Búnaðarrit - 01.01.1991, Page 221
Rannsóknastofnun landbúnaðarins standi saman að starfseminni, en nú
þegar fara fram frumrannsóknir á eðliskostum nokkurra bleikjustofna.
Búnaðarþing fagnar því, að þetta hefur verið afráðið, og væntir hinnar
beztu samvinnu fyrirhugaðrar kynbótastöðvar á Hólum við leiðbeininga-
þjónustu Búnaðarfélags Islands og nýstofnað fagráð bleikjueldismanna.
Jafnframt er þess eindregið vænzt, að nauðsynlegt fé verði veitt til þessarar
starfsemi, svo að bráðlega megi vænta árangurs af henni.
Bleikjueldi er búgrein, sem vonir standa til að stunda megi á bændabýlum
víða um land. Til þess að svo geti orðið, þarf að undirbúa málið rækilega,
allt frá hagfræðilegum undirstöðum, stofnavali og kynbótastarfi til mark-
aðssetningar. Þetta má læra af dýrri reynslu af laxeldi.
Mál nr. 39
Erindi Páls Ólafssonar og Óskars ísfelds Sigurðssonar um varðveizlu
regnbogasilungsstofns.
Málið afgreitt með eftirfarandi ályktun, sem samþykkt var með 21 sam-
hljóða atkvæði:
Búnaðarþing beinir því til landbúnaðarráðuneytis að sjá til þess, að
regnbogasilungsstofninn, sem hefur verið í eldi hér á landi undanfarin ár,
verði varðveittur.
GREINARGERÐ:
Upp er komin sú staða, að fyrirtæki það, senr fyrst og fremst hefur annazt
eldi regnbogasilungs, hefur óskað gjaldþrotaskipta, og því veruleg óvissa
um það eldi. Að mati sérfræðinga er þessi stofn sennilega sá heilbrigðasti,
sem finnst í Evrópu.
Pví virðist mjög brýnt, að engin áhætta verði tekin með, að stofninn
glatist.
Mál nr. 40
Erindi Páls Ólafssonar um skráningu og tryggingu dráttarvéla í landbúnaði.
Málið afgreitt með eftirfarandi ályktun, sem samþykkt var með 25 sam-
hljóða atkvæðum:
Búnaðarþing bendir á, að skráningu dráttavéla bænda er víða ábótavant.
Eigendaskipti hafa hvorki verið tilkynnt í öllum tilvikum né skráð.
Dráttarvélar bænda eru nú skráðar sem ökutæki í bifreiðaskrá hjá
Bifreiðaskoðun íslands hf.
Þingið felur stjórn Búnaðarfélags íslands að athuga, hvernig ástatt er
ineð skráningu dráttarvéla, og hvort ekki sé eðlilegra, að dráttarvélar
bænda séu skráðar sem vinnuvélar og tryggðar þannig.
195