Búnaðarrit - 01.01.1991, Side 171

lifað og varðveitt þjóðarsálina í 1100 ár. Og það er engin sáttargerð við
landið að losa heiðalönd eða fjallshlíðar við hóflegan fjölda beitarpenings í
sumarhögum, sem glatt hefur augu fólksins í kynslóðanna rás.
Satt er það, að gróðurinn ber þess merki, þegar hann er bitinn, en til þess
hlýtur skaparinn að hafa ætlazt, þegar hann skapaði samtímis jurtirnar og
jurtaæturnar, og saman mynda þessi tvö lífsform grundvöllinn að mannlífi á
jörðu hér.“
Ræðu sinni lauk forseti með þessum orðum:
„Góðir fulltrúar og gestir!
Ég sé ekki ástæðu til að segja öllu meira. Ég hef ekki gert tilraun til að
gera neins konar úttekt á stöðu landbúnaðarins. Hér verða flutt tvö erindi
eða ávörp, og ég á von á, að við fáum miklar yfirlýsingar um stöðu og gang
mála þar.
Ég hef þó aðeins drepið á hið erfiða ástand í sauðfjárræktinni út af
markaðsmálum. Óneitanlega er þar dökkt ský á himni. Og auðvitað eru
fleiri dökk ský á landbúnaðarhimni okkar, sem standa í sambandi við
evrópskar og reyndar alþjóðlegar hræringar í verzlun og viðskiptum m.a.
með landbúnaðarvörur. - Prátt fyrir það er sem betur fer líka heilmikið af
birtu yfir búskaparmálunr okkar. Það árar vel í náttúrunni, þó að hann hafi
blásið helzt til sterkt nýlega. Málefni nautgriparæktar eru í nokkuð góðu
lagi, hrossarækt er í uppgangi. Sauðfjársjúkdómar virðast vera á undan-
haldi, ferðaþjónusta í sveitum gengur vel, og víst má margt fleira fram telja.
Talið er, að afkoma bænda sé sízt á niðurleið, ef á heildina er litið.
Og ekki er að heyra mikinn uppgjafatón í mannskapnum. Stéttin er að
vísu nokkuð gömul í þeim skilningi, að meðalaldurinn er of hár. Nýliðun er
þó alltaf nokkur, mismikil að vísu í hinum ýmsu héruðum, og aðsókn að
búnaðarskólunum er mikil. Það er góðs viti.
Ég á alls ekki von á, að svartsýni setji mark sitt á þetta Búnaðarþing
frekar en önnur, sem ég hef setið síðastliðin 20 ár.
Að svo mæltu þakka ég gestum fyrir komuna og segi Búnaðarþing sett.“
Þá tók til máls Steingrímur J. Sigfússon, landbúnaðarráðherra, og hefur
ritari gjörðabókar Búnaðarþings tekið saman eftirfarandi yfirlit úr ræðu
hans:
„Ráðherra gerði grein fyrir rekstrarstöðu landbúnaðarins og hvar að
kreppti. Hann vék að umræðum um landbúnað í þeim viðræðum um
Evrópskt efnahagssvæði, sem verið hafa í gangi milli EB og EFTA.
Ráðherra greindi frá ýmsum verkefnum, sem unnin hafa verið í landbún-
aðarráðuneytinu að undanförnu.
Hann drap á tillögur sjömannanefndar. Hann gat þess, að í þeim
145