Búnaðarrit - 01.01.1991, Blaðsíða 130
tímaritum, en almenn umfjöllun í fjölmiðlum, þ.e. útvarpi, sjónvarpi og
blöðum var töluverð.
Kynning. Á árinu var Iögð áhersla á að heimsækja söluskrifstofur erlendis
og kynna ferðaþjónustu bænda fyrir starfsfólki þar. Hvað varðar kaupstefn-
ur, þá var ákveðið að einbeita sér að Vest Norden kaupstefnunni, sem
haldin var á Grænlandi í september.
Flokkun og gœðaeftirlit. Undanfarin ár hefur verið unnið að því að finna
heppilega aðferð til þess að flokka bæi í samtökum ferðaþjónustubænda.
Árið 1989 var mikið gert í þessu sambandi og flokkun fyrir uppbúin rúm
lokið. Árið 1990 var öll svefnpokaaðstaða og sumarhús skoðuð og flokkar
sumarhúsa ákveðnir. í enskum bæklingi ársins 1991, sem gefinn var út í
október s.l., birtist svo flokkun allra bæja, sem bjóða gistingu. Þannig má
segja, að fyrsta áfanga þessa verkefnis sé lokið, en seinni áfangar þess felast
í endurskoðun og eftirliti, og er mikilvægt að vanmeta ekki þá þætti.
Stangveiði. Veiðiflakkarinn er það tæki, sem Ferðaþjónusta bænda hefur
notað við að kynna stangveiði. Árangur þessa starfs hefur valdið vissum
vonbrigðum, og kemur þar ýmislegt til. Nýr Veiðifakkari var því ekki
gefinn út á árinu, en margt annað gert í sambandi við veiðistangaleigu, svo
að nú stendur sú þjónusta til boða á 18 bæjum.
Ferðaþjónusta bænda tók einnig þátt í samstarfsnefnd um eflingu silungs-
veiði með Landssambandi veiðifélaga, Landssambandi stangveiðifélaga,
Félagi silungsveiðibænda og Búnaðarfélagi Islands.
Evrópusamtök ferðaþjónustu í dreifbýli. A árinu voru stofnuð Evrópu-
samtök um ferðaþjónustu á bóndabæjum og í þorpum. Hlutverk þessara
samtaka er fyrst og fremst samvinna við markaðssetningu. Fyrsti formaður
þessara samtaka var þáverandi formaður Ferðaþjónsutu bænda, Paul
Richardson. Ekki þarf að fjölyrða um mikilvægi þess að taka þátt í samstarfi
af þessu tagi.
Frœðslumál. Undanfarin ár hefur ekki verið staðið fyrir námskeiðahaldi
fyrir ferðabændur. Er það vegna þess, að fjarkennsluefni í ferðaþjónustu
hefur verið í vinnslu. Kennsla þess hefst í febrúar 1991.
Að lokum. Starfssvið skrifstofu Ferðaþjónustu bænda er umfangsmikið
og fjölbreytt. Hér hefur verið fjallað um helstu atriði starfseminnar á árinu
1990.
104