en margt er þar ofarlega á baugi, sem lítið
myndi bæta öryggi dómstarfanna. Ég tel reyndar, að mikið hafi þegar
áunnist í því sambandi. Það, sem nú þarf að gera, er að ná samstöðu
meginþorra hestafólks um þá skilgreiningu eiginleika og ræktunartak-
marka, sem sett verður í stigunarkvarða, og efla faglega starfið þ.m.t.
ráðunautaþjónustu búnaðarsambandanna á þessu sviði.
Samskipti við útlönd. Erlend samskipti mín á árinu hafa verið minni en
eflaust þyrfti, og má þar kenna um tímaskorti. Áður hefur verið getið þeirra
greina, sem birtust á ensku á árinu, en ég hef tekið þátt í starfi innan FEIF,
sem miðar að samræmingu númera á hrossum. Nú er komin niðurstaða í
það mál, og verður alþjóðlega kerfið hliðstætt íslenska fæðingarnúmerinu.
Vegna tímaskorts komst ég ekki á nefndarfundi um þetta mál, svo að
bréfaskriftir og símtöl voru látin nægja. Ekki komst ég heldur á þing
ræktunarfulltrúa FEIF. Ég fékk erlendis frá ýmsar fyrirspurnir og umkvart-
anir vegna upprunavottorða, sem ég hef reynt að leysa úr, einnig úr
beiðnum um kynbótadómara og slíkt. Hér vil ég geta um gagnleg störf
hrossaræktarkennara beggja bændaskólanna að alþjóðlegum samskiptum.
Önnurstörf. Þau eru nærengin, en þó kenniégsvolítið um hrossakynbæt-
ur við Búvísindadeildina á Hvanneyri og leiðbeini þar við aðalverkefni. í
78