Búnaðarrit - 01.01.1991, Side 165

Þórarinn var nemandi við Alþýðuskólann á Eiðum veturinn 1930-31, og
annan vetur var hann í Gagnfræðaskólanum í Reykjavík.
Að öðru leyti var hann heima í Holti, nema hvað hann kenndi börnum og
unglingum heima í Þistilfirði og jafnvel utansveitar tíma og tíma úr vetri
framan af aldri.
Aðalstarf Þórarins var þó sauðfjárrœkt í bezta skilningi, þ.e. hann
stundaði sauðfjárbúskap sér til lífsframfæris jafnframt því, sem hann vann
að ræktun, þ.e. kynbótum, sauðfjár í félagi við Árna, bróður sinn, í
fjárbúinu heima í Holti og með öðrum sveitungum og nágrönnum í
Fjárræktarfélaginu Þistli, sem stofnað var árið 1940.
Það væri ekki í anda Þórarins Kristjánssonar, ef ég gæfi í skyn, að hann
ætti meiri heiður skilið en aðrir félagar fyrir þann frábæra árangur, sem þeir
náðu í kynbótastarfinu. En hann var lengi í stjórn félagsins og formaður
fyrstu árin og alltaf framarlega í flokki, ef ekki fremstur meðal jafningja í
starfinu.
En félagsmálastarf hans var ekki einskorðað við fjárræktarfélagið. Hann
var um 30 ára skeið í stjórn Búnaðarfélags Þistilfjarðar og lengi formaður
þar. I 17 ár var hann í stjórn Ræktunarfélags Norður-Þingeyinga austan
heiðar, og hann var fulltrúi Búnaðarsambands Norður-Þingeyinga á Bún-
aðarþingi í 20 ár, 1962-82.
Þórarinn var prýðilega ritfær og ritstýrði, ásamt tveimur öðrum, byggða-
bókinni Land og Fólk - Byggðasaga Norður-Þingeyjarsýslu, og ennfremur
átti hann við dauða sinn nær fullbúið handrit að sögu Kaupfélags Langnes-
inga, en í því félagi starfaði hann af heilum huga eins og að öllu öðru, sem
hann lagði hönd á.
Þá vann hann mikið og gott starf í sönglífi sveitar sinnar, því að hann var
söngsins maður, lék á orgel og var lengi organisti við sóknarkirkjuna á
Svalbarði.
Á Búnaðarþingi var hann starfsamur og ágætur fulltrúi, var jafnan í
búfjárrœktarnefnd, og voru honum alltaf sérstaklega hugleikin öll mál, er
snertu sauðfjárræktina.
Þórarinn var ókvæntur og barnlaus.
I apríllok síðast liðnum var haldinn hátíðarfundur í tilefni af 50 ára afmæli
Fjárræktarfélagsins Þistils. Þórarinn hélt ræðu dagsins og rakti sögu félags-
ins. Morguninn eftir gekk hann ásamt gestum, m.a. frá Búnaðarfélagi
Islands, til fjárhúsa þeirra Holtsmanna að sýna þeim fé í húsum, eitthvert
bezt ræktaða og fallegasta sauðfé á íslandi. Við fjárhúsdyrnar hné hann
niður örendur. Það var 22. apríl 1990.
Þann 1. maí var útför hans gerð frá sóknarkirkjunni á Svalbarði, þar sem
hann hafði svo oft spilað og sungið með sveitungum sínum.
139