Búnaðarrit - 01.01.1991, Page 206
Allsherjarnefnd þingsins í heimsókn hjá Landmœlingum Islands. F.v.: Eysteinn G. Gíslason,
Egill Bjarnason, Erlendur Halldórsson, Gunnar Sœmundsson og Ágústa Porkelsdóttir skoða
gervihnattarmynd af Reykjanesi, sem Ágúst Guðmundsson, forstöðumaður stofnunarinnar,
sýnir þeim. - Ljósm.: J.J.D., Frey.
Búnaðarþing felur stjórn Búnaðarfélags íslands að hlutast til um það við
búnaðarsambönd og héraðsnefndir, að þessir aðilar hafi forgöngu um, að
athugaðar verði landamerkjaskrár allra lögbýla og annarra jarða eða
jarðahluta, sem sérmetnar eru fasteignamati.
Landamerkjaskrárnar verði bornar saman við þau landamerki, sem
hlutaðeigandi aðilar telja, að gildi fyrir viðkomandi jarðir.
Landamerkjaskrár verði endurbættar og gerðar nýjar, ef þörf krefur.
Landamerki verði síðan merkt inn á loftmyndir, sem fylgi landamerkja-
skrám.
Stefnt verði að því að ljúka þessu verki á þremur árum, það er 1991-1993.
Lögfest verði með viðauka við Iögum landamerki nr. 41 1919ákvæði þess
efnis, að athugun á skráningu landamerkja skuli fara fram eigi sjaldnar en á
20 ára fresti og auk þess, að gengið skuli á landamerki við eigendaskipti á
jörðum.
Þingið felur stjórn Búnaðarfélags íslands að fylgjast með framgangi þessa
máls og meta, að fenginni reynslu, í samráði við þá aðila, sem að
framkvæmdinni standa, hvort þörf verði á að breyta lögum nr. 41 1919, um
landamerki.
180