Búnaðarrit - 01.01.1991, Blaðsíða 153
*
Bóka- og skjalasafn Búnaðarfélag Islands
Ingibjörg Hjartardóttir
Árið 1990 var fimmta starfsár mitt á bóka-
safninu. Starfið var með hefðbundnum hætti.
Frá og með 1. nóv. minnkaði starfshlutfall
mitt úr 60% í 50% að eigin ósk. í október
fékk ég launalaust leyfi. í júlí hætti ég hjá
Upplýsingaþjónustu landbúnaðarins og hef í
staðinn unnið að leikþáttagerð fyrir Ríkisút-
varpið ásamt bókasafnsvinnunni.
Tölvuvæðingin er á fullu. Nú fer að líða að
því, að bókasafnstölvan tengist innanhúss-
netinu, og verða þá möguleikarnir miklu
meiri. Þá getur bókasafnið orðið að betri
upplýsingamiðstöð með aðgang að erlendum gagnabönkum, og fyrirhugað
er að fjárfesta í nýju bókasafnsforriti, sem önnur álíka bókasöfn eru með.
Þannig geta söfnin haft samtengingu, skoðað forða hvers annars, verið með
sameiginlega áskrift á tímaritum o.þ.h.
Flutningar á skjölum til Þjóðskjalasafnsins halda áfram, og er mest af
gömlu skjölunum komið þangað.
Árni G. Pétursson hefur að langmestu leyti séð um þessar sendingar, en
ég hef skráð gögnin um leið og þau fara. Árni tæmdi einnig bóka- og
skjalageymsluna í kjallara gömlu Osta- og smjörsölunnar, og eru nú allar
okkar bækur og tímarit komin hingað í Bændahöllina, og erum við í óða önn
að skrá þær og koma þeim fyrir.
í nóvember bættist okkur liðsauki á safnið. Júlíus J. Daníelsson, annar
ritstjóra Freys, sem er með próf í bókasafnsfræði, hefur verið ráðinn
tímabundið í skráningu. Eins og ég hef getið í fyrri starfsskýrslum, þá vantar
mikið á, að bókaforði BÍ komist á skrá og ekki vanþörf á, að þar yrði gert
átak. Júlíus er hér tvo eftirmiðdaga og er á fullu í skráningu. Nú geta
ráðunautar og aðrir, sem eru með óskráðar bækur inni á sínum herbergjum,
átt von á því, að þær verði allar teknar og skráðar. Þegar þetta skráningará-
tak hefur verið gert, er meiningin að gefa út ritaukaskrá bókasafnsins og
senda hana á önnur bókasöfn, svo að vitneskja fáist um, hvaða bækur við
eigum, en við eigum hér margar fágætar bækur um landbúnað, sem hvergi
eru til annars staðar á landinu.
127