Búnaðarrit - 01.01.1991, Page 166

Lárus Ágúst Gíslason fæddist í Rauðseyjum á Breiðafirði 17. ágúst 1905,
sonur hjónanna Gísla Bergsveinssonar frá Látrum og Jónu Sigríðar Guð-
mundsdóttur frá Miðjanesi.
Hann ólst upp til fullorðinsára heima við Breiðafjörð, en hálfþrítugur
réðst hann í vinnumennsku suður í Rangárvallasýslu. Dvölin þar varð löng.
Árið 1931 kvæntist hann Bryndísi Nikulásdóttur frá Þórunúpi í Hvolhreppi.
Þar hófu þau búskap sinn, en fluttu sig árið 1947 í Miðhús í sömu sveit.
í Miðhúsum bjuggu þau í 32 ár eða til 1969, er dóttir þeirra og
tengdasonur tóku við jörðinni.
Þá fluttu þau hjónin til Reykjavíkur, þarsem þau bjuggu til 1981, og vann
Lárus þar hjá Landnámi ríkisins í hluta úr starfi. Á þeim árum skrifaði hann
og gaf út skrá um hlunnindajarðir á Islandi, og er það gott heimildarrit um
þennan þátt íslenzks búskapar. Þá lá leið hjónanna aftur austur í Rangár-
þing, þar sem þau áttu heima, það sem eftir var ævi hans.
Lárus í Miðhúsum var mikill áhugamaður um félagsmál, bæði á sviði
búnaðarsamtaka og stjórnmála. Hann var í 17 ár í stjórn Búnaðarfélags
Hvolhrepps og var lengi formaður. Hann var í stjórn Kaupfélagsins Þórs á
Hellu og átti sæti í miðstjórn Sjálfstæðisflokksins. í minningargrein segir, að
hann væri um skeið í 30 félögum og nefndum.
Hann var einn af 5 fulltrúum Búnaðarsambands Suðurlands á Búnaðar-
þingi í 12 ár, 1967-1978, og þótti þar ágætur liðsmaður.
Lárus Ágúst var mikill Sunnlendingur orðinn, enda vann hann þar
ævistarf sitt að mestu, og þar skaut ætt hans rótum í frjóa jörð. Eigi að síður
var hann líka tryggur sonur Breiðafjarðar og mat mjög mikils uppruna-
byggð sína og minningar æskuáranna á og við Breiðafjörð. Þangað fór hann
í kynnisferðir oft, ekki sízt síðari árin, seinast í fylgd dóttursonar síns á
síðastliðnu vori, þá nær 85 ára að aldri.
Hann lézt 2. nóvember 1990 og var jarðsettur að Stórólfshvoli.
Þá vil ég minnast manns, sem um árabil var starfsmaður Búnaðarfélags
íslands, þótt aldrei væri hann í höfuðstöðvum félagsins hér í Reykjavík.
Valdimar Runólfsson var fæddur á Hólmi í Landbroti í Vestur-Skafta-
fellssýslu 14. maí árið 1899. Hann ólst upp þar og í Ytri-Dalbæ og um skeið í
Holti á Síðu. En liðlega tvítugur fór hann sem vinnumaður að Þykkvabæ í
Landbroti til Helga Þórarinssonar, bónda þar, sem var þjóðkunnur maður.
Árið 1926 gekk hann að eiga Rannveigu, dóttur Helga bónda. Þau fluttu til
Reykjavíkur, þar sem Valdimar gekk í Iðnskólann og varð meistari í
trésmíði í fyllingu tímans.
Hann gerðist mjög virkur í félagsmálum stéttar sinnar og sat í stjórn
Trésmíðafélags Reykjavíkur 1931-39 þar af síðustu 5 árin sem formaður.
Bróðir Valdimars, Bjarni Runólfsson, hinn þjóðkunni frömuður í raf-
væðingu sveitaheimila, andaðist 1938. Nokkru síðar varð það að samkomu-
140